ഷാവോമി എം.ഐ സിസി 9 പരമ്പര സ്മാർട്ട്ഫോണുകൾ അവതരിപ്പിച്ചു

| Updated: Wednesday, July 3, 2019, 10:02 [IST]

ഷാവോമിയുടെ ആദ്യ സിസി പരമ്പര സ്മാര്‍ട്ഫോണുകള്‍ ജൂലായ് രണ്ടിന് ചൈനയില്‍ അവതരിപ്പിച്ചുവെന്ന് ഷാവോമി അറിയിച്ചിരുന്നു. ഷാവോമി എം.ഐ സിസി 9 പരമ്പര സ്മാർട്ട്ഫോണുകൾ ഇന്നലെ ചൈനയിൽ രാത്രി 7:30 ന് CST (5pm IST) ന് ഒരു പരിപാടിയിൽ സമാരംഭിച്ചു. സിസി പരമ്പരയിലെ ആദ്യ ഫോണുകള്‍ക്ക് ഷാവോമി എംഐ സിസി9, എംഐ സിസി 9ഇ എന്നിങ്ങനെ ആയിരിക്കും പേരുകളെന്നാണ് റിപ്പോര്‍ട്ട്.

ഷാവോമി എം.ഐ സിസി 9 പരമ്പര സ്മാർട്ട്ഫോണുകൾ അവതരിപ്പിച്ചു

യുവാക്കളെ ലക്ഷ്യമിട്ട് പുതിയ സ്മാര്‍ട്ഫോണ്‍ പുറത്തിറക്കുന്നതായി പ്രഖ്യാപിച്ച് വെബ്സൈറ്റായ വീബോയില്‍ ഷാവോമി ഒരു പോസ്റ്റര്‍ പങ്കുവച്ചിട്ടുണ്ട്. ഓണ്‍ലൈനില്‍ പ്രചരിക്കുന്ന ചിത്രങ്ങള്‍ അനുസരിച്ച് ഫോണില്‍ ഫ്ളിപ്പ് ക്യാമറ ഉണ്ടാകുമെന്നാണ് പ്രതീക്ഷിക്കുന്നത്. എംഐ സിസി 9ഇ ഫോണില്‍ ഡോട്ട് നോച്ച് സ്‌ക്രീനും 48 മെഗാപിക്സല്‍ ക്യാമറ അടങ്ങുന്ന ട്രിപ്പിള്‍ ക്യാമറ സംവിധാനവും ആയേക്കും.

സെല്‍ഫി ക്യാമറ

ഇതില്‍ 32 എം.പി സെല്‍ഫി ക്യാമറയും ഉണ്ടാകും. 4000 എംഎഎച്ച് ബാറ്ററി ആയിരിക്കും ഫോണില്‍ എന്നാണ് വിവരം. എംഐ സിസി9 ല്‍ ക്വാല്‍കോം സ്നാപ്ഡ്രാഗണ്‍ 730 പ്രൊസസറും എംഐ സിസി 9ഇ ഫോണില്‍ ക്വാല്‍കോം സ്നാപ്ഡ്രാഗണ്‍ 710 പ്രൊസസറും ആയിരിക്കുമെന്നാണ് പ്രതീക്ഷിക്കുന്നത്. രണ്ട് ഫോണുകളിലും എട്ട് ജി.ബി റാം 256 ജി.ബി സ്റ്റോറേജ് പതിപ്പ് ഉണ്ടായേക്കും.

ക്വാല്‍കോം സ്നാപ്ഡ്രാഗണ്‍ 710

അതിവേഗ ചാര്‍ജിങ് സൗകര്യവും ഫോണിലുണ്ടാവും. ഇമേജ് എഡിറ്റിങ് സോഫ്റ്റ്വെയറായ മെയ്റ്റുവുമായി സഹകരിച്ചാണ് ഷാവോമി സിസി പരമ്പര സ്മാർട്ഫോണുകൾ അവതരിപ്പിക്കുന്നത്. റിപ്പോർട്ടുകൾ പ്രകാരം, എംഐ സിസി 9ഇ-യുടെ വില: 6 ജി.ബി റാം + 64 ജി.ബി സ്റ്റോറേജ് മോഡലിന് മി സിസി 9 ഇയുടെ ആരംഭ വില 1,599 യുവാൻ (ഇന്ത്യൻ വില ഏകദേശം 15,987 രൂപ) ആയിരിക്കും.

Mi CC9 സ്മാര്‍ട്ഫോണ്‍

ഈ സ്മാർട്ട്ഫോണിൻറെ 6 ജി.ബി റാം + 128 ജി.ബി സ്റ്റോറേജ് പതിപ്പിന് 1,899 യുവാൻ (ഇന്ത്യൻ വില ഏകദേശം 18,989 രൂപ) വില വരും 8 ജി.ബി റാമും 128 ജി.ബി സ്റ്റോറേജ് മോഡലിന് 2,199 യുവാൻ (ഇന്ത്യൻ വില ഏകദേശം 21,994 രൂപ) വിലയുള്ളതായിരിക്കും. ചില റിപ്പോർട്ടുകൾ സൂചിപ്പിക്കുന്നത് Mi CC9 ഇന്ത്യയിൽ Mi A3 ഉം Mi CC9e Mi A3 Lite ഉം ആയി അവതരിപ്പിക്കപ്പെടാമെന്നാണ്.