ഹാപ്പി ഹാപ്യേയ്! 50MP ട്രിപ്പിൾ റിയർ ക്യാമറ, ഡൈമെൻസിറ്റി 9400+ ചിപ്; വിവോ X200T ഇന്ത്യയിൽ ലോഞ്ച് ചെയ്തു

ഇന്ത്യൻ സ്മാർട്ട്ഫോൺ വിപണിയിൽ സന്തോഷപ്പൂത്തിരി കത്തിച്ചുകൊണ്ട് വി​വോയുടെ ഒരു പുതിയ X സീരീസ് സ്മാർട്ട്ഫോൺ കൂടി എത്തിയിരിക്കുന്നു. വിവോയുടെ X200 സീരീസിന്റെ ഭാഗമെന്ന് പറയാവുന്ന പുതിയ വിവോ X200T 5ജി (vivo X200T) ആണ് ഇന്ത്യയിൽ ഇന്ന് ലോഞ്ച് ചെയ്തിരിക്കുന്നത്. അ‌ടുത്തിടെയാണ് വിവോ X300 സീരീസ് ഇന്ത്യയിൽ ലോഞ്ച് ചെയ്തത്. ഈ X300 സീരീസിനെക്കാൾ കുറഞ്ഞ വിലയിൽ വാങ്ങാവുന്ന X സീരീസ് ഫോൺ എന്നതാണ് വിവോ X200T 5ജിയുടെ പ്രധാന ആകർഷണം. ഒരു പ്രീമിയം ലെവൽ ഫോൺ തേടുന്നവർക്ക് ഇനി ഈ പുതിയ ഓപ്ഷനും പരിഗണിക്കാം.

മീഡിയടെക് ഡൈമെൻസിറ്റി 9400+ SoC ആണ് ഈ ​വിവോ ഫോണിന്റെ കരുത്ത്. 4500mm² VC കൂളിംഗ് സജ്ജീകരണം ഇതിൽ ഉണ്ട്. 6.67 ഇഞ്ച് 1.5K 120Hz Q10 പ്ലസ് AMOLED സ്‌ക്രീനാണ് ഈ ഫോണിനുള്ളത്. മികച്ച പെർഫോമൻസിന് കരുത്തുപകരാൻ 12GB റാം ഉൾപ്പെടെയുള്ള ഫീച്ചറുകളും ഇതിലുണ്ട്.

ZIESS ഒപ്റ്റിക്സ് പിന്തുണയുള്ള 50MP ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്. 100x ഹൈപ്പർസൂം സഹിതമാണ് ഇതിലെ റിയർ ക്യാമറ സജ്ജീകരണം എത്തിയിരിക്കുന്നത്. പ്രീമിയം X300 സീരീസ് മോഡലുകളിലേതിന് സമാനമായി 5 വർഷത്തെ Android OS അപ്‌ഡേറ്റുകളും 7 വർഷത്തെ സുരക്ഷാ അപ്‌ഡേറ്റുകളും ഈ ഫോണിന് ലഭിക്കും.

പ്രധാന ഫീച്ചറുകൾ

6.67-ഇഞ്ച് (2800×1260 പിക്സലുകൾ) 1.5K 120Hz AMOLED സ്ക്രീൻ, 2160Hz ഹൈ ഫ്രീക്വൻസി PWM ഡിമ്മിംഗ്, 5000 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്. ഒക്ട-കോർ ​​ഡൈമെൻസിറ്റി 9400+ 3nm പ്രോസസർ ആണ് ഈ ഫോണിന്റെ കരുത്ത്. ഇമ്മോർട്ടാലിസ്-G925 ജിപിയുവും ഇതിലുണ്ട്.

