ഹീലിയോ പി 35 പ്രോസസറുമായി വിവോ വൈ 12 എസ് വരുന്നു: പ്രതീക്ഷിക്കുന്ന സവിശേഷതകൾ

ജൂലൈയിൽ, വിവോ വൈ 12 (2020) മോണിക്കറുള്ള മറ്റൊരു ഫോൺ ഗൂഗിൾ പ്ലേ കൺസോളിൽ കണ്ടെത്തി. കഴിഞ്ഞ വർഷം ഇന്ത്യയിൽ അവതരിപ്പിച്ച വിവോ വൈ 12 ന്റെ വേരിയന്റാണ് വിവോ വൈ 12 എസ്. ഗൂഗിൾ പ്ലേ കൺസോൾ ലിസ്റ്റിംഗ് മോഡൽ നമ്പർ V2026 ഉള്ള ഒരു സ്മാർട്ട്‌ഫോൺ കാണിക്കുന്നു. വിവോ വൈ 12 എസ് ആണെന്ന് പറയപ്പെടുന്ന ഈ സ്മാർട്ട്‌ഫോണിൽ മിഡ് ലെവൽ സ്മാർട്ഫോണിന്റെ ഹാർഡ്‌വെയർ ഉപയോഗിച്ച് നിർമ്മിച്ചിരിക്കുന്നു.

ഗൂഗിൾ പ്ലേ കൺസോൾ ലിസ്റ്റിംഗ്

ഇന്തോനേഷ്യ ടെലികോം സർട്ടിഫിക്കേഷൻ, റഷ്യൻ ഇഇസി സർട്ടിഫിക്കേഷൻ, ഇന്തോനേഷ്യയുടെ ടി കെ ഡി എൻ, ചൈന ക്വാളിറ്റി സർട്ടിഫിക്കേഷൻ (സിക്യുസി) തുടങ്ങി വിവിധ സർട്ടിഫിക്കേഷനുകൾ ഈ സ്മാർട്ട്‌ഫോൺ നേടിയിട്ടുണ്ട്. ഏറ്റവും പുതിയ ഗൂഗിൾ പ്ലേ കൺസോൾ ലിസ്റ്റിംഗ് കാണിക്കുന്നത് ഈ സ്മാർട്ട്ഫോൺ ഉടൻ അവതരിപ്പിക്കുമെന്നാണ്.

 

വിവോ വൈ 12 എസ്: സവിശേഷതകൾ

3 ജിബി റാമിനൊപ്പം ഹെലിയോ പി 35 SoC ആയ മീഡിയടെക് എംടി 6765 ചിപ്‌സെറ്റാണ് സ്മാർട്ഫോണിൽ വരുന്നതെന്ന് ഗൂഗിൾ പ്ലേ കൺസോൾ ലിസ്റ്റിംഗ് കാണിക്കുന്നു. 720x1,600 പിക്‌സൽ റെസല്യൂഷനും 300 പിപി പിക്‌സൽ ഡെൻസിറ്റിയുള്ള എച്ച്ഡി + ഡിസ്‌പ്ലേ ഈ ഹാൻഡ്‌സെറ്റിൽ വരുമെന്ന് ലിസ്റ്റുചെയ്‌തിരിക്കുന്നു. മുൻ ക്യാമറയിൽ സജ്ജീകരിച്ചിരിക്കുന്ന വാട്ടർഡ്രോപ്പ് നോച്ച് ഡിസ്‌പ്ലേയും ഇതിലുണ്ട്. മുൻകൂട്ടി ഇൻസ്റ്റാൾ ചെയ്യതിരിക്കുന്ന ആൻഡ്രോയിഡ് 10 ഓപ്പറേറ്റിംഗ് സിസ്ടത്തിലാണ് ഇത് പ്രവർത്തിക്കുന്നത്. കൂടാതെ, 10W ഫാസ്റ്റ് ചാർജിംഗുമായി സ്മാർട്ട്‌ഫോൺ വരുമെന്ന് സിക്യുസി ലിസ്റ്റിംഗ് നിർദ്ദേശിക്കുന്നു.

വിവോ വൈ 12 (2020) എന്ന സ്മാർട്ട്‌ഫോൺ ഗൂഗിൾ പ്ലേ കൺസോളിൽ കണ്ടെത്തിയിരുന്നു. ലിസ്റ്റിംഗിന്റെ സ്ക്രീൻഷോട്ട് ആൻഡ്രോയിഡ് 10ൽ ഫോൺ പ്രവർത്തിക്കുന്നതായി കാണിക്കുന്നു. ഇതിൽ ക്വാൽകോം സ്നാപ്ഡ്രാഗൺ 665 SoC പ്രോസസറുമായി ജോഡിയാക്കിയ 4 ജിബി റാമും വരുന്നു. ആൻഡ്രോയിഡ് 9 പൈ, മീഡിയടെക് ഹെലിയോ പി 22 SoC, 4 ജിബി റാമുമായി വരുന്ന വിവോ വൈ 12 കഴിഞ്ഞ ജൂണിൽ അവതരിപ്പിച്ചിരുന്നു