ഷവോമി റെഡ്മി 9 എ ഇന്ന് ഉച്ചയ്ക്ക് 12 മണിക്ക് ഇന്ത്യയിൽ അവതരിപ്പിക്കും: ലൈവ്സ്ട്രീം കാണാം

റെഡ്മി 9 എ ലോഞ്ച് ഇന്ത്യയിൽ: തത്സമയ സ്ട്രീം വിശദാംശങ്ങൾ

യൂട്യൂബിൽ തത്സമയം സംപ്രേഷണം ചെയ്യുന്ന ഒരു വെർച്വൽ ഇവന്റിലൂടെ റെഡ്മി 9 എ ലോഞ്ച് ഉച്ചയ്ക്ക് 12 മണിക്ക് ആരംഭിക്കും. ചുവടെ നൽകിയിരിക്കുന്ന വീഡിയോയിൽ നിന്ന് നിങ്ങൾക്ക് ഇവന്റ് തത്സമയം കാണാനും കഴിയും. കൂടാതെ, റെഡ്മി 9 എയെക്കുറിച്ചുള്ള വിശദാംശങ്ങൾ‌ കൂടുതൽ ഇവിടെ നിങ്ങൾക്ക് പരിശോധിക്കാവുന്നതാണ്.

ഇന്ത്യയിൽ റെഡ്മി 9 എ: വില

ഇന്ത്യയിൽ റെഡ്മി 9 എയുടെ വില മലേഷ്യയിൽ പ്രഖ്യാപിച്ചതിന് അനുസൃതമായിരിക്കാം. ലോഞ്ച് ചെയ്ത 2 ജിബി + 32 ജിബി സ്റ്റോറേജ് വേരിയന്റിന് എംവൈആർ 359 ൽ (ഏകദേശം 6,300 രൂപ) വില വരുന്നു. റെഡ്മി 9 എയുടെ ഇന്ത്യയിൽ 4 ജിബി + 64 ജിബി, 4 ജിബി + 128 ജിബി വേരിയന്റുകളിൽ വരാമെന്ന് അടുത്തിടെ ഒരു റിപ്പോർട്ട് പറഞ്ഞിരുന്നു. നേച്ചർ ഗ്രീൻ, സീ ബ്ലൂ, മിഡ്‌നൈറ്റ് ബ്ലാക്ക് തുടങ്ങിയ കളർ ഓപ്ഷനുകളിൽ ഈ സ്മാർട്ഫോൺ വിൽപനയ്ക്ക് എത്തും.

റെഡ്മി 9 എ: സവിശേഷതകൾ

6.53 ഇഞ്ച് എച്ച്ഡി + (720x1,600 പിക്‌സൽ) വാട്ടർ ഡ്രോപ്പ്-സ്റ്റൈൽ ഡിസ്‌പ്ലേയും 20: 9 ആസ്പെക്റ്റ് റേഷിയോയിൽ മലേഷ്യയിൽ അവതരിപ്പിച്ച മോഡലിന് തുല്യമാണ് ഇന്ത്യയിൽ അവതരിപ്പിക്കുന്ന റെഡ്മി 9 എ ഹാൻഡ്‌സെറ്റിന്. ഈ സ്മാർട്ട്ഫോണിന് ഒക്ടാകോർ മീഡിയടെക് ഹെലിയോ ജി 25 SoC പ്രോസസറാണ് ലഭിക്കുന്നത്. ഇന്ത്യൻ മോഡലിന് 4 ജിബി റാം സ്റ്റാൻഡേർഡ് ഓപ്ഷനായി നൽകാമെങ്കിലും മലേഷ്യൻ വേരിയന്റിന് 2 ജിബി റാമാണ് വരുന്നത്. ആൻഡ്രോയിഡ് 10 ഔട്ട്-ഓഫ്-ബോക്സ് ഓപ്പറേറ്റിംഗ് സിസ്റ്റത്തിൽ വരുന്ന ഈ സ്മാർട്ഫോൺ സ്മാർട്ട്‌ഫോൺ എംഐയുഐ12 ലും പ്രവർത്തിക്കാൻ സാധ്യതയുണ്ട്.

സ്മാർട്ഫോണിന്റെ പുറകിലായി ഒരു എഫ് / 2.2 ലെൻസ് വരുന്ന 13 മെഗാപിക്സൽ ക്യാമറ സെൻസറുമായി റെഡ്മി 9 എ വരുന്നു. മുൻവശത്ത് 5 മെഗാപിക്സൽ സെൽഫി ക്യാമറ സെൻസറും എഫ് / 2.2 ലെൻസും ഉണ്ട്. കൂടാതെ, 10W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് ഈ സ്മാർട്ഫോണിന് നൽകിയിരിക്കുന്നത്. 32 ജിബി ഇന്റേണൽ സ്റ്റോറേജ് വരുന്ന ഇന്ത്യൻ വേരിയന്റിന് 128 ജിബി വരെ ബിൽറ്റ്-ഇൻ സ്റ്റോറേജ് ലഭിക്കുന്നു. നിങ്ങൾക്ക് റെഡ്മി 9 എ ലൈവ് സ്ട്രീം കണ്ട് കൂടുതൽ വിശദാംശങ്ങൾ അറിയാവുന്നതാണ്.