ട്രിപ്പിൾ ക്യാമറ സെറ്റപ്പുമായി വിവോ എക്‌സ് 60, എക്‌സ് 60 പ്രോ അവതരിപ്പിച്ചു: വില, സവിശേഷതകൾ

വിവോ എക്സ് 60, വിവോ എക്സ് 60 പ്രോ: വില, ലഭ്യത വിശദാംശങ്ങൾ

ചൈനയിൽ 8 ജിബി + 128 ജിബി സ്റ്റോറേജ് വേരിയന്റിനായി വിവോ എക്സ് 60 വില സിഎൻ‌വൈ 3,498 (ഏകദേശം 39,300 രൂപ) ലഭ്യമാക്കിയിട്ടുണ്ട്. അതേസമയം 8 ജിബി + 256 ജിബി സ്റ്റോറേജ് ഓപ്ഷൻ സി‌എൻ‌വൈ 3,798 (ഏകദേശം 42,700 രൂപ) ആണ് വില നൽകിയിരിക്കുന്നത്. ടോപ്പ്-ഓഫ്-ലൈൻ 12 ജിബി + 256 ജിബി സ്റ്റോറേജ് ഓപ്ഷൻ സി‌എൻ‌വൈ 3,998 ൽ ലഭ്യമാണ് (ഏകദേശം 45,000 രൂപ). വിവോ എക്സ് 60 പ്രോ, സിംഗിൾ 12 ജിബി + 256 ജിബി സ്റ്റോറേജ് മോഡലിൽ വരുന്നു. അതിന്റെ വില സി‌എൻ‌വൈ 4,498 ആണ് (ഏകദേശം 50,600 രൂപ). വിവോ എക്സ് 60 ഗ്രേ, പർപ്പിൾ, വൈറ്റ് കളർ ഓപ്ഷനുകളിൽ വരുന്നു. വിവോ എക്സ് 60 പ്രോയ്ക്ക് ഗ്രേ, പർപ്പിൾ കളർ ഓപ്ഷനുകളുണ്ട്.

ഈ രണ്ട് ഫോണുകളും ചൈനയിൽ പ്രീ-ഓർഡറുകൾക്കായി ലഭ്യമാണ്. ഈ ഹാൻഡ്സെറ്റുകളുടെ കയറ്റുമതി ജനുവരി 8 മുതൽ ആരംഭിക്കും. എന്നാൽ, ഇവയുടെ ഗ്ലോബൽ ലോഞ്ചിനെ കുറിച്ച് ഇതുവരെ ഒരു വ്യക്തതയും ലഭിച്ചിട്ടില്ല. വിവോ എക്സ് 60, വിവോ എക്സ് 60 പ്രോ എന്നിവ മാറ്റിനിർത്തി വിവോ എക്സ് 60 പ്രോ + കുറിച്ച് നോക്കിയാൽ ഇത് ജനുവരിയിൽ ക്വാൽകോം സ്‌നാപ്ഡ്രാഗൺ 888 SoC പ്രോസസറുമായി അവതരിപ്പിക്കും. ജൂൺ മാസത്തിൽ വിവോ എക്സ് 50, വിവോ എക്സ് 50 പ്രോ, വിവോ എക്സ് 50 പ്രോ + എന്നിവ ചൈനയിൽ സിഎൻ‌വൈ 3,498 (ഏകദേശം 39,300 രൂപ) വിലയ്ക്ക് പുറത്തിറക്കി. വിവോ എക്സ് 50, വിവോ എക്സ് 50 പ്രോ എന്നിവ ജൂലൈയിൽ ഇന്ത്യയിൽ അവതരിപ്പിച്ചു.

വിവോ എക്സ് 60: സവിശേഷതകൾ

ഡ്യുവൽ നാനോ സിം വരുന്ന വിവോ എക്സ് 60 ആൻഡ്രോയിഡ് 11 ഒറിജിനോസ് 1.0 വരുന്ന ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.56 ഇഞ്ച് ഫുൾ എച്ച്ഡി + (1,080x2,376 പിക്‌സൽ) അമോലെഡ് ഡിസ്‌പ്ലേ, 19.8: 9 ആസ്പെക്റ്റ് റേഷിയോ, 120 ഹെർട്സ് റിഫ്രഷ് റേറ്റ്, പി 3 കളർ ഗാമറ്റ് എന്നിവ ഇതിൽ ഉൾപ്പെടുന്നു. ഡിസ്പ്ലേ എച്ച്ഡിആർ 10, എച്ച്ഡിആർ 10 + സപ്പോർട്ട് ചെയ്യുന്നു. വികസി എക്സ് 60, ഒക്ടാ കോർ എക്‌സിനോസ് 1080 SoC പ്രോസസർ, ARM മാലി-ജി 78 ജിപിയു, 12 ജിബി വരെ എൽപിഡിഡിആർ 4 എക്സ് റാം എന്നിവയുമായാണ് വരുന്നത്. ട്രിപ്പിൾ റിയർ ക്യാമറ സെറ്റപ്പ് വരുന്ന ഈ ഹാൻഡ്‌സെറ്റിൽ 48 മെഗാപിക്സൽ പ്രൈമറി സെൻസറും എഫ് / 1.79 ലെൻസും നാല് ആക്സിസ് ഒപ്റ്റിക്കൽ ഇമേജ് സ്റ്റെബിലൈസേഷനും (ഒഐഎസ്) ഉണ്ട്. ക്യാമറ സെറ്റപ്പിൽ 13 മെഗാപിക്സൽ സെക്കൻഡറി സെൻസറും എഫ് / 2.2 അൾട്രാ വൈഡ് ആംഗിൾ ലെൻസും 13 മെഗാപിക്സൽ പോർട്രെയിറ്റ് ഷൂട്ടറും ഉൾപ്പെടുന്നു.

