വിന്‍ഡോസ് ഫോണ്‍; മേന്മകളും ന്യൂനതകളും

#1

വിന്‍ഡോസ് ഫോണിലെ ലൈവ് ടൈല്‍സ് ഏറെ സൗകര്യപ്രദമായ ഒന്നാണ്. ആന്‍ഡ്രോയ്ഡ് ഫോണിലെ വിജിറ്റ്‌സുകളും ഐ.ഒ.എസ് ഫോണുകളിലെ ഐക്കണ്‍ ഫോള്‍ഡര്‍ എന്നവിയും ഈ ലൈവ് ടൈലുകളുടെ മുമ്പില്‍ നിഷ്പ്രഭമാണ്.

ഹോംസ്‌ക്രീനില്‍ ഫോട്ടോകള്‍, കോണ്‍ടാക്റ്റ്, ഇമെയില്‍, ഇ ബുക്‌സ് തുടങ്ങിയവയെല്ലാം ഹോംസ്‌ക്രീനില്‍ തന്നെ കാണാന്‍ കഴിയും. കൂടുാതെ ടൈല്‍സ് അനുയോജ്യമായ രീതിയില്‍ വാള്‍പേപ്പറുകള്‍ ക്രമീകരിക്കാനുള്ള സംവിധാനവുമുണ്ട്.

#2

ആന്‍ഡ്രോയ്ഡ്, ഐ.ഒ.എസ്. ഫോണുകള്‍ക്കു സമാനമായി നോട്ടിഫിക്കേഷനുകള്‍ ലഭ്യമാക്കുന്ന ആക്ഷന്‍സെന്ററാണ് വിന്‍ഡോസ് ഫോണ്‍ 8.1-ന്റെ മറ്റൊരു സവിശേഷത. കൂടാതെ ബ്ലൂടൂത്ത് ഉള്‍പ്പെടെയുള്ള കണക്റ്റിവിറ്റി സംവിധാനങ്ങള്‍ക്കും ക്യാമറ, മ്യൂസിക് പ്ലെയര്‍ തുടങ്ങിയ ആപ്ലിക്കേഷനുകള്‍ക്കും ഷോട്കട് സെറ്റ് ചെയ്യാനുഗ കഴിയും.

#3

ആന്‍ഡ്രോയ്ഡിലെ ഗൂഗിള്‍ നൗവിനും ഐ ഫോണിലെ സിരിക്കും തുല്യമായ വോയ്‌സ് അസിസ്റ്റന്റ് സംവിധാനമാണ് വിന്‍ഡോസ് ഫോണ്‍ 8.1-ലെ കോര്‍ടാന. ഗൂഗിള്‍ നൗവും സിരിയും ചേര്‍ന്ന ഒന്നാണ് വാസ്തവത്തില്‍ ഇത്. വിമാന സമയങ്ങള്‍ പരിശോധിക്കക, വാര്‍ത്തകള്‍ ട്രാക് ചെയ്യുക, ദിശയറിയാന്‍ സഹായിക്കുക, അപ്പോയ്‌മെന്റുകള്‍ ഷെഡ്യുള്‍ ചെയ്യുക തുടങ്ങിയവയൊക്കെ കോര്‍ടാനയ്ക്ക് സാധ്യമാണ്.

#4

മൈക്രോസോഫ്റ്റിന്റെ ഔട്‌ലുക് ഇമെയില്‍, ഓഫീസ് എന്നിവ ഇന്‍ബില്‍റ്റായി വിന്‍ഡോസ് ഫോണുകളില്‍ ഉണ്ട്. മറ്റു പ്ലാറ്റ്‌ഫോണമുകളിലും ഇത് ലഭിക്കുമെങ്കിലും വിന്‍ഡോസ് ഫോണുകളില്‍ ഇത് കൂടുതല്‍ സൗകര്യപ്രദമാണ്.

#5

വിന്‍ഡോസ് ഫോണില്‍ ആപ്ലിക്കേഷനുകള്‍ കൃത്യമായ രീതിയിലാണ് ഡിസൈന്‍ ചെയ്തിരിക്കുന്നത്. ഒറ്റ നോട്ടത്തില്‍ തന്നെ ഇത് വിന്‍ഡോസ് ഫോണ്‍ ആണെന്ന് പറയാന്‍ സാധിക്കും.

#6

മൈക്രോസോഫ്റ്റിന്റെ ക്ലൗഡ് സ്‌റ്റോറേജായ വണ്‍ ഡ്രൈവ് (സ്‌കൈഡ്രൈവ്) ആപ്പിളിന്റെ ഐ ക്ലൗഡിനോടും ഗൂഗിളിന്റെ ഗൂഗിള്‍ ഡ്രൈവിനോടും കിടപിടിക്കുന്നതാണ്. ഇതിലൂടെ വിന്‍ഡോസ് ഫോണ്‍ 8.1-ല്‍നിന്ന് ഫയലുകള്‍ ബാക്അപ് ചെയ്യാനും ഫോട്ടോ മാനേജ്‌മെന്റ്, ഡോക്യുമെന്റ് എഡിറ്റിംഗ് എന്നിവയും സാധ്യമാകും.

#7

ആന്‍ഡ്രോയ്ഡ്, ഐ.ഒ.എസ് ഫോണുകളില്‍ നിന്ന് ഇമെയില്‍, ഫോട്ടോ, കോണ്‍ടാക്റ്റ് തുടങ്ങിയ ഡാറ്റകള്‍ വിന്‍ഡോസ് ഫോണിലേക്കു മാറ്റുക എന്നത് അത്ര എളുപ്പത്തില്‍ സാധ്യമാവില്ല. അതുകൊണ്ടുതന്നെ മറ്റു ഫോണുകള്‍ ഉപയോഗിച്ചവര്‍ വിന്‍ഡോസിലേക്ക് മാറുമ്പോള്‍ ഏറെ പ്രയാസം നേരിടും.

#8

ഐ.ഒ.എസ്, ആന്‍ഡ്രോയ്ഡ് ഫോണുകളുമായി താരതമ്യം ചെയ്താല്‍ വിന്‍ഡോസ് ഫോണില്‍ ആപ്ലിക്കേഷനുകളുടെ എണ്ണം കുറവാണ്. മാത്രമല്ല, പ്രശസ്തമായ പല ആപ്ലിക്കേഷനുകളുടെയും വിനഡോ്‌സസ ഫോണ്‍ ഡിസൈന്‍ ഒട്ടും സുഖകരവുമല്ല. അതേസമയം ചില ആപ്ലിക്കേഷനുകള്‍ മറിച്ചും ഉണ്ട്.