വിവോ വൈ 73 ജൂൺ 10 ന് ഇന്ത്യയിൽ അവതരിപ്പിക്കും: പ്രതീക്ഷിക്കുന്ന വിലയും, സവിശേഷതകളും

വിവോ വൈ 73 ജൂൺ 10 ന് ഉച്ചയ്ക്ക് 12:00 മണിക്ക് അവതരിപ്പിക്കുമെന്ന് വിവോ ഇന്ത്യ ട്വിറ്ററിലേക്ക് അറിയിച്ചു. നിലവിൽ, ലോഞ്ചിനായി ഒരു ലൈവ്സ്ട്രീം ഉണ്ടാകുമോ അതോ ഓൺലൈനിൽ പട്ടികപ്പെടുത്തുമോ എന്ന കാര്യം ഇതുവരെ വ്യക്തമല്ല. ട്രിപ്പിൾ റിയർ ക്യാമറ സംവിധാനം ഫീച്ചർ ചെയ്യുന്ന ഈ സ്മാർട്ട് ഫോണിൻറെ പിൻ പാനൽ കാണിക്കുന്ന ഒരു ചിത്രവുമായാണ് ട്വീറ്റ് വരുന്നത്. ഇതുകൂടാതെ, മറ്റ് വിശദാംശങ്ങളൊന്നും ഔദ്യോഗികമായി വ്യക്തമാക്കിയിട്ടില്ല. കഴിഞ്ഞയാഴ്ച അറിയപ്പെടുന്ന ടിപ്പ്സ്റ്റർ യോഗേഷ് വിവോ വൈ 73 യുടെ എല്ലാ സവിശേഷതകളും വ്യക്തമാക്കിയിരുന്നു, അടുത്തിടെയുള്ള അൺബോക്സിംഗ് വീഡിയോ ഇപ്പോൾ അനൗദ്യോഗികമായി പരിശോധിച്ചുറപ്പിച്ചു.

വിവോ വൈ 73 സ്മാർട്ഫോണിൻറെ പ്രതീക്ഷിക്കുന്ന സവിശേഷതകൾ

വിവോ വൈ 73 ആൻഡ്രോയിഡ് 11 അടിസ്ഥാനമാക്കി ഫൺടച്ച് ഒ.എസ് 11.1 പ്രവർത്തിപ്പിക്കുമെന്ന് പറയപ്പെടുന്നു. ഇതിൽ 6.44 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേ 20: 9 ആസ്പെക്റ്റ് റേഷിയോ, 408 പിപിഐ പിക്‌സൽ ഡെൻസിറ്റി, 90.3 ശതമാനം സ്‌ക്രീൻ-ടു-ബോഡി റേഷിയോ, എച്ച്ഡിആർ 10 സപ്പോർട്ട് എന്നിവയുണ്ട്. മൈക്രോ എസ്ഡി കാർഡ് വഴി 1 ടിബി വരെ എക്സ്പാൻഡ് ചെയ്യാവുന്നതും, 8 ജിബി റാമും 128 ജിബി ഇന്റേണൽ സ്റ്റോറേജുമുള്ള മീഡിയടെക് ഹീലിയോ ജി 95 SoC പ്രോസസറാണ് ഈ സ്മാർട്ട്ഫോണിനെ ശക്തിപ്പെടുത്തുന്നത്.

വിവോ വൈ 73 സ്മാർട്ഫോണിൻറെ ക്യാമറ സവിശേഷതകൾ

ഫോട്ടോകൾ എടുക്കുവാനും വീഡിയോകൾ പകർത്തുവാനും വിവോ വൈ 73 ഒരു ട്രിപ്പിൾ റിയർ ക്യാമറ സംവിധാനം ഉപയോഗിക്കുന്നു. അതിൽ എഫ് / 1.79 ലെൻസുള്ള 64 മെഗാപിക്സൽ മെയിൻ സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ മാക്രോ ഷൂട്ടർ, എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്നു. മുൻവശത്ത്, എഫ് / 2.0 അപ്പേർച്ചറുള്ള 16 മെഗാപിക്സൽ സെൽഫി ഷൂട്ടറുമായി ഈ സ്മാർട്ട്ഫോൺ വരുമെന്ന് പ്രതീക്ഷിക്കുന്നു.

വിവോ വൈ 73 ലെ കണക്റ്റിവിറ്റി ഓപ്ഷനുകളിൽ 4 ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് വി 5, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടാം. ഇൻ-ഡിസ്പ്ലേ ഫിംഗർപ്രിന്റ് സ്കാനറും വരുമെന്ന് പ്രതീക്ഷിക്കുന്നു. 33W ഫാസ്റ്റ് ചാർജിംഗിനുള്ള സപ്പോർട്ടുമായി 4,000 എംഎഎച്ച് ബാറ്ററിയാണ് വിവോ വൈ 73ൽ സപ്പോർട്ട് ചെയ്യുന്നത്. ഇതിന് 161.24 x 74.3 x 7.38 മില്ലിമീറ്റർ അളവും 170 ഗ്രാം ഭാരവുമുണ്ട്.