വിവോ വൈ 31 സ്മാർട്ഫോണിൻറെ പ്രധാന സവിശേഷതകൾ ഗൂഗിൾ പ്ലേയ് കൺസോൾ വെളിപ്പെടുത്തി

പുതിയ വിവോ വൈ 31 സവിശേഷതകൾ ഗൂഗിൾ പ്ലേ കൺസോളിലൂടെ ചോർന്നു. ഗൂഗിൾ പ്ലേ കൺസോളിൽ വെളിപ്പെടുത്തിയ വിവോ വൈ 31 മുൻപത്തെ ചിത്രം ഒരു വാട്ടർ ഡ്രോപ്പ് നോച്ച് വരുമെന്ന കാര്യം സ്ഥിരീകരിക്കുന്നു. ഈ സ്മാർട്ട്‌ഫോണിന് ശരിയായ രീതിയിൽ പവറും വോളിയം കീയും നൽകിയിരിക്കുന്നു. ഇടത് പാനലിനും ഒരു കീ വരുന്നുണ്ടെങ്കിലും അതിൻറെ പ്രവർത്തനം നിലവിൽ വ്യക്തമല്ല. കൂടുതൽ, പരിശോധിക്കുമ്പോൾ അറിയുവാൻ കഴിയുന്ന പ്രധാന സവിശേഷത ക്വാൽകോം സ്‌നാപ്ഡ്രാഗൺ 662 പ്രോസസറാണ് ഈ ഹാൻഡ്‌സെറ്റിന് കരുത്ത് പകരുന്നത് എന്നാണ്. ഇന്ത്യൻ വിപണിയിൽ അടുത്തിടെ അവതരിപ്പിച്ച റെഡ്മി 9 പവറിൽ ഈ പുതിയ മിഡ് റേഞ്ച് പ്രോസസർ ഉൾപ്പെടുത്തിയിരുന്നു.

4 ജിബി റാം വരുന്ന ഈ ഹാൻഡ്‌സെറ്റ് ആൻഡ്രോയിഡ് 11 ഓപ്പറേറ്റിങ് സിസ്റ്റത്തിൽ പ്രവർത്തിക്കുന്നവെന്നാണ് ഗൂഗിൾ പ്ലേ കൺസോൾ വെബ്‌സൈറ്റ് നൽകിയ മറ്റൊരു സവിശേഷത. പുതിയ ഒറിജിൻ ഓപ്പറേറ്റിങ് സിസ്റ്റം ഇന്റർഫേസ് ഉപയോഗിച്ച് ഈ സ്മാർട്ഫോൺ ലോഞ്ച് ചെയ്യുവാനുള്ള സാധ്യതയുണ്ട്. 1080 x 2400 പിക്സൽ റെസല്യൂഷനുള്ള ഒരു എഫ്എച്ച്ഡി + ഡിസ്പ്ലേയും വരുന്നതായി ലിസ്റ്റിംഗ് വെളിപ്പെടുത്തുന്നു. ഇതിൻറെ പാനൽ തരം എൽസിഡി അയേക്കാമെന്നും അഭിപ്രായമുണ്ട്.

ഈ ഡിവൈസിൻറെ ക്യാമറ സവിശേഷതകളും ബാറ്ററി വിശദാംശങ്ങളും നൽകിയിരിക്കുന്ന സ്പെക്ക് ഷീറ്റിലൂടെ നോക്കിയാൽ, ഈ സ്മാർട്ഫോണിൻറെ ആദ്യത്തെ മോഡലുമായി താരതമ്യപ്പെടുത്തുമ്പോൾ വിവോ വൈ 31ൽ ശ്രദ്ധേയമായ ചില അപ്ഗ്രേഡുകൾ കൊണ്ടുവരുമെന്നും പറയുന്നു. ഫാസ്റ്റ് ചാർജിംഗ് സപ്പോർട്ട് വരുന്ന ബാറ്ററിയും ഒന്നിലധികം ക്യാമറ സെൻസറുകളും (നാല് വരെ) വരുമെന്ന് പ്രതീക്ഷിക്കാം. വിവോയുടെ സ്മാർട്ഫോൺ 'വൈ' സീരീസ് വരുന്ന വിവോ വൈ 31 എപ്പോൾ വേണമെങ്കിലും ലോഞ്ച് ചെയ്യുമെന്നാണ് റിപ്പോർട്ടുകൾ.