ലോഞ്ച് ഓഫറൊക്കെ തീർന്നു; ഇപ്പോൾ വിവോ X200T 5G വാങ്ങാൻ ഏറ്റവും ബെസ്റ്റ് ഡിസ്കൗണ്ട് ഇതാണ്

വിവോയുടെ പ്രീമിയം മോഡലുകൾ അ‌ണിനിരക്കുന്ന സീരീസ് ആണ് X. അ‌ടുത്തിടെ ഇന്ത്യയിൽ X സീരീസിൽഏതാണ്ട് മൂന്നോളം മികച്ച സ്മാർട്ട്ഫോണുകൾ എത്തുകയുണ്ടായി. ഏറ്റവും പ്രീമിയം മോഡലുകളായി പുതിയ X300 സീരീസിന് തുടക്കം കുറിച്ച് X300, X300 പ്രോ എന്നിവയാണ് ആദ്യം എത്തിയത്, അ‌തിന് പിന്നാലെ X200 സീരീസിന്റെ ഭാഗം എന്ന് പറയാവുന്നതും എന്നാൽ X സീരീസിലെ പ്രധാന മോഡലുകളുടെ വില കുറഞ്ഞ ഓപ്ഷൻ എന്ന് പറയാവുന്നതുമായ ഒരു സ്മാർട്ട്ഫോൺ കൂടി എത്തി. വിവോ X200T (Vivo X200T) ആണ് ആ സ്മാർട്ട്ഫോൺ.

കഴിഞ്ഞ മാസം അ‌വസാനത്തോടെയാണ് വിവോ X200T 5ജി ഇന്ത്യയിൽ അ‌വതരിപ്പിക്കപ്പെട്ടത്. തുടർന്ന് ഈ മാസത്തിന്റെ തുടക്കത്തിൽ തന്നെ ഇതിന്റെ വിൽപ്പന ആരംഭിക്കുകയും ചെയ്തു. ഭാഗമായി മികച്ച ലോഞ്ച് ഓഫറുകൾ സഹിതമാണ് ഈ സ്മാർട്ട്ഫോൺ ഇന്ത്യയിൽ വിൽപ്പനയ്ക്ക് എത്തിയത്. എന്നാൽ പരിമിത കാലത്തേക്ക് മാത്രമായി ലഭ്യമാക്കിയ ആ ലോഞ്ച് ഓഫറുകൾ പിന്നീട് പിൻവലിക്കപ്പെട്ടു.

ZIESS ക്യാമറ സജ്ജീകരണമുള്ള വിവോ X200T 5ജിയുടെ 12GB + 256GB മോഡലിന് 59,999 രൂപയും 12GB + 512GB മോഡലിന് 69,999 രൂപയുമാണ് യഥാർഥ വില. ലോഞ്ച് ഓഫറിന്റെ ഭാഗമായി 5000 രൂപ ബാങ്ക് ഡിസ്കൗണ്ട് ലഭ്യമായതിനാൽ 54999 രൂപ പ്രാരംഭ വിലയിൽ ഈ ഫോൺ വിൽപ്പന ആരംഭിച്ച സമയങ്ങളിൽ വാങ്ങാനാകുമായിരുന്നു.

എന്നാൽ ലോഞ്ച് ഓഫറുകൾ അ‌വസാനിച്ച ശേഷം, ഇപ്പോൾ വ്യത്യസ്തമായ ഡിസ്കൗണ്ടിലാണ് ഫ്ലിപ്പ്കാർട്ടിലും വിവോയുടെ ഔദ്യോഗിക വെബ്​സൈറ്റിലും ഈ ഫോൺ വാങ്ങാൻ ലഭ്യമായിരിക്കുന്നത്. ഫ്ലിപ്പ്കാർട്ടിൽ വിവോ X200T 5ജിക്ക് നിലവിൽ പരമാവധി 3000 രൂപ വരെയാണ് ബാങ്ക് ഡിസ്കൗണ്ട് ലഭ്യമാകുക. ഇത് പ്രയോജനപ്പെടുത്തിയാൽ 56999 രൂപ വിലയിൽ ഈ ഫോൺ വാങ്ങാനാകും.

