സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ് കരുത്തുമായി ഷവോമി 17 ലോഞ്ച് ചെയ്തു!

ഷവോമി തങ്ങളുടെ ഏറ്റവും പുതിയ ഫ്ലാഗ്ഷിപ്പ് സ്മാർട്ട്ഫോണുകളായി ഷവോമി 17 സീരീസ് പുറത്തിറക്കി. മൂന്ന് സ്മാർട്ട്ഫോണുകളാണ് ഇതിൽ എത്തിയിരിക്കുന്നത്. ഷവോമി 17 (Xiaomi 17), ഷവോമി 17 പ്രോ (Xiaomi 17 Pro), ഷവോമി 17 പ്രോ മാക്സ് (Xiaomi 17 Pro Max) എന്നിവയാണ് അ‌വ. സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ് ആണ് ഈ മൂന്ന് ഫോണുകളുടെയും കരുത്ത്. ലൈക്ക സമ്മിലക്സ് ലെൻസും Xiaomi AISP 2.0 കമ്പ്യൂട്ടേഷണൽ ഫോട്ടോഗ്രാഫി പ്ലാറ്റ്‌ഫോമും ഷവോമി 17 ക്യാമറകളിൽ ഉപയോഗിക്കുന്നു

1-120Hz റിഫ്രഷ് റേറ്റുള്ള 6.3 ഇഞ്ച് 1.5K OLED ഫ്ലാറ്റ് M10 LTPO പാനലും 1.18mm അൾട്രാ-നാരോ യൂണിഫോം ബെസലുകളും ഷവോമി 17യുടെ പ്രത്യേകതകളാണ്. ആഭ്യന്തരമായി നിർമ്മിച്ച "പുതിയ ചുവന്ന വെളിച്ചം പുറപ്പെടുവിക്കുന്ന പ്രധാന മെറ്റീരിയൽ" കൊണ്ട് സജ്ജീകരിച്ചിരിക്കുന്ന ഈ ഫോൺ, 3500 നിറ്റുകൾ വരെ പീക്ക് ബ്രൈറ്റ്‌നെസ്സോടെ, ആദ്യമായി ലോകത്തിലെ ഏറ്റവും മികച്ച പ്രകാശ കാര്യക്ഷമത കൈവരിച്ചു. ഷവോമി ഡ്രാഗൺ ക്രിസ്റ്റൽ ഗ്ലാസ് കരുത്തും ഇതിലുണ്ട്.

ഷവോമി 17 പ്രധാന ഫീച്ചറുകൾ

120Hz വരെ വേരിയബിൾ റിഫ്രഷ് റേറ്റുള്ള 6.3-ഇഞ്ച് (2656 x 1220 പിക്സലുകൾ) 1.5K M10 12-ബിറ്റ് OLED 20:9 LTPO ഡിസ്പ്ലേ, 3500 nits വരെ പീക്ക് ബ്രൈറ്റ്നസ്, 5,000,000:1 (മിനിറ്റ്) കോൺട്രാസ്റ്റ് റേഷ്യോ, HDR10+, ഡോൾബി വിഷൻ, 1920Hz PWM ഡിമ്മിംഗ്, DC ഡിമ്മിംഗ്, Xiaomi ഡ്രാഗൺ ക്രിസ്റ്റൽ ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

ഒക്ട കോർ സ്നാപ്ഡ്രാഗൺ 8 എലൈറ്റ് ജെൻ 5 3nm മൊബൈൽ പ്ലാറ്റ്ഫോം ആണ് ഈ ഫോണിന്റെ കരുത്ത്. അഡ്രിനോ 840 GPU, 12GB / 16GB LPPDDR5x റാം, 256GB / 512GB / 1TB UFS 4.1 സ്റ്റോറേജ് ഓപ്ഷനുകൾ എന്നിവയും ഇതിലുണ്ട്. ഷവോമി ​ഹൈപ്പർ​എസ് 3-ൽ ആണ് പ്രവർത്തനം.

1/1.31″ ലൈറ്റ് ഫ്യൂഷൻ 950 സെൻസറുള്ള 50MP മെയിൻ ക്യാമറ (f/1.67 അപ്പേർച്ചർ, ഹൈപ്പർ OIS, എൽഇഡി ഫ്ലാഷ്, ലെയ്‌ക സമ്മിലക്‌സ് ലെൻസ്), 50MP 102° ലെയ്‌ക അൾട്രാ-വൈഡ് ആംഗിൾ ലെൻസ് (f/2.4 അപ്പേർച്ചർ), 50MP 2.6X 10cm മുതൽ ഇൻഫിനിറ്റി ലെയ്‌ക ടെലിഫോട്ടോ ക്യാമറ (f/2.0 അപ്പേർച്ചർ, OIS, 8K വീഡിയോ റെക്കോർഡിംഗ്) എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്.

സെൽഫിക്കും വീഡിയോ കോളുകൾക്കുമായി f/2.2 അപ്പേർച്ചറുള്ള 50MP ഫ്രണ്ട്-ഫേസിംഗ് ക്യാമറയും ( 4K 60 fps വീഡിയോ റെക്കോർഡിംഗ്) ഷവോമി 17 5ജിയിൽ ഉണ്ട്. ഇൻ-ഡിസ്‌പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, ഹൈ-റെസ് ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, 4-മൈക്രോഫോൺ അറേ എന്നീ ഫീച്ചറുകളും ഇതിൽ നൽകിയിരിക്കുന്നു.

IP68 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, 100W വയർഡ് ഫാസ്റ്റ് ചാർജിംഗ്, 50W വയർലെസ് ചാർജിംഗ്, മാഗ്നറ്റിക് ചാർജിംഗ്, 22.5W വയർഡ്, വയർലെസ് റിവേഴ്സ് ചാർജിംഗ് എന്നിവയുള്ള 7000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 151.1×71.8×8.06mm വലിപ്പവും 191 ഗ്രാം ഭാരവും ഇതിനുണ്ട്.

ഷവോമി 17 വില

ഷവോമി 17 5ജിയുടെ 12GB+256GB അ‌ടിസ്ഥാന വേരിയന്റിന് 4499 യുവാനും (ഏകദേശം 55,880 രൂപ), 12GB+512GB വേരിയന്റിന് 4799 യുവാനും (ഏകദേശം 59,700 രൂപ), 16GB+512GB വേരിയന്റിന് 4999 യുവാനും (ഏകദേശം 62,185 രൂപ) ആണ് വില. സ്നോ മൗണ്ടൻ പിങ്ക്, ഐസ് മെൽറ്റ് ബ്ലൂ കളറുകളിൽ സുതാര്യമായ മാറ്റ് ടെക്സ്ചറോടെയും ക്ലാസിക് ബ്ലാക്, ​വൈറ്റ് കളർ ഓപ്ഷനുകളിലും ലഭ്യമാണ്.