മീഡിയടെക് ഡൈമെൻസിറ്റി 1100 SoC പ്രോസസ്സറുള്ള വിവോ എക്‌സ് 60 ടി അവതരിപ്പിച്ചു: വില, സവിശേഷതകൾ

വിവോ എക്‌സ് 60 ടി: വിലയും, വിൽപ്പനയും

പുതിയ വിവോ എക്‌സ് 60 ടി 8 ജിബി റാം + 128 ജിബി സ്റ്റോറേജ് മോഡലിന് ചൈനയിൽ സിഎൻവൈ 3,498 (ഏകദേശം 39,000 രൂപ) ആണ് വില വരുന്നത്. ഈ സ്മാർട്ട്ഫോൺ ഷിമ്മർ ബ്ലൂ, മിഡ്‌നൈറ്റ് ബ്ലാക്ക് കളർ ഓപ്ഷനുകളിൽ വരുന്നു. ചൈനീസ് മാർക്കറ്റിലെ ഓഫ്‌ലൈൻ സ്റ്റോറുകളിൽ ഇത് ഇപ്പോൾ ലഭ്യമാണ്.

വിവോ എക്‌സ് 60 ടി: സവിശേഷതകൾ

ആൻഡ്രോയിഡ് 11 സോഫ്റ്റ്വെയറിനെ അടിസ്ഥാനമാക്കി ഒറിജിനോസ് 1.0 ൽ വിവോ എക്‌സ് 60 ടി പ്രവർത്തിക്കുന്നു. ഡ്യുവൽ നാനോ സിം വരുന്ന സ്ലോട്ടുള്ള ഈ സ്മാർട്ട്ഫോണിന് 19.8: 9 ആസ്പെക്റ്റ് റേഷിയോയും എച്ച്ഡിആർ 10 + സപ്പോർട്ടും വരുന്ന 6.56 ഇഞ്ച് ഫുൾ എച്ച്ഡി + (1,080x2,376 പിക്‌സൽ) അമോലെഡ് ഡിസ്‌പ്ലേയാണ് വരുന്നത്. 8 ജിബി റാമും 128 ജിബി ഇന്റേണൽ സ്റ്റോറേജുമായി ജോടിയാക്കിയ മീഡിയടെക് ഡൈമെൻസിറ്റി 1100 ഒക്ടാ കോർ SoC പ്രോസസറാണ് ഇതിൽ പ്രവർത്തിക്കുന്നത്.

വിവോ എക്‌സ് 60 ടി: സവിശേഷതകൾ

എഫ് / 1.79 ലെൻസ് വരുന്ന 48 മെഗാപിക്സൽ പ്രൈമറി സെൻസർ, 120 ഡിഗ്രി വരെ ഫീൽഡ് വ്യൂ വരുന്ന എഫ് / 2.2 അപ്പർച്ചറുള്ള 13 മെഗാപിക്സൽ സെക്കൻഡറി അൾട്രാ-വൈഡ് ആംഗിൾ സെൻസർ, ഒരു എഫ് / 2.46 അപ്പേർച്ചറും 50 എംഎം ഫോക്കൽ ലെങ്ത്തും വരുന്ന 13 മെഗാപിക്സൽ ടെർഷ്യറി പോർട്രെയിറ്റ് സെൻസർ എന്നിവ വിവോ എക്‌സ് 60 ടിയുടെ ട്രിപ്പിൾ റിയർ ക്യാമറ സെറ്റപ്പിൽ വരുന്നു. സെൽഫികൾക്കും വീഡിയോ ചാറ്റുകൾക്കുമായി വിവോ എക്‌സ് 60 ടിയിൽ 32 മെഗാപിക്സൽ പ്രൈമറി സെൻസറും എഫ് / 2.45 ലെൻസും ഉണ്ട്.

വിവോ എക്‌സ് 60 ടിയിൽ 33W ഫാസ്റ്റ് ചാർജിംഗ് സപ്പോർട്ട് വരുന്ന 4,300 എംഎഎച്ച് ബാറ്ററിയുണ്ട്. കണക്റ്റിവിറ്റി ഓപ്ഷനുകളിൽ യുഎസ്ബി ടൈപ്പ്-സി, വൈ-ഫൈ 6, ബ്ലൂടൂത്ത് വി 5.2, യുഎസ്ബി ഒടിജി എന്നിവയും ഉൾപ്പെടുന്നു. ഈ സ്മാർട്ട്ഫോണിൽ ഇൻ-ഡിസ്‌പ്ലേ ഫിംഗർപ്രിന്റ് സെൻസർ വരുന്നുണ്ട്.