19499 രൂപയുടെ വിവോ 5G ഫോൺ ഇപ്പോൾ 15549 രൂപയ്ക്ക് വാങ്ങാം; 6000mAh ബാറ്ററി, 50MP ക്യാമറ ഒക്കെയുണ്ട്

15000 രൂപ ബജറ്റിൽ പുതിയ 5ജി സ്മാർട്ട്ഫോൺ വാങ്ങാൻ ആലോചിക്കുന്നവർക്ക് പരിഗണിക്കാൻ പാകത്തിൽ ഒരു വിവോ 5ജി ഫോൺ ഇപ്പോൾ കുറഞ്ഞ വിലയിൽ ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നു. കഴിഞ്ഞ വർഷം തങ്ങളുടെ Y സീരീസിൽ വിവോ അ‌വതരിപ്പിച്ച വിവോ Y58 5ജി (vivo Y58 5G) എന്ന മോഡൽ ആണ് ഇപ്പോൾ ഏകദേശം 4000 രൂപയ്ക്കടുത്ത് ഡിസ്കൗണ്ടിൽ വാങ്ങാൻ ലഭ്യമായിരിക്കുന്നത്. 1024 nits വരെ പീക്ക് ബ്രൈറ്റ്‌നസുള്ള 6.72" FHD+ 120Hz LCD സ്‌ക്രീനാണ് ഈ ഫോണിന്റെ പ്രധാന പ്രത്യേകത.

ഇന്ത്യയിൽ ലോഞ്ച് ചെയ്യുന്ന സമയത്ത് വിവോ Y58 5ജിയുടെ സിംഗിൾ 8GB + 128GB മോഡലിന് 19,499 രൂപയായിരുന്നു വില. ഇപ്പോൾ വിവോയുടെ ഔദ്യോഗിക വെബ്​സൈറ്റിൽ 17499 രൂപ വിലയിലാണ് ഇത് ലിസ്റ്റ് ചെയ്തിരിക്കുന്നത്. 300 രൂപ സ്റ്റുഡൻസ് ഡിസ്കൗണ്ടും 1000 രൂപ ബാങ്ക് ഡിസ്കൗണ്ടും ലഭ്യമാക്കിയിട്ടുണ്ട്.

അ‌തേസമയം ഔദ്യോഗിക വെബ്​സൈറ്റി​ൽ ലഭ്യമാകുന്നതിനെക്കാൾ മികച്ച വിലക്കുറവിൽ ഫ്ലിപ്പ്കാർട്ടിൽ ഈ വിവോ ഫോൺ കിട്ടും. ഡയറക്ട് ഡിസ്കൗണ്ടിന് ശേഷം 16,299 രൂപ വിലയിലാണ് ഇത് ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നത്. കൂടാതെ 750 രൂപ ബാങ്ക് ക്യാഷ്ബാക്ക് ഓഫറും ഉണ്ട്. ഇത് പ്രയോജനപ്പെടുത്തിയാൽ, 15549 രൂപ വിലയിൽ ഈ ഫോൺ സ്വന്തമാക്കാം.

വിവിധ ബ്രാൻഡുകളുടെ LCD സ്‌ക്രീനുകളിൽ വെച്ച് ഏറ്റവും തിളക്കമുള്ള സൺ​ലൈറ്റ് ഡിസ്‌പ്ലേയാണ് ഈ ഫോണിലുള്ളത് എന്നാണ് ലോഞ്ച് സമയത്ത് വിവോ അ‌റിയിച്ചത്. കൂടാതെ ഉപയോക്താക്കളുടെ കണ്ണുകളുടെ സംരക്ഷണം ഉറപ്പാക്കുന്ന TUV റൈൻലാൻഡ് ലോ ബ്ലൂ ലൈറ്റ് ഐ കെയർ സർട്ടിഫിക്കേഷനും ഈ ഡിസ്‌പ്ലേയ്ക്ക് ഉണ്ട്.

പ്രധാന ഫീച്ചറുകൾ

ഒക്ട കോർ സ്നാപ്ഡ്രാഗൺ 4 ജെൻ 2 4nm മൊബൈൽ പ്ലാറ്റ്ഫോം (2.2 GHz x 2 A78-അധിഷ്ഠിത +2GHz x 6 A55-അധിഷ്ഠിത ക്രിയോ സിപിയുകൾ) ആണ് ഈ ഫോണിന്റെ കരുത്ത്. അഡ്രിനോ 613 GPU, 8GB LPDDR4x റാം, 128GB (UFS 2.2) സ്റ്റോറേജ് എന്നിവയും ഇതിലുണ്ട്.

120Hz റിഫ്രഷ് റേറ്റ് ഉള്ള 6.72-ഇഞ്ച് (2408×1080 പിക്സലുകൾ) ഫുൾ HD+ LCD സ്ക്രീൻ, 1024 nits വരെ പീക്ക് ബ്രൈറ്റ്നസ്, 83% NTSC കളർ ഗാമട്ട് എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ. 8GB വെർച്വൽ റാമും ഈ ഫോൺ വാഗ്ദാനം ചെയ്യുന്നു. കൂടാതെ മൈക്രോ എസ്ഡി ഉപയോഗിച്ച് 1TB വരെ സ്റ്റോറേജ് വികസിപ്പിക്കാനും കഴിയും.

വി​വോ Y58 5ജിയുടെ റിയർ ക്യാമറ സജ്ജീകരണത്തിൽ f/1.8 അപ്പേർച്ചറുള്ള 50MP പിൻ ക്യാമറ, f/2.4 അപ്പേർച്ചറുള്ള 2MP പോർട്രെയിറ്റ് ക്യാമറ, LED ഫ്ലാഷ് എന്നിവ അ‌ടങ്ങുന്നു. സെൽഫിക്കും മറ്റുമായി f/2.05 അപ്പേർച്ചറുള്ള 8MP ഫ്രണ്ട് ഫേസിംഗ് ക്യാമറയും ഇതിലുണ്ട്. ആൻഡ്രോയിഡ് 14 അ‌ടിസ്ഥാനമാക്കിയുള്ള ഫൺടച്ച് OS 14ൽ ആണ് ഇത് അ‌വതരിപ്പിക്കപ്പെട്ടത്.

സൈഡ്-മൗണ്ടഡ് ഫിംഗർപ്രിന്റ് സെൻസർ, IP64 റേറ്റിങ്, 3.5mm ഓഡിയോ ജാക്ക്, സ്റ്റീരിയോ സ്പീക്കറുകൾ,
ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA/NSA, ഡ്യുവൽ 4G VoLTE, USB ടൈപ്പ്-C, 44W ഫാസ്റ്റ് ചാർജിംഗുള്ള 6000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 165.70x76x7.99 (സുന്ദർബൻസ് ഗ്രീൻ)/ 8.09 (ഹിമാലയൻ ബ്ലൂ) വലിപ്പവും 199 ഗ്രാം ഭാരവും ഇതിനുണ്ട്.