വിവോ എക്സ് 60: ക്യാമറ സവിശേഷതകൾ

വിവോ എക്സ് 60 മുൻവശത്ത് എഫ് / 2.45 ലെൻസ് വരുന്ന 32 മെഗാപിക്സൽ ക്യാമറ വരുന്നു. വിവോ എക്സ് 60 ന് 256 ജിബി വരെ ഓൺ‌ബോർഡ് യു‌എഫ്‌എസ് 3.1 സ്റ്റോറേജ് ഉണ്ട്. 5 ജി, 4 ജി എൽടിഇ, വൈ-ഫൈ, ബ്ലൂടൂത്ത് 5.1, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ബോർഡിലെ സെൻസറുകളിൽ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറും ഈ ഫോണിലുണ്ട്. വിവോ എക്സ് 60 ൽ 33W ഫാസ്റ്റ് ചാർജിംഗ് സപ്പോർട്ട് ചെയ്യുന്ന 4,300 എംഎഎച്ച് ബാറ്ററിയാണ് നൽകിയിരിക്കുന്നത്. ഈ ഫോണിന്റെ ഭാരം 176.2 ഗ്രാമാണ്.

വിവോ എക്സ് 60 പ്രോ: സവിശേഷതകൾ

വിവോ എക്സ് 60 പോലെ, ഡ്യുവൽ നാനോ സിം വരുന്ന വിവോ എക്സ് 60 പ്രോയും ഒറിജിനസ് ഓപ്പറേറ്റിംഗ് സിസ്റ്റത്തിനൊപ്പം ആൻഡ്രോയിഡ് 11 ൽ പ്രവർത്തിക്കുന്നു. കൂടാതെ, 6.56 ഇഞ്ച് ഫുൾ എച്ച്ഡി + (1,080x2,376 പിക്‌സൽ) അമോലെഡ് ഡിസ്‌പ്ലേയുമുണ്ട്. 12 ജിബി റാമിനൊപ്പം എക്‌സിനോസ് 1080 SoC പ്രോസസറും ഈ ഫോണിൽ പ്രവർത്തിക്കുന്നു. വിവോ എക്സ് 60 ൽ നിങ്ങൾക്ക് ലഭിക്കുന്നതിനേക്കാൾ മികച്ച ക്വാഡ് റിയർ ക്യാമറ സെറ്റപ്പാണ് ഇതിൽ വരുന്നത്. ക്യാമറ സെറ്റപ്പിൽ 48 മെഗാപിക്സൽ പ്രൈമറി സെൻസർ, എഫ് / 1.48 ലെൻസും ഒഐഎസ് പിന്തുണയും, 13 മെഗാപിക്സൽ അൾട്രാ വൈഡ് ആംഗിൾ ഷൂട്ടർ, 13 മെഗാപിക്സൽ പോർട്രെയിറ്റ് ഷൂട്ടർ, എഫ് / 3.4 അപ്പേർച്ചറുള്ള 8 മെഗാപിക്സൽ പെരിസ്‌കോപ്പ് ഷൂട്ടർ എന്നിവ ഉൾക്കൊള്ളുന്നു. പെരിസ്‌കോപ്പ് ഷൂട്ടർ പ്രത്യേകിച്ച് 5x ഒപ്റ്റിക്കൽ സൂം, 60x സൂപ്പർസൂം എന്നിവ പ്രവർത്തനക്ഷമമാക്കുന്നു. ക്യാമറ സെറ്റപ്പിൽ ലേസർ ഓട്ടോഫോക്കസ് സെൻസറും നൽകിയിരിക്കുന്നു.

വിവോ എക്സ് 60 പ്രോ: ക്യാമറ സവിശേഷതകൾ

വിവോ എക്സ് 60 പ്രോയിൽ എഫ് / 2.45 ലെൻസ് വരുന്ന 32 മെഗാപിക്സൽ ക്യാമറ സെൻസർ ഉണ്ട്. വിവോ എക്സ് 60 പ്രോയിൽ 256 ജിബി ഇന്റേണൽ സ്റ്റോറേജും വരുന്നു. 5 ജി, 4 ജി എൽടിഇ, വൈ-ഫൈ, ബ്ലൂടൂത്ത് 5.1, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡ് സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. വിവോ എക്സ് 60 പ്രോയിൽ 33W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 4,200 എംഎഎച്ച് ബാറ്ററി ലഭിക്കും. ഈ ഫോണിന്റെ ഭാരം 178 ഗ്രാമാണ്.