Xiaomi 13 | ക്വാൽകോമിന്റെ പുത്തൻ എഞ്ചിനുമായി ഷവോമിയുടെ കാളക്കൂറ്റൻ; ഷവോമി 13 സീരീസ് വിപണിയിലേക്ക്

ഷവോമി 13 വില

രണ്ട് സ്മാർട്ട്ഫോണുകളും ചൈനയിൽ പ്രീ ഓഡർ ബുക്കിങിന് ഇപ്പോൾ ലഭ്യമാണ്. ഡിസംബർ 14 മുതൽ ഡിവൈസുകളുടെ സെയിൽ ആരംഭിക്കും. ഷവോമി 13 സ്മാർട്ട്ഫോണിന്റെ 8 ജിബി റാം, 128 ജിബി സ്റ്റോറേജ് മോഡലിന് സിഎൻവൈ 3,999 ( ഏകദേശം 47,300 രൂപ ) ആണ് വില വരുന്നത്. ഡിവൈസിന്റെ 12 ജിബി റാം, 512 ജിബി വേരിയന്റിന് 4,999 സിഎൻവൈയും ( എകദേശം 60,000 രൂപ ) വില വരും. 8 ജിബി റാം 256 ജിബി സ്റ്റോറേജ് വേരിയന്റിന് സിഎൻവൈ 4,299 ( 51.000 രൂപ ) നൽകണം. 12 ജിബി റാം 256 ജിബി വേരിയന്റ് സിഎൻവൈ 4,599 ( 54,400 രൂപ ) എന്ന പ്രൈസ് ടാഗിലും വരുന്നു.

ഷവോമി 13 പ്രോ വില

ഷവോമി 13 പ്രോ സ്മാർട്ട്ഫോണിന് 4,999 സിഎൻവൈ ( ഏകദേശം 60,000 രൂപ ) മുതലാണ് വില വരുന്നത്. 8 ജിബി റാം, 128 ജിബി കോൺഫിഗറേഷനിൽ വരുന്ന ബേസ് മോഡലിനാണ് ഈ നിരക്ക്. 12 ജിബി റാം, 512 ജിബി വേരിയന്റിന് 6,229 സിഎൻവൈയും ( ഏകദേശം 74,500 രൂപ ) ചൈനയിൽ നൽകണം. ഷവോമി 13 സീരീസിലെ ഡിവൈസുകൾ കുറച്ച് കൂടി അഫോഡബിൾ ആയ റേഞ്ചിലാകും ഇന്ത്യയിൽ അവതരിപ്പിക്കുക.

ഷവോമി 13 ഫീച്ചറുകൾ

ഷവോമി 13 സ്മാർട്ട്ഫോൺ 6.36 ഇഞ്ച് വരുന്ന ഫുൾ എച്ച്ഡി പ്ലസ് ഒഎൽഇഡി ഡിസ്പ്ലെ ഫീച്ചർ ചെയ്യുന്നു. ( 1080 x 2400 ) റെസല്യൂഷൻ, 120 ഹെർട്സ് റിഫ്രഷ് റേറ്റ് എന്നിവ ഈ ഡിസ്പ്ലെയുടെ സവിശേഷതകളാണ്. ഡോൾബി വിഷൻ സപ്പോർട്ട്, എച്ച്ഡിആർ 10 പ്ലസ്, എച്ച്എൽജി സപ്പോർട്ട്, 1,900 നിറ്റ്സ് പീക്ക് ബ്രൈറ്റ്നസ് എന്നിവയും ഷവോമി 13 സ്മാർട്ട്ഫോണിന്റെ ഡിസ്പ്ലെ ഓഫർ ചെയ്യുന്നു.

ലെയ്ക ട്യൂൺഡ് ട്രിപ്പിൾ റിയർ ക്യാമറ സെറ്റപ്പാണ് ഷവോമി 13 സ്മാർട്ട്ഫോണിലുള്ളത്. ഒപ്റ്റിക്കൽ ഇമേജ് സ്റ്റെബിലൈസേഷൻ ( ഒഐഎസ് ) സപ്പോർട്ടുള്ള 50 എംപി പ്രൈമറി സെൻസർ, ഒഐഎസും 3x ഒപ്റ്റിക്കൽ സൂം സപ്പോർട്ടുമുള്ള 10 എംപി ടെലിഫോട്ടോ ലെൻസ്, 12 എംപി അൾട്ര വൈഡ് സെൻസർ എന്നിവയാണ് ഈ ട്രിപ്പിൾ റിയർ ക്യാമറ സെറ്റപ്പിലെ സെൻസറുകൾ. 31 എംപി സെൽഫി ക്യാമറയും ഡിവൈസിൽ ഉണ്ട്.

