കുറച്ച് കളർ ആക്കാം എന്ന് വിചാരിച്ചു! ഷവോമി 14 സിവി പുതിയ പാണ്ട കളർ ഓപ്‌ഷനിൽ വരുന്നു

ഇന്ത്യയിലെ ഏറ്റവും പുതിയ ഫ്ലാഗ്ഷിപ്പ് കില്ലറിന് വേണ്ടി പുതിയ കളർ ഓപ്ഷനുകൾ അവതരിപ്പിക്കാൻ ഷവോമി ഒരുങ്ങുകയാണ്. ഷാഡോ ബ്ലാക്ക്, മാച്ച ഗ്രീൻ, ക്രൂയിസ് ബ്ലൂ എന്നീ കളർ ഓപ്ഷനുകളിലാണ് ഷവോമി 14 സിവി ആദ്യം ഓഫർ ചെയ്യുന്നത്. കൂടാതെ, കോന ലെതറും ഗ്ലാസും സംയോജിപ്പിച്ച് ചൈനയിൽ മൂന്ന് പരിമിതമായ കസ്റ്റം നിറത്തിലും (വെള്ള, പിങ്ക്, നീല) ഹാൻഡ്‌സെറ്റ് പുറത്തിറക്കി. ഇപ്പോൾ, ആ കസ്റ്റം കളർ ഓപ്ഷനുകൾ ഇന്ത്യയിലേക്ക് വരുന്നു. "ലിമിറ്റഡ് എഡിഷൻ പാണ്ട ഡിസൈൻ" എന്നാണ് ഷവോമി ഇതിനെ വിളിക്കുന്നത്.

ഷവോമി 14 സിവി പുതിയ പാണ്ട ഡിസൈനെ കുറിച്ച്: ഷവോമി 14 സിവി ലിമിറ്റഡ് എഡിഷൻ, 'പാണ്ട ഡിസൈൻ' ജൂലൈ 29ന് ഇന്ത്യയിൽ ലോഞ്ച് ചെയ്യും. പുതിയ വേരിയൻ്റുകൾക്ക് പിന്നിൽ രണ്ട് വ്യത്യസ്ത മെറ്റീരിയലുകൾ ഉണ്ടെന്ന് മാത്രമല്ല, കറുപ്പ്, പിങ്ക്, നീല, വെള്ള എന്നിവ ചേർത്ത് ഡ്യുവൽ-ടോൺ ഫിനിഷും അവ അവതരിപ്പിക്കുന്നു.

പുതിയ നിറങ്ങളുടെ ആമുഖം യുവ തലമുറയ്ക്ക് വേണ്ടിയുള്ള ഒരു സ്മാർട്ട്‌ഫോൺ എന്ന നിലയിൽ ഷവോമി 14 സിവിയുടെ ബ്രാൻഡിംഗ് ആണെന്ന് ആണ് സൂചിപ്പിക്കുന്നത്. ഷവോമി 14 സിവി ഈ സെഗ്‌മെൻ്റിലെ ഏറ്റവും മികച്ച സ്‌മാർട്ട്‌ഫോണുകളിൽ ഒന്നാണ്. മികച്ച ഡിസൈൻ, കരുത്തുറ്റ ബിൽഡ്, ചടുലമായ ഡിസ്‌പ്ലേ, വലിപ്പം ഉള്ള ബാറ്ററി, ശക്തമായ പ്രകടനം, വൈവിധ്യമാർന്ന ലെയ്‌ക ക്യാമറകൾ എന്നിവ ഈ ഫോണിൽ വാഗ്ദാനം ചെയ്യുന്നു.

ഷവോമി 14 സിവി സ്പെസിഫിക്കേഷനുകൾ, വില: സ്നാപ്ഡ്രാഗൺ 8s Gen 3 SoC നൽകുന്ന ഷവോമി 14 സിവി, 12 ജിബി വരെ LPDDR5X റാമും 512 ജിബി UFS 4.0 സ്റ്റോറേജും വാഗ്ദാനം ചെയ്യുന്നു. ഗൊറില്ല ഗ്ലാസ് Victus 2, 120Hz റിഫ്രഷ് റേറ്റ്, ഡോൾബി വിഷൻ, HDR10+, 3,000 nits-ൻ്റെ പീക്ക് ബ്രൈറ്റ്നസ്സ് എന്നിവയ്‌ക്ക് ഒപ്പം 6.55 ഇഞ്ച് ക്വാഡ് കർവ്ഡ് അമോലെഡ് ഡിസ്‌പ്ലേയാണ് ഇതിൻ്റെ സവിശേഷതകൾ.

67W ഫാസ്റ്റ് ചാർജിംഗുള്ള 4,700 mAh ബാറ്ററി, ഡോൾബി അറ്റ്‌മോസുള്ള ഡ്യുവൽ സ്റ്റീരിയോ സ്പീക്കറുകൾ, ഇൻ-ഡിസ്‌പ്ലേ ഫിംഗർപ്രിൻ്റ് റീഡർ എന്നിവ ഈ ഫോണിൽ ഉണ്ട്. ആൻഡ്രോയിഡ് 14 അടിസ്ഥാനമാക്കി ഉള്ള ഹൈപ്പർ ഒഎസ് പ്രവർത്തിപ്പിക്കുന്ന ഇത് വൈഫൈ 6, ബ്ലൂടൂത്ത് 5.4, 5 ജി എന്നിവയും മറ്റും പിന്തുണയ്ക്കുന്നു.

ലെയ്കയുമായി സഹകരിച്ച് വികസിപ്പിച്ച റിയർ ക്യാമറ സജ്ജീകരണത്തിൽ 50 എംപി മെയിൻ സെൻസർ, 50 എംപി പോർട്രെയ്റ്റ് ലെൻസ്, 12 എംപി അൾട്രാ വൈഡ് ലെൻസ് എന്നിവ ഉൾപ്പെടുന്നു. ഫ്രണ്ടിൽ ഡ്യുവൽ 32 എംപി ക്യാമറകളാണ് ഉള്ളത്. ഉപകരണത്തിന് പിന്നിൽ 60fps വേഗതയിലും മുൻവശത്ത് 30fps ലും 4K വീഡിയോ റെക്കോർഡ് ചെയ്യാനാകും.

ഷവോമി 14 സിവിയുടെ ഇന്ത്യയിലെ അടിസ്ഥാന 8 ജിബി / 256 ജിബി മോഡലിന് 42,999 രൂപ ആണ് വില. കൂടാതെ, 12 ജിബി / 512 ജിബി കോൺഫിഗറേഷനിലും ഹാൻഡ്‌സെറ്റ് വാഗ്ദാനം ചെയ്യുന്നതിനാൽ ഈ വേരിയന്റ് നിങ്ങൾക്ക് 47,999 രൂപ വിലയിൽ ലഭിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.