വിവോ എക്‌സ് 60 5 ജി സീരീസ് ഡിസംബർ 29 ന് അവതരിപ്പിക്കും: വില, സവിശേഷതകൾ

ചൈനീസ് മൈക്രോ ബ്ലോഗിംഗ് വെബ്സൈറ്റായ വെയ്‌ബോയിൽ വിവോ ഒരു പോസ്റ്റർ വെളിപ്പെടുത്തി. ഇത് വരാനിരിക്കുന്ന വിവോ എക്‌സ് 60 സീരീസിനെ സൂചിപ്പിക്കുന്നു. അൾട്രാ സ്റ്റേബിൾ മൈക്രോ ഹെഡ് ക്യാമറ സെൻസർ ഈ സ്മാർട്ട്ഫോണിൽ ഉണ്ടാകും. ജർമ്മൻ ഒപ്റ്റിക്കൽ കമ്പനിയായ സെയ്‌സുമായി സംയുക്തമായി ക്യാമറ സെറ്റപ്പ് വികസിപ്പിച്ചതായും വിവോ പറഞ്ഞു. പിൻ ക്യാമറ സെറ്റപ്പിനൊപ്പം വിവോ എക്‌സ് 60 5 ജി ഫോണുകളുടെ ബാക്ക് പാനൽ പോസ്റ്റർ കാണിക്കുന്നു.

വിവോ എക്‌സ് 60 പ്രോ 5 ജിയിൽ ക്വാഡ് റിയർ ക്യാമറ സെറ്റപ്പും വിവോ എക്‌സ് 60 5 ജിയിൽ ട്രിപ്പിൾ റിയർ ക്യാമറ സെറ്റപ്പും വരുന്നതായി ടീസർ ചിത്രം സൂചിപ്പിക്കുന്നു. സീരീസിലെ മൂന്നാമത്തെ ഫോൺ വിവോ എക്‌സ് 60 എസ് 5 ജി ആകാം, കാരണം ജൂലൈയിൽ ബ്ലൂടൂത്ത് എസ്‌ഐജി ലിസ്റ്റിംഗിൽ ഇതേ പേരിലുള്ള ഒരു ഹാൻഡ്‌സെറ്റ് കണ്ടെത്തിയിരുന്നു. ഒക്‌ടോ കോർ എക്‌സിനോസ് 1080 SoC പ്രോസസറാണ് സാംസങ്ങിന്റെ സീരീസിന് വരുന്നത്.

5 ജി സപ്പോർട്ട് വരുന്ന 5 എൻഎം ഇയുവി പ്രോസസ്സ് അധിഷ്ഠിത ചിപ്പ് അടുത്തിടെ ദക്ഷിണ കൊറിയൻ ടെക് കമ്പനിയായ സാംസങ് പുറത്തിറക്കി. 4 + 3 + 1 കോർ കോൺഫിഗറേഷൻ വരുന്ന ഇതിന് ഡിസ്‌പ്ലേകൾക്കുള്ള ഉയർന്ന റിഫ്രഷ് റേറ്റ് പിന്തുണയുമായാണ് വരുന്നത്. ഇതിന് 200 മെഗാപിക്സൽ ക്യാമറ സെൻസർ വരെ സപ്പോർട്ട് ചെയ്യുവാൻ കഴിയും. വിവോ എക്‌സ് 60 5 ജി സീരീസ് ഒറിജിനോസ് ഔട്ട്-ഓഫ്-ബോക്‌സ് പ്രവർത്തിപ്പിക്കും.

ഇത് ആൻഡ്രോയിഡ് ഓപ്പറേറ്റിംഗ് സിസ്റ്റത്തിന് മുകളിലുള്ള വിവോയുടെ പുതിയ സ്‌കിനാണ്. വിവോ ഫോണുകളുടെ ആരംഭ വില സിഎൻവൈ 3,500 (ഏകദേശം 39,400 രൂപ) ആയിരിക്കും എന്ന് ഒരു ടിപ്പ്സ്റ്റർ അനുമാനിച്ചു. വിവോ എക്‌സ് 60 5 ജി സീരീസ് ചൈനയ്ക്ക് പുറത്ത് അവതരിപ്പിക്കുമോ ഇല്ലയോ എന്ന കാര്യം ഇതുവരെ വിവോ വ്യക്തമാക്കിയിട്ടില്ല.