നവംബർ 22ന് പുറത്തിറങ്ങുന്നത് റെഡ്മി നോട്ട് 6 പ്രോ ആയിരിക്കുമോ ? കണ്ണും നട്ട് ആരാധകർ

    പ്രമുഖ ചൈനീസ് സ്മാർട്ട്ഫോൺ നിർമാതാക്കളായ ഷവോമി നവംബർ മാസം 22ന് പുതിയ മോഡലിനെ അവതരിപ്പിക്കുകയാണ്. ഇതിനായുള്ള തയ്യാറെടുപ്പുകളെല്ലാം പൂർത്തിയായിക്കഴിഞ്ഞു. മാധ്യമങ്ങൾക്കായുള്ള ക്ഷണപ്പത്രത്തിൽ 'ദ ന്യൂ നോട്ട് റൈസസ്’ എന്നാണ് കമ്പനി രേഖപ്പെടുത്തിയിരിക്കുന്നത്. ഇത് റെഡ്മി നോട്ട് 6 പ്രോയിലേക്കാണ് വിരൽ ചൂണ്ടുന്നത്. പ്രമുഖ ആഗോള ടെക്ക് മാധ്യമങ്ങൾ ഇത്തരത്തിലുള്ള സൂചന തന്നെയാണ് നൽകുന്നതും.

    നവംബർ 22ന് പുറത്തിറങ്ങുന്നത് റെഡ്മി നോട്ട് 6 പ്രോ ആയിരിക്കുമോ ? കണ്

     

    റെഡ്മി നോട്ട് 5 പ്രോയുടെ വമ്പൻ വിജയത്തിനു ശേഷമാണ് പുതിയ മോഡൽ അവതരിപ്പിക്കുന്നത്. നവംബർ 22ന് പുറത്തിറങ്ങുന്നത് നോട്ട് 6 പ്രോയാണെങ്കിൽ ഇന്ത്യൻ വിപണിയിൽ തരംഗമാകും എന്നതിൽ സംശയമില്ല. നോട്ട് 5 പ്രോ തന്നെ സവിശേഷതകളുടെ കാര്യത്തിൽ വിട്ടുവീഴ്ചയില്ലാത്ത മോഡലാണ്. അപ്പോൾ നോട്ട് 6 പ്രോ ശ്രേണിയിലെ കരുത്തനായിരിക്കും എന്നതിൽ സംശയമില്ല. നോച്ച് ഡിസ്പ്ലേയുള്ള റെഡ്മിയുടെ മോഡലുകളിലെ രണ്ടാമനായിരിക്കും നോട്ട് 6 പ്രോ.

    നോട്ട് 5 പ്രോ, നോട്ട് 6 പ്രോ തമ്മിലുള്ള വ്യത്യാസം

    ഇരു മോഡലുകളും തമ്മിൽ സവിശേഷതകളുടെ കാര്യത്തിൽ രണ്ടു വ്യത്യാസം മാത്രമേ ഉണ്ടാകൂ എന്നാണ് അറിയുന്നത്. നോട്ട് 5 പ്രോയിൽ 18:9 ആണ് ആസ്പെക്ട് റേഷ്യോയെങ്കിൽ നോട്ട് 6 പ്രോയിൽ ഉൾപ്പെടുത്തിയിരിക്കുന്നത് നോച്ച് ഡിസ്പ്ലേയാണ്. ഇരട്ട മുൻ സെൽഫി കാമറയുള്ള ഷവോമിയുടെ ഇന്ത്യയിലെ ആദ്യ മോഡൽ കൂടിയാകും നോട്ട് 6 പ്രോ. ഈ രണ്ടു സവിശേഷതകൾക്കു പുറമേ നോട്ട് 5ലുള്ള കിടിലൻ ഫീച്ചറുകൾ കൂടിയാകുമ്പോൾ ഈ മോഡൽ വിപണിയിൽ തരംഗമാകും.

    നോട്ട് 6 പ്രോ സവിശേഷതകൾ


    6.26 ഇഞ്ച് എൽ.സി.ഡി ഐ.പി.എസ് ഡിസ്പ്ലേയാണ് ഷവോമി റെഡ്മി നോട്ട് 6 പ്രോയിൽ ഉൾക്കൊള്ളിച്ചിരിക്കുന്നത്. നോച്ച് കട്ട് ഔട്ട് ഡിസ്പ്ലേയ്ക്ക് പ്രത്യേക ഭംഗി നൽകുന്നുണ്ട്. 19:9 ആയിരിക്കും ആസ്പെക്ട് റേഷ്യോ. 4ജി.ബി/6 ജി.ബി വേരിയൻറുകളിൽ ഫോൺ ലഭ്യമാകും. 64/128 ജിബിയാകും ഇൻറേണൽ മെമ്മറി കരുത്ത്. ക്വാൽകോം സ്നാപ്ഡ്രാഗൺ 636 ചിപ്പ്സെറ്റ് ഫോണിന് ലാഗ് ഫ്രീ പെർഫോമൻസ് നൽകുന്നു.

    ആകെ 4 കാമറകളാണ് നോട്ട് 6 പ്രോ മോഡലിലുള്ളത്. 12, 5 മെഗാപിക്സലുകളുടെ പിൻ കാമറയും 20, 2 മെഗാപിക്സലുകളുടെ സെൽഫി കാമറയുമാണ് ഫോണിലുള്ളത്. നോട്ട് 5 പ്രോയിനെ പോലെത്തന്നെ 4000 മില്ലി ആംപയറിൻറെ കരുത്തൻ ബാറ്ററി തന്നെയാണ് നോട്ട് 6 പ്രോയിലുമുള്ളത്. അതിവേഗ ചാർജിംഗും ബാറ്ററിയുടെ പ്രത്യേകതയാണ്. അടിസ്ഥാന മോഡലിന് 14,999 രൂപയും 6 ജി.ബി വേരിയൻറിന് 16,999 രൂപയുമാകും ഇന്ത്യയിലെ വില.

    സിം കാര്‍ഡിന്റെ വ്യാജപതിപ്പുണ്ടാക്കി തട്ടിപ്പ്; കെണിയില്‍ വീഴാതിരിക്കാന്‍ സ്വീകരിക്കേണ്ട 13 മുന്‍കരുതലുകള്‍

    Read more about:
    English summary
    Xiaomi to launch a new notch-phone on 22nd of November: Is it Xiaomi Redmi Note 6 Pro?
    X

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more