വലിയ ഡിസ്പ്ലേയും ബാറ്ററിയും 200MP ടെലിഫോട്ടോ ക്യാമറ; ഇന്ത്യ കാത്തിരുന്ന വിവോ X300 പ്രോ എത്തി

അ‌ടുത്തിടെ നിരവധി പ്രീമിയം സ്മാർട്ട്ഫോണുകൾ ഇന്ത്യയിൽ ലോഞ്ച് ചെയ്യുകയുണ്ടായി, എന്നാൽ അ‌വയെക്കാളൊക്കെ സ്മാർട്ട്ഫോൺ ആരാധകർ ആകാംക്ഷയോടെ കാത്തിരുന്നത് വിവോയുടെ പുതിയ X സീരീസ് പ്രോ മോഡലിന്റെ ഇന്ത്യൻ ലോഞ്ചിന് വേണ്ടിയായിരുന്നു. എല്ലാ കാത്തിരുപ്പുകൾക്കും വിരാമമിട്ടുകൊണ്ട് വിവോ X300 മോഡലിനൊപ്പം വിവോ X300 പ്രോ (vivo X300 Pro) ഇന്ത്യയിൽ ലോഞ്ച് ചെയ്തു. സ്റ്റാന്റേർഡ് മോഡലിനെ അ‌പേക്ഷിച്ച് കുറച്ചുകൂടി വലിയ ഡിസ്പ്ലേയും ബാറ്ററിയും ഈ പ്രോ മോഡലിലുണ്ട്. കൂടാതെ ക്യാമറ സജ്ജീകരണവും സ്റ്റാന്റേർഡ് മോഡലിനെക്കാൾ വളരെ മികവുപുലർത്തുന്നു. അ‌തേസമയം ഇരുമോഡലുകളും ​​​ഡൈമെൻസിറ്റി 9500 ചിപ്സെറ്റ് കരുത്തിൽ ആണ് പ്രവർത്തിക്കുന്നത്.

200MP 1/1.4″ സാംസങ് HPB സെൻസറുള്ള 85mm പെരിസ്‌കോപ്പ് ടെലിഫോട്ടോ ക്യാമറയാണ് ഈ പ്രോ മോഡലിലെ ക്യാമറ സജ്ജീകരണത്തിന്റെ മുഖ്യ ആകർഷണമെങ്കിലും മറ്റ് ക്യാമറകളും നിസാരക്കാരല്ല. 50MP 1/1.28″ LYT828 മെയിൻ ക്യാമറ ഉപയോഗിക്കുന്ന ആദ്യ ഫോണാണ് വിവോ X300 പ്രോ. ഇതോടൊപ്പം 50MP അൾട്രാ-വൈഡ് ക്യാമറയും എത്തുന്നു. Zeiss 2.35x ടെലികൺവെർട്ടർ പിന്തുണയും ഈ പ്രോ മോഡലിനുണ്ട്.

വിവോ X300 പ്രോ ഫീച്ചറുകൾ

6.78" (2800 x 1260 പിക്സലുകൾ) HDR10+ ഉള്ള 1.5K LTPO AMOLED സ്ക്രീൻ ആണ് ഈ പ്രോ മോഡലിലുള്ളത്. ഇത് 20:9 ആസ്പെക്ട് റേഷ്യോ, 1-120Hz റിഫ്രഷ് റേറ്റ്, 4500 nits വരെ പീക്ക് ബ്രൈറ്റ്നസ്, 2160Hz PWM ഡിമ്മിംഗ്, ആർമർ ഗ്ലാസ് പ്രൊട്ടക്ഷൻ എന്നിവ സഹിതം എത്തുന്നു.

ആം മാലി-G1 അൾട്രാ MC12 GPU ഉള്ള ഒക്ട-കോർ ​​ഡൈമെൻസിറ്റി 9500 3nm പ്രോസസർ ആണ് X300 പ്രോയുടെ കരുത്ത്. 16GB LPDDR5X റാം, 512GB (UFS 4.1) സ്റ്റോറേജ് എന്നിവയും ഇതോടൊപ്പം എത്തുന്നു. ഇൻ-ഡിസ്പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ എന്നീ ഫീച്ചറുകളും ഇതിലുണ്ട്.

