വിവോ Z1 പ്രോയ്ക്ക് ഇന്ത്യയിൽ 2000 വില കുറവ്; പുതിയ വിലകൾ പരിശോധിക്കാം

വിവോ Z1 പ്രോയിലുള്ളത് 5,000 mAh ബാറ്ററി

സോണിക് ബ്ലാക്ക്, മിറർ ബ്ലാക്ക്, സോണിക് ബ്ലൂ എന്നീ നിറങ്ങളിലാണ് ഈ സ്മാർട്ട്ഫോൺ ലഭിക്കുക. വിവോ Z1 പ്രോ ഹാൻഡ്സെറ്റിന്റെ പിന്നിൽ മൂന്നു ക്യാമറകളാണുള്ളത്. ഫോട്ടോകൾക്കും വിഡിയോകൾക്കുമായി എഫ് / 1.78 ലെൻസുള്ള 16 മെഗാപിക്സൽ പ്രൈമറി സെൻസർ, 120 ഡിഗ്രി സൂപ്പർ വൈഡ് ആംഗിൾ എഫ് / 2.2 ലെൻസുള്ള 8 മെഗാപിക്സൽ സെക്കൻഡറി സെൻസർ എന്നിവയാണ് വിവോ Z1 പ്രോയുടെ ട്രിപ്പിൾ റിയർ ക്യാമറ സെറ്റപ്പിലുള്ളത്. എഫ് / 2.4 ലെൻസുള്ള രണ്ട് മെഗാപിക്സൽ ടെർഷ്യറി സെൻസർ ആണ് മൂന്നാം സെൻസർ. 32 മെഗാപിക്സലിന്റെ ‘ഇൻ-ഡിസ്പ്ലേ' സെൽഫി ക്യാമറയാണ് ഈ സ്മാർട്ട്ഫോണിലുള്ളത്.

ക്വാൽകോം സ്‌നാപ്ഡ്രാഗൺ 712 SoC

ക്വാൽകോം സ്‌നാപ്ഡ്രാഗൺ 712 SoC-ൽ പ്രവർത്തിക്കുന്ന ആദ്യ ഫോണാണ് Z1 പ്രോ സ്മാർട്ഫോൺ. ഫുൾ എച്ച്ഡി + ഡിസ്‌പ്ലേയാണ് മോഡലിന്റേത്. 8W ഫാസ്റ്റ് ചാർജിങ് പിന്തുണയുള്ള 5,000 എംഎഎച്ച് ബാറ്ററിയും ഉണ്ട്. വിപണിയിൽ സാംസങ് ഗാലക്‌സി എം40, റെഡ്മി നോട്ട് 7 പ്രോയുടെ ടോപ്പ് എൻഡ് വേരിയന്റ് എന്നീ മോഡലുകളോടാണ് വിവോ Z1 പ്രോ മത്സരിക്കുന്നത്. വിവോ Z1 പ്രോ ഈ വർഷം ജൂലൈയിൽ ലോഞ്ച് ചെയ്തപ്പോൾ ഇന്ത്യയിലെ അടിസ്ഥാന വില 14,990 രൂപയായിരുന്നു (4 ജിബി റാം + 64 ജിബി സ്റ്റോറേജ് വേരിയന്റ്). 6 ജിബി റാം + 64 ജിബി സ്റ്റോറേജ് മോഡലിന് 16,990 രൂപയും ടോപ്പ് എൻഡ് 6 ജിബി റാം + 128 ജിബി സ്റ്റോറേജ് വേരിയന്റിന് 17,990 രൂപയുമായിരുന്നു വില.

റിയർ ട്രിപ്പിൾ ക്യാമറകളുമായി വിവോ Z1 പ്രോ

ഗെയിം മോഡ് 5.0, 4 ഡി വൈബ്രേഷനുകൾ, 3 ഡി സറൗണ്ട് സൗണ്ട് എന്നിവയെല്ലാം ഫോണിലുണ്ട്. സെന്റർ ടർബോ, എഐ ടർബോ, നെറ്റ് ടർബോ, കൂളിംഗ് ടർബോ, എആർടി ++ ടർബോ എന്നിവ നൽകുന്ന മൾട്ടി ടർബോ ഫീച്ചറും വോയ്‌സ് ചേഞ്ചർ, ഗൂഗിൾ അസിസ്റ്റന്റ്, മറ്റ് വോയ്‌സ് അസിസ്റ്റന്റുകൾ എന്നിവ എളുപ്പത്തിൽ ആക്‌സസ് ചെയ്യുന്നതിന് പ്രത്യേകം എഐ ബട്ടൺ ഫീച്ചറും ഫോണിലുണ്ട്. ആൻഡ്രോയിഡ് 9 പൈ അടിസ്ഥാനമാക്കിയുള്ള ഫൺടച്ച് ഒഎസ് 9-ലാണ് ഫോൺ പ്രവർത്തിക്കുന്നത്.

വിവോ Z1 പ്രോയ്ക്ക് ഇന്ത്യയിൽ 2000 വില കുറവ്

4 ജി വോൾട്ട്, വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, ഒടിജിയുള്ള യുഎസ്ബി 2.0, 3.5 എംഎം ഹെഡ്‌ഫോൺ ജാക്ക് എന്നിവയാണ് കണക്ടിവിറ്റി സൗകര്യങ്ങൾ. ആക്‌സിലറോമീറ്റർ, ആംബിയന്റ് ലൈറ്റ്, ഫിംഗർപ്രിന്റ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നീ സെൻസറുകളുമുണ്ട്. ഫാസ്റ്റ് ചാർജിങ്ങിനെ പിന്തുണയ്‌ക്കുന്ന 5,000 mAh ബാറ്ററിയാണ് വിവോ Z1 പ്രോയിലുള്ളത്.