ഷവോമി റെഡ്മി 9 എ 6 ജിബി റാം വേരിയൻറ് പ്രഖ്യാപിച്ചു: വില, സവിശേഷതകൾ

റെഡ്മി 9 എ 6 ജിബി റാം + 128 ജിബി സ്റ്റോറേജ് വേരിയൻറ്: വില, ലഭ്യത

പുതിയ റെഡ്മി 9 എ കോൺഫിഗറേഷൻ പ്രഖ്യാപിക്കുന്നതിനായി ഷവോമി റെഡ്മിയുടെ വെയ്‌ബോ അക്കൗണ്ട് അടുത്തിടെ സന്ദർശിച്ചിരുന്നു. 6 ജിബി + 128 ജിബി സ്റ്റോറേജ് വേരിയന്റിന് സി‌എൻ‌വൈ 999 (ഏകദേശം 10,900 രൂപ) വില വരുന്നു. നാളെ രാവിലെ 10 മണി മുതൽ എംഐ.കോം വഴി ചൈനയിൽ വിൽപ്പനയ്‌ക്കെത്തും. ക്ലിയർ സ്കൈ ബ്ലൂ, ലേക്ക് ഗ്രീൻ, സാൻഡ് ബ്ലാക്ക് തുടങ്ങിയ കളർ ഓപ്ഷനുകളിൽ ഇത് വിപണിയിൽ വരുന്നു. ഇന്ത്യയിൽ റെഡ്മി 9 എ 2 ജിബി റാം + 32 ജിബി സ്റ്റോറേജിലും 3 ജിബി റാം + 32 ജിബി സ്റ്റോറേജ് വേരിയന്റുകളിലും ലഭ്യമാണ്.

റെഡ്മി 9 എ: സവിശേഷതകൾ

ഡ്യുവൽ നാനോ സിം വരുന്ന റെഡ്മി 9 എയിൽ 20:9 ആസ്പെക്ട് റേഷ്യോയുള്ള 6.53 ഇഞ്ച് എച്ച്ഡി+ (720x1,600 പിക്‌സൽ) ഡോട്ട് ഡ്രോപ്പ് സ്റ്റൈൽ എൽസിഡി ഡിസ്‌പ്ലേയാണ് വരുന്നത്. ആൻഡ്രോയിഡ് 10 അടിസ്ഥാനമാക്കിയുള്ള എം‌ഐ‌യു‌ഐ 12 ഈ ഹാൻഡ്‌സെറ്റ് പ്രവർത്തിക്കുന്നു. 3 ജിബി വരെ റാമിനൊപ്പം ഒക്ടാകോർ മീഡിയടെക് ഹെലിയോ ജി 25 SoC പ്രോസസറാണ് റെഡ്മി 9 എയുടെ കരുത്ത്.

റെഡ്മി 9 എയിൽ 12 മെഗാപിക്സലിന്റെ പിൻ ഷൂട്ടർ എഫ് / 2.2 അപ്പർച്ചർ ഉണ്ട്. മുൻവശത്ത്, എഫ് / 2.2 അപ്പേർച്ചറുള്ള 5 മെഗാപിക്സൽ ഷൂട്ടറും വരുന്നു. ഇത് വാട്ടർ ഡ്രോപ്പ്-സ്റ്റൈൽ നോച്ചിനുള്ളിൽ സ്ഥാപിച്ചിരിക്കുന്നു. ഫോണിന് ചുറ്റും താരതമ്യേന കട്ടിയുള്ള ബെസലുകളാണ് വരുന്നത്. 10W ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററിയാണ് റെഡ്മി 9യ്ക്ക് കമ്പനി നൽകിയിരിക്കുന്നത്.

4G വോൾട്ടേ, വൈ-ഫൈ 802.11 802.11 ബി/ജി/എൻ, ബ്ലൂടൂത്ത് 5, ജിപിഎസ്, യുഎസ്ബി ടൈപ്പ്-സി എന്നിവയാണ് കണക്ടിവിറ്റി ഓപ്ഷനുകളിൽ വരുന്നത്. ആർട്ടിഫിഷ്യൽ ഇന്റലിജൻസ് സപ്പോർട്ട് വരുന്ന ഫെയ്‌സ് ലോക്കാണ് ഈ ഡിവൈസിന്റെ മറ്റൊരു സവിശേഷത. പി2ഐ കോട്ടിംഗുമായി വരുന്ന ഈ ഹാൻഡ്‌സെറ്റിന് 194 ഗ്രാം ഭാരം വരുന്നു.