12GB / 16GB LPDDR5X റാം, 256GB / 512GB UFS 3.1 സ്റ്റോറേജ് എന്നീ ഫീച്ചറുകളും വിവോ X200T 5ജിയിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള OriginOS 6 ൽ ആണ് പ്രവർത്തനം. 5 വർഷത്തെ OS അപ്‌ഡേറ്റുകളും 7 വർഷത്തെ സുരക്ഷാ അപ്‌ഡേറ്റുകളും ലഭിക്കും. പൊടി, ജല പ്രതിരോധം എന്നിവയ്‌ക്കായി IP68 + IP69 റേറ്റിങ് ഈ ഫോണിലുണ്ട്.

വിവോ X200T 5ജിയുടെ ട്രിപ്പിൾ റിയർ ക്യാമറ സജ്ജീകരണത്തിൽ, സോണി IMX921 സെൻസറുള്ള 50MP മെയിൻ ക്യാമറ (f/1.57 അപ്പേർച്ചർ, OIS), JN1 സെൻസറുള്ള 50MP അൾട്രാ-വൈഡ് ക്യാമറ (f/2.0 അപ്പേർച്ചർ), 50MP IMX882 3x പെരിസ്കോപ്പ് ടെലിഫോട്ടോ ക്യാമറ (f/2.57 അപ്പേർച്ചർ), ZEISS ഒപ്റ്റിക്സ്, LED ഫ്ലാഷ്, വരെ 4K വീഡിയോ റെക്കോർഡിംഗ് എന്നിവ അ‌ടങ്ങുന്നു.

സെൽഫിക്കും മറ്റുമായി 1/3.44″ ISOCELL KD1 സെൻസറുള്ള 32MP ഫ്രണ്ട് ക്യാമറ (f/2.0 അപ്പർച്ചർ) ആണ് ഈ വിവോ ഫോണിലുള്ളത്. ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, USB ടൈപ്പ്-C 2.0 എന്നിവയും ഇതിലുണ്ട്.

90W ഫാസ്റ്റ് ചാർജിംഗ്, 40W വയർലെസ് ചാർജിംഗ് പിന്തുണ​കളോടെ 6200mAh ബാറ്ററിയും വിവോ X200T 5ജിയിലുണ്ട്. സീസൈഡ് ലിലാക്ക്, സ്റ്റെല്ലാർ ബ്ലാക്ക് കളർ ഓപ്ഷനുകളിലാണ് ഇത് വാങ്ങാനാകുക. 160.1×74.29×7.99mm വലിപ്പവും 203 ഗ്രാം (സീസൈഡ് ലിലാക്ക്) / 205 ഗ്രാം (സ്റ്റെല്ലാർ ബ്ലാക്ക്) ഭാരവുമാണ് ഈ ഫോണിനുള്ളത്.

വിലയും ലഭ്യതയും

വിവോ X200T 5ജിയുടെ 12GB + 256GB മോഡലിന് 59,999 രൂപയും 12GB + 512GB മോഡലിന് 69,999 രൂപയുമാണ് വില. ലോഞ്ച് ഓഫറിന്റെ ഭാഗമായി ഓൺ​ലൈൻ പർച്ചേസിൽ 5,000 രൂപ ഇൻസ്റ്റന്റ് ക്യാഷ്ബാക്ക് അല്ലെങ്കിൽ 5000 രൂപ വരെ എക്സ്ചേഞ്ച് ബോണസ് ലഭ്യമാകും.

18 മാസത്തെ നോ-കോസ്റ്റ് EMI, 1 വർഷത്തെ സൗജന്യ എക്സ്റ്റൻഡഡ് വാറന്റി എന്നിവയും ലോഞ്ച് ഓഫറിന്റെ ഭാഗമായി ലഭ്യമാണ്. വിവോ ഇന്ത്യ ഓൺലൈൻ സ്റ്റോർ, ഫ്ലിപ്കാർട്ട്, ഓഫ്‌ലൈൻ സ്റ്റോറുകൾ എന്നിവ വഴി ഇപ്പോൾ ഈ ഫോൺ പ്രീ ബുക്ക് ചെയ്യാനാകും. ഓപ്പൺ സെയിൽ ഫെബ്രുവരി 3 മുതൽ ആണ് ആരംഭിക്കുക.