ഇന്ത്യയിലെ വിലയും പ്രതീക്ഷിക്കുന്ന സവിശേഷതകളുമായി വിവോ എക്‌സ് 60 സീരീസ്

വിവോ എക്‌സ് 60 സീരീസിൻറെ ചോർന്ന വിലകൾ മുംബൈ ആസ്ഥാനമായുള്ള റീട്ടെയിലർ മഹേഷ് ടെലികോമിന്റെ വെളിപ്പെടുത്തലാണ്. 8 ജിബി റാമും 128 ജിബി സ്റ്റോറേജുമുള്ള വിവോ എക്‌സ് 60 ന് 39,990 രൂപയും 256 ജിബി സ്റ്റോറേജ് വേരിയന്റിന് 43,990 രൂപയുമാണ് വില വരുന്നത്. വിവോ എക്‌സ് 60 പ്രോ 12 ജിബി റാമും 256 ജിബി സ്റ്റോറേജുമുള്ള ഏക വേരിയന്റിന് 49,990 രൂപയുമാണ് വില വരുന്നത്. വിവോ എക്‌സ് 60 പ്രോ പ്ലസിന് 69,990 രൂപയാണ് വില നൽകിയിരിക്കുന്നത്.

ചോർന്ന വിലകൾക്ക് പുറമെ മലേഷ്യയിൽ അവതരിപ്പിച്ച മോഡലുകളിൽ നിന്നുള്ള സവിശേഷതകളും നമുക്ക് ഇവിടെ പരിശോധിക്കാം. വിവോ എക്‌സ് 60, എക്‌സ് 60 പ്രോ എന്നിവയ്ക്ക് ക്വാൽകോം സ്‌നാപ്ഡ്രാഗൺ 870 SoC പ്രോസസറാണ് കരുത്തേകുന്നത്. എന്നാൽ, വിവോ എക്‌സ് 60 പ്രോ പ്ലസിന് കരുത്തേകുന്നത് സ്‌നാപ്ഡ്രാഗൺ 888 SoC പ്രോസസറാണ്. എല്ലാ എക്‌സ് 60 മോഡലുകളിലും ഡിസ്പ്ലേ വലുപ്പം 6.5 ഇഞ്ചിൽ തന്നെ വരുന്നു. എന്നാൽ, വിവോ എക്‌സ് 60 ക്ക് ഫ്ലാറ്റ് ഡിസ്പ്ലേ, എക്‌സ് 60 പ്രോ, എക്‌സ് 60 പ്രോ പ്ലസ് എന്നിവയ്ക്ക് വളഞ്ഞ എഡ്ജ് ഡിസ്പ്ലേയും വരുന്നു. എല്ലാ മോഡലുകളും 120Hz വരെ റിഫ്രഷ് റേറ്റിനെ ഒരുപോലെ സപ്പോർട്ട് ചെയ്യുന്നു.

 

എക്‌സ് 60, എക്‌സ് 60 പ്രോ എന്നിവയുടെ ഗ്ലോബൽ വേരിയന്റുകൾ 48 മെഗാപിക്സലിന്റെ പ്രധാന ക്യാമറ സെൻസറിനൊപ്പം എഫ് / 1.48 ലെൻസിന്റെ സഹായത്തോടെ നൽകിയിട്ടുണ്ട്. ട്രിപ്പിൾ റിയർ ക്യാമറ സെറ്റപ്പ് പൂർത്തിയാക്കുന്ന രണ്ട് 13 മെഗാപിക്സൽ സെൻസറുകൾ ഇതിനൊപ്പമുണ്ട്. പഞ്ച്-ഹോൾ കട്ടഔട്ടിൽ ഇരിക്കുന്ന 32 മെഗാപിക്സൽ സെൻസറിനെയാണ് മുൻ ക്യാമറ ആശ്രയിക്കുന്നത്.

ഐഫോൺ 12 സീരിസിൽ ചാർജർ നൽകാത്തതിന് ആപ്പിളിന് ബ്രസീലിൽ 20 ലക്ഷം ഡോളർ പിഴ

വിവോ എക്‌സ് 60, 4300 എംഎഎച്ച് ബാറ്ററിയെയും, എന്നാൽ, എക്‌സ് 60 പ്രോ 4200 എംഎഎച്ച് ബാറ്ററിയെയും ഉപയോഗിച്ചിരിക്കുന്നു. ഈ രണ്ട് സ്മാർട്ട്ഫോണുകളിലും 33W ഫാസ്റ്റ് വയർഡ് ചാർജിംഗ് സൊല്യൂഷനുകളുണ്ട്. വിവോ എക്‌സ് 60 സീരീസിലെ ശ്രദ്ധേയമായ ചില കൂട്ടിച്ചേർക്കലുകളിൽ വെർച്വൽ റാം, പിക്സൽ ഷിഫ്റ്റ്, ZEISS ബ്രാൻഡഡ് ഒപ്റ്റിക്സ് എന്നിവ ഉൾപ്പെടുന്നു. വെർച്വൽ റാം സാങ്കേതികവിദ്യ പിസികളുടെ ലോകത്ത് നിന്നാണ് വരുന്നത്. മെച്ചപ്പെട്ട മൾട്ടിടാസ്കിംഗ് പ്രകടനത്തിനായി ഓൺബോർഡ് സ്റ്റോറേജ് 3 ജിബി വരെ ഇടം അനുവദിക്കുന്നു. സാധാരണ സെൻസറുകളേക്കാൾ മെച്ചപ്പെട്ട കളർ റീപ്രൊഡക്ഷൻ, പിക്‌സൽ ഷിഫ്റ്റ് സാങ്കേതികവിദ്യ എന്നിവ നൽകുന്നു.