വിവോ പുതിയ സ്മാർട്ട്ഫോൺ പുറത്തിറക്കി, വെറുതേ കിട്ടിയാലും വാങ്ങുംമുമ്പ് അ‌റിഞ്ഞിരിക്കേണ്ടവ ഇതാ

വിവോ തങ്ങളുടെ ​വൈ സീരീസിലെ ഏറ്റവും പുതിയ സ്മാർട്ട്ഫോണായ വിവോ ​വൈ100ഐ (vivo Y100i) ​ചൈനയിൽ പുറത്തിറക്കി. കഴിഞ്ഞ മാസം Y100 ലോഞ്ച് ചെയ്തതിന് പിന്നാലെയാണ് വിവോ ഇപ്പോൾ ​വൈ100ഐ മോഡലും വിപണിയിൽ എത്തിച്ചിരിക്കുന്നത്. മികച്ച ഫീച്ചറുകളുമായി 18000 രൂപയോട് അ‌ടുത്ത വിലയിലാണ് ഈ ഫോണെത്തുന്നത്.

60Hz റിഫ്രഷ് റേറ്റുള്ള 6.64 ഇഞ്ച് ഡിസ്‌പ്ലേ, മീഡിയടെക് ഡിമെൻസിറ്റി 6020 5ജി ചിപ്സെറ്റ് അ‌ടക്കമുള്ള ഫീച്ചറുകളുമായാണ് വിവോയുടെ ​വൈ 100 സീരീസിലേക്ക് ഈ പുതിയ മോഡലും എത്തിയിരിക്കുന്നത്. അ‌ധികം ​വൈകാതെ ഇത് ഇന്ത്യയിലും അ‌വതരിപ്പിക്കപ്പെടും എന്ന് പ്രതീക്ഷിക്കുന്നു. എന്നാൽ ഇക്കാര്യം കമ്പനി ഔദ്യോഗികമായി സ്ഥിരീകരിച്ചിട്ടില്ല.

വിവോ ​വൈ100ഐയുടെ പ്രധാന ഫീച്ചറുകൾ: 6.64-ഇഞ്ച് ( 2388 × 1080 പിക്സലുകൾ ) ഫുൾ HD+ LCD സ്ക്രീൻ ആണ് ഇതിലുള്ളത്. 100% P3, 96% NTSC കളർ ഗാമറ്റ് എന്നിവയും ഈ വിവോ 5ജി ഫോൺ ഫീച്ചർ ചെയ്യുന്നു.

മാലി-G57 MC2 GPU ഉള്ള ഒക്ട കോർ മീഡിയടെക് ഡൈമെൻസിറ്റി 6020 7nm പ്രൊസസർ ( ഡ്യുവൽ 2.2GHz കോർടെക്‌സ്-A76 + Hexa 2GHz Cortex-A55 CPU ) ആണ് വിവോ ​വൈ100ഐയുടെ കരുത്ത്. 12GB LPDDR4X റാം, 512GB UFS 2.2 സ്റ്റോറേജ് എന്നിവ ഇതിന് അ‌കമ്പടിയായി എത്തുന്നു.

ക്യാമറ വിഭാഗത്തിലേക്ക് വന്നാൽ, ഡ്യുവൽ റിയർ ക്യാമറ സജ്ജീകരണമാണ് ഈ വിവോ ഫോണിൽ കാണാൻ സാധിക്കുക. എഫ്/1.8 അപ്പേർച്ചറുള്ള 50എംപി ക്യാമറയാണ് ഇതി​ൽ മെയിൻ. ഇതോടൊപ്പം എഫ്/2.4 അപ്പേർച്ചറുള്ള 2എംപി ഡെപ്ത് ക്യാമറയും ഉണ്ട്. കൂടെ എൽഇഡി ഫ്ലാഷും നൽകിയിരിക്കുന്നു. f/2.0 അപ്പേർച്ചർ ഉള്ള 8MP ഫ്രണ്ട് ക്യാമറയും ഇതിലുണ്ട്.

ആൻഡ്രോയിഡ് 13 അടിസ്ഥാനമാക്കിയുള്ള ഒറിജിൻഒഎസ് ( OriginOS) 3യിൽ ആണ് ഈ വിവോ 5ജി ഫോണിന്റെ പ്രവർത്തനം. ഡ്യുവൽ സിം ( നാനോ + നാനോ + മൈക്രോ എസ്ഡി ), സൈഡ് മൌണ്ട് ചെയ്ത ഫിംഗർപ്രിന്റ് സെൻസർ, യുഎസ്ബി ടൈപ്പ്-സി ഓഡിയോ എന്നിവയും ഇതിലുണ്ട്.

5G SA/ NSA, ഡ്യുവൽ 4G VoLTE, Wi-Fi 802.11 ac ( 2.4GHz + 5Ghz ), ബ്ലൂടൂത്ത് 5.1, GPS/ GLONASS/ QZSS, യുഎസ്ബി ടൈപ്പ്-സി എന്നിവയാണ് വിവോ ​വൈ100ഐയിലെ കണക്ടിവിറ്റി ഓപ്ഷനുകൾ. പിങ്ക്, നീല, ബ്ലാക്ക് എന്നീ നിറങ്ങളിൽ ഈ സ്മാർട്ട്ഫോൺ എത്തുന്നു.

ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഇ-കോമ്പസ്, പ്രോക്‌സിമിറ്റി സെൻസർ എന്നിവയാണ് ഇതിലെ പ്രധാന സെൻസറുകൾ. സൈഡ് മൗണ്ടഡ് ഫിംഗർപ്രിന്റ് സെൻസർ കൂടാതെ, ഫെയ്‌സ് അൺലോക്ക് ഫീച്ചറിനെയും ഈ ഫോൺ പിന്തുണയ്ക്കുന്നു. IP54 റേറ്റിങ് വാഗ്ദാനം ചെയ്യുന്നു എന്നതാണ് മറ്റൊരു ശ്രദ്ധേയ ഫീച്ചർ.

44W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററിയാണ് വിവോ ​വൈ100ഐയിൽ നൽകിയിരിക്കുന്നത്. വെർച്വൽ റാം ഫീച്ചർ ഉപയോഗിച്ച് ഓൺബോർഡ് മെമ്മറി 24 ജിബി വരെ വർധിപ്പിക്കാം എന്നുള്ളതാണ് ​വൈ100ഐയുടെ ശ്രദ്ധേയമായ സവിശേഷതകളിൽ മറ്റൊന്ന്. വിവോ ​വൈ100ഐയുടെ 12GB റാം + 512GB സ്റ്റോറേജ് വേരിയന്റിന് 1,599 യുവാൻ (ഏകദേശം 18,000 രൂപ) ആണ് വില.

വിവോ ​വൈ100ഐയുടെ വിൽപ്പന ഇതിനകം തന്നെ ​ചൈനയിൽ ആരംഭിച്ചിട്ടുണ്ട്. ഇന്ത്യ ഉൾപ്പെടെയുള്ള മറ്റ് വിപണികളിൽ ഈ ഫോൺ ലോഞ്ച് ചെയ്യുന്നത് സംബന്ധിച്ച വിവരങ്ങൾ ഇതുവരെ സ്ഥിരീകരിച്ചിട്ടില്ല. വിവോ Y100 ന്റെ 8GB + 128GB സ്റ്റോറേജ് ഫെബ്രുവരിയിൽ ഇന്ത്യയിൽ അവതരിപ്പിച്ചത് 24,999 രൂപ വിലയിൽ ആയിരുന്നു.