സോളൊ Q2000 14,296 രൂപയ്ക്ക് ഓണ്‍ലൈന്‍ സ്‌റ്റോറില്‍; പ്രധാന എതിരാളികള്‍

സോളൊയുടെ ഏറ്റവും പുതിയ സ്മാര്‍ട്‌ഫോണായ Q2000 ഓണ്‍ലൈന്‍ സ്‌റ്റോറുകളില്‍ വില്‍പനയ്‌ക്കെത്തി. 14,269 രൂപയാണ് വിലയിട്ടിരിക്കുന്നത്. അടുത്തിടെ ഇടത്തരം ശ്രേണിയില്‍ പെട്ട സോളൊ Q800, സോളൊ A500L എന്നീ ഫോണുകള്‍ അവതരിപ്പിച്ചതിനു പിന്നാലെയാണ് Q2000 വിപണിയിലെത്തിച്ചിരിക്കുന്നത്.

ഫോണിന്റെ പ്രത്യേകതകള്‍ നോക്കാം

1280-720 പിക്‌സല്‍ റെസല്യൂഷനോടു കൂടിയ 5.5 ഇഞ്ച് IPS HD ഡിസ്‌പ്ലെ, 1.2 GHz ക്വാഡ്‌കോര്‍ മീഡിയ ടെക് MT6589W പ്രൊസസര്‍, 1 ജി.ബി.റാം, ആന്‍ഡ്രോയ്ഡ് 4.2 ജെല്ലിബീന്‍ ഒ.എസ്. എന്നിവയാണ് ഫോണിലുള്ളത്.

BSI സെന്‍സറോടു കൂടിയ 13 എം.പി. ഓട്ടോഫോക്കസ് പ്രൈമറി ക്യാമറ 1080 പിക്‌സല്‍ ഫുള്‍ HD റെക്കോഡിംഗ് സാധ്യമാക്കും. 2 എം.പി. ഫ്രണ്ട് ക്യാമറയും ഫോണിനുണ്ട്. 8 ജി.ബി. ഇന്റേണല്‍ മെമ്മറി മൈക്രോ എസ്.ഡി. കാര്‍ഡ് ഉപയോഗിച്ച് 32 ജി.ബി. വരെ വികസിപ്പിക്കാം.

സ്മാര്‍ട്‌ഫോണ്‍ ഗാലറിക്കായി ഇവിടെ ക്ലിക് ചെയ്യുക

ഡ്യുവല്‍ സിം സപ്പോര്‍ട് ചെയ്യുന്ന ഫോണില്‍ 3G, വൈ-ഫൈ, ബ്ലുടൂത്ത്, ജി.പി.എസ്., യു.എസ്.ബി തുടങ്ങിയ സംവിധാനങ്ങളുമുണ്ട്. യു.എസ്.ബി. ഒ.ടി.ജി. കേബിളും ആന്റി സ്ലിപ് ഫ് ളിപ് കവറും സഹിതമാണ് ഫോണ്‍ ലഭിക്കുക.

സ്‌പൈസ് പിനാക്കിള്‍ സ്‌റ്റൈലസ് Mi-550, കാര്‍ബണ്‍ ടൈറ്റാനിയം S9, മൈക്രോമാക്‌സ് കാന്‍വാസ് ഡൂഡില്‍ 2, ഐബാള്‍ ക്വാഡ്രോ ആന്‍ഡി 5h, മൈക്രോമാക്‌സ് കാന്‍വാസ് 4 എന്നിവയാണ് സോളൊ Q2000-ത്തിന് കടുത്ത വെല്ലുവിളി ഉയര്‍ത്തുക. ഈ ഫോണുകള്‍ളെല്ലാം ഏകദേശം ഒരേ വിലയില്‍ വരുന്നതും സമാനമായ ഗുണങ്ങളുള്ളതുമാണ്. അതുെകാണ്ടുതന്നെ സോളൊ Q2000-ത്തിന് വെല്ലുവിളി ഉയര്‍ത്തുന്ന ഫോണുകളുടെ പ്രത്യേകതകള്‍ നോക്കാം.

ഗാഡ്ജറ്റ് ഫൈന്‍ഡറിനായി ഇവിടെ ക്ലിക് ചെയ്യുക