ഹെലിയോ പി 35 ചിപ്‌സെറ്റുമായി വിവോ വൈ 1 എസ് ഇന്ത്യയിൽ അവതരിപ്പിച്ചു: വില, സവിശേഷതകൾ

വിവോ വൈ 1: ഇന്ത്യയിലെ വില, വിൽപ്പന

ഔദ്യോഗിക വെബ്സൈറ്റിൽ വിവോ വൈ 1 എസ് സ്മാർട്ഫോണിൻറെ വില കമ്പനി ഇതുവരെ പ്രഖ്യാപിച്ചിട്ടില്ല. എന്നാൽ, മുംബൈ ആസ്ഥാനമായുള്ള റീട്ടെയിലർ മഹേഷ് ടെലികോം ഇന്ത്യയിൽ ഈ സ്മാർട്ട്ഫോണിന്റെ 2 ജിബി റാം + 32 ജിബി സ്റ്റോറേജ് ഓപ്ഷന് 7,990 രൂപയാണ് വില കാണിക്കുന്നത്. അറോറ ബ്ലൂ, ഒലിവ് ബ്ലാക്ക് എന്നീ രണ്ട് നിറങ്ങളിൽ ഈ ഹാൻഡ്‌സെറ്റ് വിപണിയിൽ നിന്നും നിങ്ങൾക്ക് ലഭിക്കുന്നതാണ്. വിവോ വൈ 1 എസ് 4,550 രൂപയുടെ ആനുകൂല്യങ്ങൾ ലഭിക്കുന്ന ഒരു ജിയോ ലോക്ക്-ഇൻ ഓഫറുമായി വരുന്നു. 90 ദിവസത്തെ ഷെമറൂ ഒടിടി സബ്സ്ക്രിപ്ഷനും വൺഅസിസ്റ്റ് വഴി വൺ ടൈം സ്ക്രീൻ റീപ്ലേസ്‌മെന്റും ലഭിക്കുന്നു.

വിവോ വൈ 1 എസ്: സവിശേഷതകൾ

ആൻഡ്രോയിഡ് 10 അടിസ്ഥാനമാക്കിയുള്ള ഫൺടച്ച് ഓപ്പറേറ്റിംഗ് സിസ്റ്റം 10.5ലാണ് പ്രവർത്തിക്കുന്നത്. ഡ്യുവൽ നാനോ സിം വരുന്ന വിവോ വൈ 1 എസ് 88.6 ശതമാനം സ്‌ക്രീൻ-ടു-ബോഡി റേഷിയോയുള്ള 6.22 ഇഞ്ച് എച്ച്ഡി + (720x1,520 പിക്‌സൽ) എൽസിഡി അവതരിപ്പിക്കുന്നു. 2 ജിബി റാമുമായി ജോടിയാക്കിയ മീഡിയടെക് ഹീലിയോ പി 35 എംടി 6765 പ്രോസസറാണ് ഈ ഹാൻഡ്‌സെറ്റിന് കരുത്ത് നൽകുന്നത്. ഇന്റർനാൽ സ്റ്റോറേജ് 32 ജിബി വരുന്ന ഈ ഹാൻഡ്‌സെറ്റിൽ മൈക്രോ എസ്ഡി കാർഡ് സ്ലോട്ട് വഴി 256 ജിബി വരെ വികസിപ്പിക്കാനുള്ള ഓപ്ഷനും നൽകിയിട്ടുണ്ട്.

വിവോ വൈ 1 എസ്: ക്യാമറ സവിശേഷതകൾ

എഫ് / 2.2 അപ്പേർച്ചർ വരുന്ന 13 മെഗാപിക്സൽ പിൻ ക്യാമറയും എഫ് / 1.8 അപ്പേർച്ചർ വരുന്ന 5 മെഗാപിക്സൽ ഫ്രണ്ട് ക്യാമറയും വിവോ വൈ 1 എസിന് വരുന്നു. ഡിസ്‌പ്ലേയുടെ മുകളിലെ ബെസലിൽ വാട്ടർ ഡ്രോപ്പ് രൂപകല്പനയിൽ സെൽഫി ക്യാമറ നൽകിയിരിക്കുന്നു. റിയർ ഫ്ലാഷിനെ സപ്പോർട്ട് ചെയ്യുന്ന ഇതിൽ ബ്യൂട്ടി ആൻഡ് ടൈം-ലാപ്‌സ് പോലെയുള്ള മോഡുകളുണ്ട്.

4,030 എംഎഎച്ച് ബാറ്ററിയും, 2.4 ജി വൈ-ഫൈ, ബ്ലൂടൂത്ത് വി 5, മൈക്രോ യുഎസ്ബി പോർട്ട്, ജിപിഎസ്, യുഎസ്ബി ഒടിജി, എഫ്എം റാസിയോ, 3.5 എംഎം ഓഡിയോ ജാക്ക് തുടങ്ങിയ കണക്റ്റിവിറ്റി ഓപ്ഷനുകൾ ഇതിൽ ഉൾപ്പെടുന്നു. വിവോ വൈ 1 എസിന് 161 ഗ്രാം ഭാരം വരുന്നു. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഇ-കോമ്പസ്, വെർച്വൽ ഗൈറോസ്‌കോപ്പ് എന്നിവ ബോർഡിലെ സെൻസറുകളിൽ ഉൾപ്പെടുന്നു. ഫെയ്‌സ് അൺലോക്കിനെ സപ്പോർട്ട് ചെയ്യുന്ന വിവോ വൈ 1 എസിൽ സിസ്റ്റം വൈഡ് ഡാർക്ക് മോഡും വരുന്നു.