വിവോ x300 പ്രോയുടെ റിയർ ക്യാമറ സജ്ജീകരണത്തിൽ 1/1.28" സോണി LYT828 സെൻസറുള്ള 50MP മെയിൻ ക്യാമറ (f/1.57 അപ്പേർച്ചർ, OIS), 50MP അൾട്രാ-വൈഡ്-ആംഗിൾ ക്യാമറ (f/2.0 അപ്പേർച്ചർ), 200MP 1/1.4″ സാംസങ് HPB ZEISS APO പെരിസ്കോപ്പ് ടെലിഫോട്ടോ ക്യാമറ (f/2.67 അപ്പേർച്ചർ, OIS), 3.7x ഒപ്റ്റിക്കൽ സൂം, ടെലിഫോട്ടോ മാക്രോ, Zeiss T* കോട്ടിംഗ്, ZEISS ഒപ്റ്റിക്സ്, V3+, VS1 ഡ്യുവൽ ഇമേജിംഗ് ചിപ്പുകൾ എന്നിവ അ‌ണിനിരക്കുന്നു.

സ്റ്റാന്റേർഡ് മോഡലിലേത് പോലെ പ്രോ മോഡലിലും f/2.0 അപ്പേർച്ചറുള്ള 50MP ഫ്രണ്ട്-ഫേസിംഗ് ക്യാമറയാണ് നൽകിയിരിക്കുന്നത്. ആൻഡ്രോയിഡ് 16 അ‌ടിസ്ഥാനമാക്കിയുള്ള ഒറിജിൻഒഎസ്6ൽ ആണ് ഈ ഫോണിന്റെ പ്രവർത്തനം. 5 OS അപ്‌ഡേറ്റുകളും 7 വർഷത്തെ സുരക്ഷാ അ‌പ്ഡേറ്റുകളും കമ്പനി ഈ മോഡലിന് വാഗ്ദാനം ചെയ്യുന്നുണ്ട്.

USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-ഫൈ ഓഡിയോ, IP68 + IP69 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, Wi-Fi 7 802.11 be, ബ്ലൂടൂത്ത് 6.0, GPS: L1+L5, Beidou: B1C+B1I+B2a+B2b, GLONASS: G1, ഗലീലിയോ: E1+E5a+E5b, QZSS: L1+L5, NavIC: L5, USB Type-C 3.2 Gen1, NFC എന്നീ ഫീച്ചറുകളും ഇതിലുണ്ട്.

90W അൾട്രാ-ഫാസ്റ്റ് ഫ്ലാഷ് ചാർജിംഗ്, 40W വയർലെസ് ചാർജിംഗ്, റിവേഴ്സ് വയർലെസ് ചാർജിംഗ് എന്നിവയുള്ള 6510mAh ബാറ്ററിയാണ് ഈ x300 പ്രോ മോഡലിൽ വിവോ നൽകിയിരിക്കുന്നത്. 161.98×75.48×7.99mm ആണ് ഇതിന്റെ വലിപ്പം, ഭാരം 226 ഗ്രാം ഉണ്ട്. എലൈറ്റ് ബ്ലാക്ക്, ഡ്യൂൺ ഗോൾഡ് കളർ ഓപ്ഷനുകളിലാണ് ഈ ഫോൺ ലഭ്യമാകുക.

വിലയും ലഭ്യതയും

വിവോ X300 പ്രോ 16GB + 512GB മോഡലിന് 1,09,999 രൂപയാണ് വില. ഈ സീരീസിനൊപ്പം എത്തിയിരിക്കുന്ന വിവോ ZEISS 2.35x ടെലിഫോട്ടോ എക്സ്റ്റെൻഡർ കിറ്റിന്റെ വില 18,999 രൂപയാണ്. വിവോ ഇന്ത്യ ഇ-സ്റ്റോർ, ആമസോൺ, ഫ്ലിപ്കാർട്ട്, ഓഫ്‌ലൈൻ സ്റ്റോറുകൾ എന്നിവ വഴി ഇന്ന് മുതൽ ഈ ഫോൺ ഓർഡർ ചെയ്യാം. ഡിസംബർ 10 മുതൽ ആണ് വിൽപ്പന തുടങ്ങുക. തുടക്കത്തിൽ 10% ഇൻസ്റ്റന്റ് ഡിസ്കൗണ്ട് അ‌ടക്കമുള്ള ലോഞ്ച് ഓഫറുകൾ ലഭ്യമാകും.