ബ്ലോട്ട് വേർ എന്നാലെന്ത്? അത് നിങ്ങളുടെ ആൻഡ്രോയ്ഡ് ഫോണിൽ നിന്ന് ഒഴിവാക്കേണ്ടതെങ്ങനെ?

By Sarath R Nath

| Published: Friday, September 22, 2017, 15:15 [IST]

ഒട്ടുമിക്ക ഹാൻഡ്സെറ്റ് നിർമ്മാതാക്കളും അവർ നിർമ്മിക്കുന്ന ആൻഡ്രോയ്ഡ് ഫോണുകളിൽ തങ്ങളുടേതായ ചില ആപ്ലിക്കേഷനുകളും ചേർക്കാറുണ്ട്. എന്നാൽ ഇത്തരം ആപ്പുകൾ നമ്മൾ പലപ്പോഴും ഉപയോഗിക്കാറില്ല. എന്നാൽ അത് നമ്മുടെ റാമും റോമും വെറുതെ ഉപയോഗിക്കുകയും ചെയ്യുന്നു.

ബ്ലോട്ട് വേർ എന്നാലെന്ത്? അത് നിങ്ങളുടെ ആൻഡ്രോയ്ഡ് ഫോണിൽ നിന്ന് ഒഴിവാക

കൂടാതെ, ഇത്തരം ആപ്പുകൾ ഫോണിന്റെ ബാറ്ററി ചാർജും കുറയ്ക്കുന്നു. വിൻഡോസിലെപ്പോലെ നീക്കം ചെയ്യാനാകാത്ത അനാവശ്യ ആപ്പുകൾ ഉള്ള അവസ്ഥയല്ല ആൻഡ്രോയ്ഡിൽ. 'അൺഇൻസ്റ്റാൾ' അല്ലെങ്കിൽ ' ഡിസേബിൾ’ ഓപ്ഷനുകളുടെ സഹായത്തോടെ ഈ ബ്ലോട്ട് വെയറുകൾ നമുക്ക് നീക്കം ചെയ്യാൻ സാധിക്കുന്നതാണ്.

ചിലപ്പോഴൊക്കെ, ആപ്പുകൾ അൺഇൻസ്റ്റാൾ ചെയ്യുന്നത് ഫോണിന്റെ പ്രവർത്തനങ്ങളെ അസ്ഥിരപ്പെടുത്താറുണ്ട്. അതിനാൽ 'ഡിസേബിൾ’ ഓപ്ഷൻ തിരഞ്ഞെടുക്കുന്നതാണ് ഉത്തമം. വൺ പ്ലസ്, ഷവോമി എന്നീ ഫോണുകളിൽ ബ്ലോട്ട് വെയറുകൾ നീക്കം ചെയ്യാൻ സാധിക്കുന്നു. എന്നാൽ സംസങ്ങ്, സോണി തുടങ്ങിയ ഫോണുകളിൽ അത് അസാധ്യമാണ്.

നീക്കം ചെയ്യാനാകാത്ത ആപ്പുകൾ ’ഡിസേബിൾ’ ചെയ്യുന്നതാണ് നല്ലത്. അങ്ങനെെ ചെയ്താൽ അത് പ്രവർത്തനരഹിതമായി ആപ്പ് ഡ്രോയറിൽ നിന്ന് നീക്കം ചെയ്യപ്പെടുന്നു. ഇതിലൂടെ ഫോൺ ബാറ്ററി ചാർജ് ലഭിക്കുവാനും കഴിയുന്നു.