ഷവോമി എംഐ 10 ടി സ്മാർട്ഫോണിന് വിലയിളവ് നൽകി ഫ്ലിപ്കാർട്ട് ബിഗ് സേവിംഗ് ഡെയ്‌സ് സെയിൽ

ഫ്ലിപ്കാർട്ട് ബിഗ് സേവിംഗ് ഡെയ്‌സ് സെയിൽ: മി 10 ടി വില

35,999 രൂപ വില വരുന്ന 6 ജിബി റാം + 128 ജിബി എംഐ 10 ടി യുടെ സ്റ്റോറേജ് മോഡലിന് ഇപ്പോൾ 32,999 രൂപയ്ക്ക് ലഭ്യമാണ്. മറുവശത്ത്, 37,999 രൂപ വില വരുന്ന 8 ജിബി റാം + 128 ജിബി സ്റ്റോറേജ് മോഡൽ ഇപ്പോൾ 34,999 രൂപ എന്ന ഡിസ്‌കൗണ്ട് വിലയിണയിൽ നിങ്ങൾക്ക് വാങ്ങാം. കോസ്മിക് ബ്ലാക്ക്, ലൂണാർ സിൽവർ കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാണ്. കൂടാതെ, ഐസിഐസിഐ ബാങ്ക് ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിച്ച് നിങ്ങൾക്ക് മറ്റൊരു 3,000 രൂപയും തൽക്ഷണ കിഴിവ് ലഭിക്കും. ഈ വില കിഴിവ് ജനുവരി 24 വരെ ബാധകമാണ്.

ഷവോമി എംഐ 10 ടി വാങ്ങുന്നത് ഒരു നല്ല ഓപ്ഷനാണോ ?

ഡിസ്കൗണ്ട്, ബാങ്ക് ഓഫറുകൾ എന്നിവ ഉൾപ്പെടെ ഒരാൾക്ക് ഏകദേശം 30,000 രൂപ നൽകി എംഐ 10 ടി സ്വന്തമാക്കാം. മിതമായ നിരക്കിൽ, എംഐ 10 ടിയിൽ FHD + (2400 × 1080) റെസല്യൂഷനോടുകൂടിയ 6.67 ഇഞ്ച് ഡോട്ട് ഡിസ്‌പ്ലേ നിങ്ങൾക്ക് ലഭിക്കും. 144Hz അഡാപ്റ്റീവ് സിങ്ക് റിഫ്രഷ് റേറ്റും ഗോറില്ല ഗ്ലാസ് 5 സുരക്ഷയും ഇതിൽ നിങ്ങൾക്ക് ലഭിക്കും. സ്നാപ്ഡ്രാഗൺ 865 5 ജി ചിപ്സെറ്റ് പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. കൂടാതെ 33W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്.

64 എംപി പ്രൈമറി ക്യാമറ, 13 എംപി വൈഡ് ആംഗിൾ ലെൻസ്, 5 എംപി മാക്രോ ലെൻസ് എന്നിവ ഉൾപ്പെടുന്ന ട്രിപ്പിൾ ലെൻസ് സെറ്റപ്പാണ് എംഐ 10 ടിയിലുള്ളത്. സെൽഫികൾ പകർത്തുവാൻ ഈ ഹാൻഡ്‌സെറ്റിൽ 20 എംപി ക്യാമറയാണ് മുൻപിൽ നൽകിയിരിക്കുന്നത്. മാത്രമല്ല, ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ അധിഷ്ഠിതമായ എംഐയുഐ 12ലാണ് ഇത് പ്രവർത്തിപ്പിക്കുന്നത്. ഡ്യൂവൽ സിം സപ്പോർട്ട്, 5 ജി കണക്റ്റിവിറ്റി, ബ്ലൂടൂത്ത് 5.1, സൈഡ് മൗണ്ട് ചെയ്ത ഫിംഗർപ്രിന്റ് സെൻസർ എന്നിവ ഇതിലുണ്ട്.