5,000 എംഎഎച്ച് ബാറ്ററിയുള്ള വിവോ വൈ 52 (ടി 1 എഡിഷൻ) അവതരിപ്പിച്ചു: വില, സവിശേഷതകൾ

വിവോ വൈ 52 എസ് (ടി 1 എഡിഷൻ): വിലയും, വിൽപ്പനയും

8 ജിബി റാം + 256 ജിബി സ്റ്റോറേജ് മോഡലിന് പുതിയ വിവോ വൈ 52 (ടി 1 എഡിഷൻ) ചൈനയിൽ സിഎൻ‌വൈ 2,099 (ഏകദേശം 23,900 രൂപ) വില വരുന്നു. കോറൽ സീ, മോനെറ്റ്, ടൈറ്റാനിയം ഗ്രേ എന്നിങ്ങനെ മൂന്ന് കളർ ഓപ്ഷനുകളിലാണ് ഈ ഹാൻഡ്‌സെറ്റ് വിപണിയിൽ വരുന്നത്. വിവോ ചൈനയുടെ ഓൺലൈൻ സ്റ്റോറിലും ജെഡി.കോമിലും ഈ സ്മാർട്ട്ഫോൺ ലഭ്യമാണ്.

വിവോ വൈ 52 എസ് (ടി 1 എഡിഷൻ): സവിശേഷതകൾ

ആൻഡ്രോയിഡ് 11 അധിഷ്ഠിത ഒറിജിൻ ഓപ്പറേറ്റിംഗ് സിസ്റ്റം1.0ൽ പ്രവർത്തിക്കുന്ന ഡ്യുവൽ നാനോ സിമുള്ള വിവോ വൈ 52 (ടി 1 എഡിഷൻ) 90 ഹെർട്സ് റിഫ്രഷ് റേറ്റിനൊപ്പം 6.58 ഇഞ്ച് ഫുൾ എച്ച്ഡി + (1,080x2,408 പിക്‌സൽ) എൽസിഡി ഡിസ്‌പ്ലേ അവതരിപ്പിക്കുന്നു. 8 ജിബി റാമുമായി ജോടിയാക്കിയ ഈ സ്മാർട്ട്ഫോണിന് ക്വാൽകോം സ്‌നാപ്ഡ്രാഗൺ 480 SoC പ്രോസസറാണ് മികച്ച പ്രവർത്തനക്ഷമത നൽകുന്നത്. വിവോ 256 ജിബി ഓൺ‌ബോർഡ് സ്റ്റോറേജും നൽകിയിട്ടുണ്ട്.

വിവോ വൈ 52 എസ് (ടി 1 എഡിഷൻ): ക്യാമറ സവിശേഷതകൾ

വിവോ വൈ 52 എസ് (ടി 1 എഡിഷൻ) സ്മാർട്ഫോണിൽ ഡ്യൂവൽ റിയർ ക്യാമറ സംവിധാനമുണ്ട്. അതിൽ എഫ് / 1.79 അപ്പേർച്ചറുള്ള 48 മെഗാപിക്സൽ പ്രൈമറി സെൻസറും, എഫ് / 2.4 അപ്പേർച്ചറുള്ള 2 മെഗാപിക്സൽ ഡെപ്ത് സെൻസറുമുണ്ട്. മുൻവശത്ത് എഫ് / 1.8 അപ്പേർച്ചറുള്ള 8 മെഗാപിക്സൽ സെൽഫി ക്യാമറ സെൻസറുമാണ് ഈ സ്മാർട്ട്‌ഫോണിനുള്ളത്. 18W ചാർജിംഗ് സപ്പോർട്ടുള്ള 5,000 എംഎഎച്ച് ബാറ്ററിയാണ് വിവോ വൈ 52 ൽ വരുന്നത്. വിവോ വൈ 52 എസ് (ടി 1 എഡിഷൻ) കണക്റ്റിവിറ്റി ഓപ്ഷനുകളിൽ 5 ജി, 4 ജി എൽടിഇ, വൈ-ഫൈ, ബ്ലൂടൂത്ത് വി 5.1, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഫേസ് അൺലോക്ക് സവിശേഷതയും ഈ ഫോണിലുണ്ട്.