വമ്പിച്ച വിലക്കിഴിവില്‍ ഷവോമി റെഡ്മി നോട്ട് 5 പ്രോ, മീ എ2 എന്നിവ എങ്ങനെ നേടാം?

റെഡ്മി നോട്ട് 5 പ്രോ, മീ എ2 ഫോണുകളുടെ ഓഫറുകള്‍

ഇപ്പോള്‍ HDFC ക്രഡിറ്റ്/ ഡെബിറ്റ് കാര്‍ഡ് ഉപയോഗിച്ച് ഷവോമി റെഡ്മി നോട്ട് 5 പ്രോ, മീ എ2 എന്നീ ഫോണുകള്‍ വാങ്ങുന്നവര്‍ക്ക് 10 ശതമാനം ഡിസ്‌ക്കൗണ്ട് കമ്പനി നല്‍കുന്നു. അതായത് ഏകദേശം 1500 രൂപ. ഇതു കൂടാതെ HDFC ക്രഡിറ്റ്/ ഡെബിറ്റ് കാര്‍ഡ് ഉപയോഗിച്ച് ഇഎംഐ ഇടപാടുകള്‍ നടത്തിയാലും ഈ ഓഫര്‍ ബാധകമാണ്. ഫോണുകള്‍ വാങ്ങുമ്പോള്‍ 24 മാസത്തെ ഇഎംഐ നിങ്ങള്‍ക്കു തിരഞ്ഞെടുക്കാം.

രണ്ടു ഫോണുകള്‍ക്കും ഡിസ്‌ക്കൗണ്ടുകള്‍ ബാധകമാണ്. റെഡ്മി നോട്ട് 5 പ്രോയുടെ 4ജിബി റാം വേരിയന്റിന് 14,945 രൂപയാണ്. അതേ സമയം 6ജിബി വേരിയന്റിന് 17,499 രൂപയും. ഡിസ്‌ക്കൗണ്ടുകള്‍ കഴിഞ്ഞ് ഈ ഫോണുകള്‍ നിങ്ങള്‍ക്ക് 13,450 രൂപയ്ക്കും 15,999 രൂപയ്ക്കു ലഭിക്കുന്നതാണ്.

ഷവോമി മീ എ2 17,499 രൂപയ്ക്കാണ് വിപണിയിലെത്തിയത്. ഡിസ്‌ക്കൗണ്ടിനു ശേഷം ഈ ഫോണ്‍ നിങ്ങള്‍ക്ക് 15,999 രൂപയ്ക്കു ലഭിക്കുന്നു. ഈ ഓഫറുകളുടെ അവസാന തീയതി സെപ്തംബര്‍ 14 ആണ്. അതിനാല്‍ സമയം പാഴാക്കാതെ ഫോണുകള്‍ വേഗം തന്നെ വാങ്ങുക.

റെഡ്മി നോട്ട് 5 പ്രോ സവിശേഷതകള്‍

ഷവോമി റെഡ്മി നോട്ട് 5 പ്രോയ്ക്ക് 18:9 അനുപാദത്തിലുളള 5.99 ഇഞ്ച് ഫുള്‍ എച്ച്ഡി പ്ലസ് ഡിസ്‌പ്ലേയാണ്. ക്വല്‍കോം സ്‌നാപ്ഡ്രാഗണ്‍ 630 പ്രോസസറില്‍ പ്രവര്‍ത്തിക്കുന്ന ഈ ഫോണിന് 4ജിബി, 6ജിബി റാം 64ജിബി ഇന്റേര്‍ണല്‍ സ്‌റ്റോറേജ് എന്നിവയാണ്. കൂടാതെ മൈക്രോ എസ്ഡി കാര്‍ഡ് ഉപയോഗിച്ച് 128ജിബി വരെ മെമ്മറി വര്‍ദ്ധിപ്പിക്കാനും സാധിക്കും.

എല്‍ഇഡി ഫ്‌ളാഷോടു കൂടിയ 12എംപി/ 5എംപി ഡ്യുവല്‍ ക്യാമറയും 20എംപി സെല്‍ഫി ക്യാമറയുമാണ് ഫോണിന്റെ ക്യാമറ സവിശേഷതകള്‍.

ഷവോമി മീ എ2 സവിശേഷതകള്‍

ഷവോമി മീ എ2 ന് 18:9 അനുപാദത്തില്‍ 5.99 ഇഞ്ച് ഫുള്‍ എച്ച്ഡി പ്ലസ് ഡിസ്‌പ്ലേയാണ്. ക്വല്‍കോം സ്‌നാപ്ഡ്രാഗണ്‍ 660 പ്രോസസറില്‍ പ്രവര്‍ത്തിക്കുന്ന ഈ ഫോണിന് 4ജിബി റാം, 64ജിബി ഇന്റേര്‍ണല്‍ സ്‌റ്റോറേജാണ്.

ക്യാമറയെ കുറിച്ചു പറയുകയാണെങ്കില്‍ 12എംപി, 20എംപി ഡ്യുവല്‍ റിയര്‍ ക്യാമറയാണ്. മുന്നില്‍ 20എംപി സെല്‍ഫി ക്യാമറയും. ക്വിക്ക് ചാര്‍ജ്ജ് 4.0 പിന്തുണയുളള 3000എംഎഎച്ച് ബാറ്ററിയാണ് ഫോണില്‍ ഉള്‍പ്പെടുത്തിയിരിക്കുന്നത്.