അപ്ഡേറ്റഡ് ക്യാമറയും യു.ഐയുമായി റെഡ്മി നോട്ട് 6 പ്രോ; എന്നാൽ പ്രതീക്ഷിച്ച നിലവാരം പുലർത്തുമോ ?

നോച്ച് ഡിസ്പ്ലേ

ഹോണർ 8 എക്സിൻറെ വരവു തന്നെയാണ് ഷവോമിയെ നോട്ട് 6 പ്രോ വിപണിയിലെത്തിക്കാൻ പ്രേരിപ്പിച്ചത്. കാരണം 8 എക്സിൽ നോച്ച് ഡിസ്പ്ലേയാണ്. നോട്ട് 5 പ്രോയിൽ അതില്ലാത്തതിനാൽ 8 എക്സിന് ആവശ്യക്കാരേറും എന്നതു തന്നെ. നോച്ചിനോടൊപ്പം ഇരട്ട മുൻ ക്യാമറ കൂടിയായപ്പോൾ ഹുവാവേ ഹോണർ 8 എക്സിനോട് കിടപിടിക്കാനുള്ള കരുത്ത് നേടിയെന്നു സാരം.

നോച്ചുള്ള ആദ്യ റെഡ്മി സ്മാർട്ട്ഫോൺ

ഡിസ്പ്ലേ നോച്ചുമായി പുറത്തിറങ്ങുന്ന ആദ്യ റെഡ്മി സ്മാർട്ട്ഫോൺ എന്ന ഖ്യാദിയും നോട്ട് 6 പ്രോ സ്വന്തമാക്കിയിരിക്കുകയാണ്. 6.26 ഇഞ്ച് എൽ.സി.ഡി ഐ.പി.എസ് ഡിസ്പ്ലേയാണ് നോട്ട് 6 പ്രോയിലുള്ളത്. 1080X2280 പിക്സൽസാണ് റെസലൂഷൻ. 403ppi യാണ് റെസലൂഷൻ കരുത്ത് എന്നതിനാൽ ഫോട്ടോയും വീഡിയോയും ക്രിസ്പും ക്ലീയറുമായിരിക്കും. ഐ.പി.എസ് എൽ.സി.ഡിയിലെ കളർ റീപ്രൊഡക്ഷനും അത്യുഗ്രനാണ്.

വലിയ ഐ.പിഎസ് എൽ.സിഡി സ്ക്രീൻ

വലിയ വിവിഡ് ഐ.പിഎസ് എൽ.സിഡി സ്ക്രീനാണ് നോട്ട് 6 പ്രോയിലുള്ളത്. മികച്ച മൾട്ടീമിഡിയ എക്സ്പീരയൻസ് ഇതിലൂടെ ലഭിക്കുന്നു. വീഡിയോകൾ കാണാനും ക്വാളിറ്റിയുള്ള ഫോട്ടോകൾ പകർത്താനും ഈ ഡിസ്പ്ലേ നിങ്ങളെ സഹായക്കുന്നു. ഡിസ്പ്ലേയുടെ സുരക്ഷയ്ക്കായി കോർണിംഗ് ഗൊറില്ല ഗ്ലാസ് ഉപയോഗിച്ചിരിക്കുന്നു. നോട്ട് 6 പ്രോയുടെ ഡിസ്പ്ലേ ക്വാളിറ്റി നിങ്ങളെയൊരിക്കലും നിരാശരാക്കില്ല എന്നുറപ്പ്.

റെഡ്മി ഫോണിലെ ആദ്യ ഇരട്ട മുൻ ക്യാമറ 6 പ്രോയിൽ

നിരവധി മോഡലുകൾ റെഡ്മിയുടെതായി വിപണിയിലുണ്ടെങ്കിലും ഇരട്ട മുൻ കാമറയുള്ള ആദ്യ മോഡലാണ് നോട്ട് 6 പ്രോ. 20, 2 മെഗിപ്ക്സലിൻറേതാണ് മുന്നിലെ രണ്ടു ക്യാമറകളും. ക്യാമറ ക്വാറ്റിയെ കൂടാതെ ചിത്രങ്ങൾ സുതാര്യമായി എഡിറ്റ് ചെയ്ത് ചിത്രമെടുക്കാനുള്ള സൌകര്യവുമുണ്ട്.ബ്രോക്കൺ എഫക്റ്റ്സ് എന്ന ഫീച്ചർ മികച്ചതാണ്.

കുറവുകൾ

നോട്ട് 5 പ്രോയിനെക്കാൾ വിരലിൽ എണ്ണാവുന്ന അപ്ഡേറ്റു മാത്രം നോട്ട് 6 പ്രോയിൽ ഉൾക്കൊള്ളിച്ചുവെന്നത് കുറവാണ്. നോട്ട് 4 പ്രോയിനെ അപേക്ഷിച്ച് മാരക ഫീച്ചറുകളുമായി നോട്ട് 5 പ്രോയെത്തിയപ്പോൾ ആരാധകർ രണ്ടു കൈയ്യും നീട്ടി സ്വീകരിച്ചു. എന്നാൽ നോട്ട് 6 ൻറെ കാര്യത്തിൽ എങ്ങിനെയെന്ന് കണ്ടിരുന്നു കാണാം.