ഫ്ലിപ്പ്കാർട്ടിലെക്കാൾ കുറച്ചുകൂടി മെച്ചപ്പെട്ട ബാങ്ക് ഡിസ്കൗണ്ട് വിവോ X200T 5ജിക്ക് ലഭിക്കുക വിവോയുടെ ഔദ്യോഗിക വെബ്​സൈറ്റിലാണ്, അ‌വിടെ 4000 രൂപ ബാങ്ക് ഡിസ്കൗണ്ട് സഹിതം 55999 രൂപ വിലയിൽ ഈ ഫോൺ വാങ്ങാനാകും. ശക്തമായ ഒരു നല്ല സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് പരിഗണിക്കാവുന്ന മോഡൽ തന്നെയാണ് വിവോ X200T 5ജി. 160.1×74.29×7.99mm വലിപ്പവും 203 ഗ്രാം (സീസൈഡ് ലിലാക്ക്) /205 ഗ്രാം (സ്റ്റെല്ലാർ ബ്ലാക്ക്) ഭാരവും ഈ ഫോണിനുണ്ട്.

പ്രധാന ഫീച്ചറുകൾ

ZEISS പിന്തുണയുള്ള ട്രിപ്പിൾ റിയർ ക്യാമറ സജ്ജീകരണം തന്നെയാണ് ഇതിലെ മുഖ്യ ആകർഷണം. സോണി IMX921 സെൻസറുള്ള 50MP മെയിൻ ക്യാമറ (f/1.57 അപ്പേർച്ചർ, OIS), JN1 സെൻസറുള്ള 50MP അൾട്രാ-വൈഡ് ക്യാമറ (f/2.0 അപ്പേർച്ചർ), 50MP IMX882 3x പെരിസ്കോപ്പ് ടെലിഫോട്ടോ ക്യാമറ (f/2.57 അപ്പേർച്ചർ), LED ഫ്ലാഷ്, വരെ 4K വീഡിയോ റെക്കോർഡിംഗ് എന്നിവ X200T 5ജിയിൽ വിവോ നൽകിയിരിക്കുന്നു.

സെൽഫിക്കും മറ്റുമായി 1/3.44″ ISOCELL KD1 സെൻസറുള്ള 32MP ഫ്രണ്ട് ക്യാമറയും (f/2.0 അപ്പർച്ചർ) ഇതിലുണ്ട്. ഒക്ട-കോർ ​​ഡൈമെൻസിറ്റി 9400+ 3nm പ്രോസസറാണ് ഈ ഫോണിന്റെ കരുത്ത്. 90W ഫാസ്റ്റ് ചാർജിംഗ്, 40W വയർലെസ് ചാർജിംഗ് പിന്തുണ​കളോടെ 6200mAh ബാറ്ററിയാണ് വിവോ ഈ മോഡലിൽ നൽകിയിരിക്കുന്നത്.

6.67-ഇഞ്ച് (2800×1260 പിക്സലുകൾ) 1.5K 120Hz AMOLED സ്ക്രീൻ, 2160Hz ഹൈ ഫ്രീക്വൻസി PWM ഡിമ്മിംഗ്, 5000 nits വരെ പീക്ക് ബ്രൈറ്റ്നസ്, ഇമ്മോർട്ടാലിസ്-G925 ജിപിയു, 12GB / 16GB LPDDR5X റാം, 256GB / 512GB UFS 3.1 സ്റ്റോറേജ്, ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ എന്നിവയും ഇതിലുണ്ട്.

IP68 + IP69 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, USB ടൈപ്പ്-C 2.0 എന്നിവയാണ് മറ്റ് പ്രധാന ഫീച്ചറുകൾ. ആൻഡ്രോയിഡ് 16 അ‌ടിസ്ഥാനമാക്കിയുള്ള OriginOS 6 ൽ ആണ് പ്രവർത്തനം. 5 വർഷത്തെ OS അപ്‌ഡേറ്റുകളും 7 വർഷത്തെ സുരക്ഷാ അപ്‌ഡേറ്റുകളും ലഭിക്കും.