വൈഫൈ 6ഇ, 5ജി, വൈഫൈ ഡയറക്റ്റ്, അണ്ടർ ഡിസ്പ്ലെ ഫിംഗർപ്രിന്റ് സെൻസർ എന്നിവയും ഷവോമി 13 സ്മാർട്ട്ഫോൺ ഫീച്ചർ ചെയ്യുന്നുണ്ട്. 4500 mAh ബാറ്ററിയാണ് ഷവോമി 13 സ്മാർട്ട്ഫോണിന് കരുത്ത് പകരുന്നത്. 67W വയേർഡ് ചാർജിങ് സപ്പോർട്ട്, 50W വയർലെസ് ചാർജിങ് സപ്പോർട്ട് എന്നീ ഫീച്ചറുകളും ഷവോമി 13 സീരീസിലെ ബേസ് മോഡൽ സ്മാർട്ട്ഫോൺ ഫീച്ചർ ചെയ്യുന്നു.

ഷവോമി 13 പ്രോ ഫീച്ചറുകൾ

6.7 ഇഞ്ച് സൈസ് വരുന്ന എൽടിപിഒ ഒഎൽഇഡി ഡിസ്പ്ലെയാണ് ഷവോമി 13 പ്രോ മോഡലിന്റെ ഹൈലൈറ്റ് ഫീച്ചറുകളിൽ ഒന്ന്. 120 ഹെർട്സ് റിഫ്രഷ് റേറ്റ്, ഡോൾബി വിഷൻ, എച്ച്ഡിആർ 10 സപ്പോർട്ട് എന്നിവയെല്ലാം ഷവോമി 13 പ്രോ സ്മാർട്ട്ഫോണിന്റെ ഡിസ്പ്ലെയുടെ സവിശേഷതകളാണ്. കോർണിങ് ഗൊറില്ല ഗ്ലാസ് വിക്ടസ് പ്രൊട്ടക്ഷനും ഡിസ്പ്ലെയ്ക്ക് നൽകിയിരിക്കുന്നു.

ലെയ്ക്ക ട്യൂൺഡ് റിയർ ക്യാമറ സെറ്റപ്പ് സീരീസിലെ ഏറ്റവും മികച്ച ക്യാമറ സംവിധാനമാണ്. വൈഡ്, അൾട്ര വൈഡ്, ടെലിഫോട്ടോ ലെൻസ് എന്നിങ്ങനെ മൂന്ന് 50 എംപി ക്യാമറകളാണ് ഷവോമി 13 പ്രോ സ്മാർട്ട്ഫോൺ ഫീച്ചർ ചെയ്യുന്നത്. ടെലിഫോട്ടോ ലെൻസ് 3.2 ഒപ്റ്റിക്കൽ സൂം സപ്പോർട്ടും ഫീച്ചർ ചെയ്യുന്നു. ഷവോമി 13, 13 പ്രോ സ്മാർട്ട്ഫോണുകൾ ആൻഡ്രോയിഡ് 13 ബേസ്ഡ് എംഐയുഐ 13 ഒഎസിലാണ് പ്രവർത്തിക്കുന്നത്.

ഷവോമി 13 പ്രോയും വൈഫൈ 6ഇ, 5ജി, വൈഫൈ ഡയറക്റ്റ് തുടങ്ങിയ കണക്റ്റിവിറ്റി ഓപ്ഷനുകൾ ഫീച്ചർ ചെയ്യുന്നു. ഷവോമി 13 പ്രോ സ്മാർട്ട്ഫോൺ 4820 mAh ബാറ്ററിയാണ് ഫീച്ചർ ചെയ്യുന്നത്. 120W വയേർഡ് ചാർജിങ് സപ്പോർട്ട്, 50W വയർലെസ് ചാർജിങ് സപ്പോർട്ട് എന്നിവയും ഷവോമി 13 പ്രോ സ്മാർട്ട്ഫോണിന്റെ സവിശേഷതകളാണ്.