11,490 രൂപയ്ക്ക് വിവോ വൈ 20 എ സ്മാർട്ഫോൺ ഇന്ത്യൻ വിപണിയിലെത്തി

വിവോ വൈ 20 എ: വിലയും, ലഭ്യതയും

വിവോ വൈ 20 എ 3 ജിബി + 64 ജിബി സ്റ്റോറേജ് വേരിയന്റിന്റിന് ഇന്ത്യയിൽ 11,490 രൂപയാണ് വില. ഡോൺ വൈറ്റ്, നെബുല ബ്ലൂ നിറങ്ങളിൽ വരുന്ന ഈ സ്മാർട്ട്ഫോൺ വിവോ ഇന്ത്യ ഓൺലൈൻ സ്റ്റോർ വഴി നിങ്ങൾക്ക് വാങ്ങാവുന്നതാണ്. പ്രധാന ഇ-കൊമേഴ്‌സ് വെബ്സൈറ്റുകൾ വഴിയും ഓഫ്‌ലൈൻ റീട്ടെയിലർമാർ വഴിയും ഇത് ഉടൻ വിൽപ്പനയ്‌ക്കെത്തും. വിവോ വൈ 20 എ വാങ്ങുമ്പോൾ എക്‌സ്‌ചേഞ്ച് ഡിസ്‌കൗണ്ടുകളും നോ-കോസ്റ്റ് ഇഎംഐ ഓപ്ഷനുകളും വിവോ ഇന്ത്യ സ്റ്റോർ നിങ്ങൾക്ക് നൽകും.

വിവോ വൈ 20 എ: സവിശേഷതകൾ

ഡ്യുവൽ നാനോ സിം വരുന്ന വിവോ വൈ 20 എ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.51 ഇഞ്ച് എച്ച്ഡി + (720x1,600 പിക്‌സൽ) ഐപിഎസ് ഡിസ്‌പ്ലേ 20: 9 ആസ്പെക്റ്റ് റേഷിയോയിലാണ് ഈ ഫോൺ വരുന്നത്. 3 ജിബി റാമുമായി ജോടിയാക്കിയ ഒക്ടാകോർ ക്വാൽകോം സ്‌നാപ്ഡ്രാഗൺ 439 SoC പ്രോസസറായിരിക്കും ഈ ഹാൻഡ്‌സെറ്റിന് കരുത്തേകുന്നത്.

വിവോ വൈ 20 എ: ക്യാമറ സവിശേഷതകൾ

എഫ് / 2.2 ലെൻസുള്ള 13 മെഗാപിക്സൽ പ്രൈമറി സെൻസർ, എഫ് / 2.4 ലെൻസുള്ള 2 മെഗാപിക്സൽ പോർട്രെയിറ്റ് സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ മാക്രോ ഷൂട്ടർ എന്നിവ ഉൾക്കൊള്ളുന്ന ട്രിപ്പിൾ റിയർ ക്യാമറ സെറ്റപ്പാണ് ഈ സ്മാർട്ട്‌ഫോണിൽ ഫീച്ചർ ചെയ്യുന്നത്. മുൻവശത്ത് ഒരു എഫ് / 1.8 ലെൻസുള്ള 8 മെഗാപിക്സൽ ക്യാമറ സെൽഫികൾക്കും വീഡിയോ കോളിംഗിനുമായി നൽകിയിട്ടുണ്ട്.

വിവോ വൈ 20 എയ്ക്ക് 64 ജിബി ഓപ്ഷനിൽ മാത്രമായി വിപണിയിൽ വരുന്നു. ഇതിൽ വരുന്ന മൈക്രോ എസ്ഡി കാർഡ് സ്ലോട്ട് വഴി സ്റ്റോറേജ് എക്സ്പാൻഡ് ചെയ്യാവുന്നതാണ്. 4 ജി എൽടിഇ, വൈ-ഫൈ, ബ്ലൂടൂത്ത് 4.2, ജിപിഎസ് / എ-ജിപിഎസ്, എഫ്എം റേഡിയോ, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറുമായാണ് ഈ ഫോൺ വരുന്നു. 10W ഫാസ്റ്റ് ചാർജിംഗിനെയും റിവേഴ്സ് ചാർജിംഗിനെയും സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. ഈ സ്മാർട്ട്ഫോണിന്റെ ഭാരം 192 ഗ്രാമാണ്.