ഷവോമി റെഡ്മി 9 ജൂൺ 30 മുതൽ ലഭ്യമാകും: വില, സവിശേഷതകൾ

ജൂൺ 30 ന് റെഡ്മി 9 നായി ആദ്യ വിൽപ്പന നടത്താൻ ഷവോമി തയ്യാറായിക്കഴിഞ്ഞു. പോസ്റ്റർ സ്മാർട്ട്‌ഫോണിന്റെ പിൻഭാഗവും ക്വാഡ് ക്യാമറ സജ്ജീകരണവും ഫിംഗർപ്രിന്റ് സ്‌കാനറും ദൃശ്യമാക്കുന്നു. ഏറ്റവും പുതിയ സ്മാർട്ട്‌ഫോണിന്റെ പ്രാഥമിക വിവരങ്ങൾക്കൊപ്പം മുകളിലുള്ള "റെഡ്മി 9" ശീർഷകവുമായാണ് ഇത് വരുന്നത്. "ഹൈ-പെർഫോമൻസ് ഗെയിമിംഗ് കോർ", 1080p FHD ഡിസ്പ്ലേ ഈ ഫോണിൽ എടുത്തുപറയേണ്ട ഒരു സവിശേഷതയായി വരുന്നു.

ഷവോമി റെഡ്മി 9 സവിശേഷതകൾ

ഈ സ്മാർട്ഫോണിന്റെ വില ഏകദേശം 8,530 രൂപയാണെന്നും പോസ്റ്റർ വിശദീകരിച്ചു. 6.63 ഇഞ്ച് എൽസിഡി പാനൽ 19.6: 9 വീക്ഷണാനുപാതവും എച്ച്ഡി + റെസല്യൂഷനും ഈ ഫോണിൽ ഉൾപ്പെടുത്തിയിരിക്കുന്നു. റെഡ്മി 9 വിപണിയിൽ നാല് നിറങ്ങളിൽ ലഭ്യമാണ്. ഈ സ്മാർട്ഫോണിന്റെ മൂന്ന് വ്യത്യസ്ത സ്റ്റോറേജ്, റാം വേരിയന്റുകൾ കമ്പനി വിപണിയിൽ വില്പനയിക്കായി എത്തിക്കും. ബജറ്റ് ഫോണുകളിൽ ഉൾപ്പെടുത്താൻ കഴിയുന്ന ഒരു സ്മാർട്ഫോണാണ് റെഡ്മി 9. നാനോ ഡ്യുവൽ സിമ്മുള്ള റെഡ്മി 9-ന് വാട്ടർ-ഡ്രോപ്പ് സ്റ്റൈലിലുള്ള 6.53-ഇഞ്ച് ഫുൾ-HD+ (1080x2400 പിക്സൽ) ഡിസ്പ്ലേയാണ്.

19.5:9 ആസ്പെക്ട് റേഷ്യോ, 394 പിപിഐ പിക്സൽ ഡെൻസിറ്റി, 400 നിറ്റ്സ് ബ്രൈറ്റ്നെസ്സ് എന്നിങ്ങനെ പോകുന്നു ഡിസ്‌പ്ലേയുടെ സ്പെസിഫിക്കേഷനുകൾ. മാത്രമല്ല ഡിസ്‌പ്ലെക്ക് കോർണിങ് ഗൊറില്ല ഗ്ലാസ് 3 സുരക്ഷയുമുണ്ട്. ആൻഡ്രോയിഡ് 10 അടിസ്ഥാനമായ MIUI 11-ലാണ് റെഡ്മി 9 പ്രവർത്തിക്കുന്നത്. 4 ജിബി റാമിനോടും മാലി-G52 GPU-നോടും പെയർ ചെയ്തിട്ടുള്ള 2GHz മീഡിയടെക് ഹീലിയോ G80 ഒക്ട-കോർ പ്രോസസ്സർ ഇതിൽ വരുന്നു, ഇതുതന്നെയാണ് ഈ സ്മാർട്ട്ഫോണിന് കരുത്ത് പകരുന്നത്.

ഇന്റെർണൽ സ്റ്റോറേജ് 64 ജിബി വരെയാണെങ്കിലും ഒരു മൈക്രോഎസ്ഡി കാർഡിന്റെ സഹായത്തോടെ 512 ജിബി വരെ സ്റ്റോറേജ് വർദ്ധിപ്പിക്കാൻ കഴിയും. ക്വാഡ് കാമറ സെറ്റപ്പ് ആണ് ഷവോമി റെഡ്മി 9 ഹാൻഡ്സെറ്റിന്റെ വേറൊരു സവിശേഷത. 13-മെഗാപിക്സലുള്ള പ്രധാന കാമറ (f/2.2 അപർച്ചർ), 8-മെഗാപിക്സലുള്ള അൾട്രാ-വൈഡ് കാമറ (f/2.2 അപർച്ചർ), 118 ഡിഗ്രി ഫീൽഡ് ഓഫ് വ്യൂ എന്നിവ അടങ്ങുന്നതാണ് പിൻ കാമറ സംവിധാനം. ഇത് കൂടാതെ 5-മെഗാപിക്സൽ മാക്രോ ഷൂട്ടർ, 2-മെഗാപിക്സൽ ഡെപ്ത് സെൻസറും ക്വാഡ് കാമറ സജ്ജീകരണത്തിൽ വരുന്നു. വീഡിയോ കോളിങിനും, സെൽഫികൾക്കുമായി 8-മെഗാപിക്സൽ ക്യാമെറായാണ് മുൻഭാഗത്ത് സജ്ജീകരിച്ചിരിക്കുന്നു.

18W ക്വിക്ക് ചാർജ് 3.0 ഫാസ്റ്റ് ചാർജിങ് സപ്പോർട്ടുള്ള 5,020mAh ബാറ്ററിയാണ് റെഡ്മി 9-ന്. 4G വോൾട്ടെ, വൈ-ഫൈ 802.11ac, ബ്ലൂടൂത്ത് v5, ജിപിഎസ്/ A-GPS, വൈഫൈ-ഡയറക്റ്റ്, USB ടൈപ്പ്-സി, 3.5mm ഹെഡ്‍ഫോൺ ജാക്ക് എന്നീ കണക്ടിവിറ്റി സൗകര്യങ്ങളും ഹാൻഡ്‌സെറ്റിലുണ്ട്. ആർട്ടിഫിഷ്യൽ ഇന്റലിജൻസ് അടിസ്ഥനമാക്കിയ ഫേസ് അൺലോക്കും, ഫിംഗർപ്രിന്റ് സെൻസറും റെഡ്മി 9-ൽ ഷവോമിയിൽ നിങ്ങൾക്ക് ലഭിക്കും. സ്മാർട്ട്‌ഫോൺ ചൈനയിൽ വിൽപ്പനയ്‌ക്കെത്തും. ഇന്ത്യൻ വിപണിയിൽ ഈ സ്മാർട്ഫോൺ ലോഞ്ച് ചെയ്യുന്ന തീയതിയോ ലഭ്യത വിശദാംശങ്ങളോ കമ്പനി വ്യക്തമാക്കിയിട്ടില്ല.