8 എം.പി. ക്യാമറയുള്ള സോളൊ Q700S സ്മാര്‍ട്‌ഫോണ്‍ ലോഞ്ച് ചെയ്തു; വില 9,999 രൂപ

ഇന്ത്യന്‍ സ്മാര്‍ട്‌ഫോണ്‍ നിര്‍മാതാക്കളായ സോളൊ പുതിയ സ്മാര്‍ട്‌ഫോണ്‍ ലോഞ്ച് ചെയ്തു. സോളൊ Q700S എന്നു പേരിട്ടിരിക്കുന്ന ഫോണിന് 9,999 രൂപയാണ് വില. മെറ്റാലിക് ഫിനിഷിംഗോടു കൂടിയ സ്മാര്‍ട്‌ഫോണ്‍ രൂപകല്‍പനയില്‍ വ്യത്യസ്തത പുലര്‍ത്തുന്നുണ്ട്. ഭാരവും കുറവാണ്.

തരക്കേടില്ലാത്ത ഹാര്‍ഡ്‌വെയറും സോഫ്റ്റ്‌വെയറുമുള്ള ഫോണില്‍ 8 എം.പി. ക്യാമറയും 4 ജി.ബി. ഇന്റേണല്‍ മെമ്മറിയുമുണ്ട്. ആഭ്യന്തര സ്മാര്‍ട്‌ഫോണ്‍ നിര്‍മാതാക്കള്‍ക്കിടയില്‍ ശക്തമായ മത്സരത്തിന് പ്രാപ്തമായ ഫോണാണ് ഇത്.

സോളൊ Q700S-ന്റെ പ്രത്യേകതകള്‍

480-854 പിക്‌സല്‍ റെസല്യൂഷനോടു കൂടിയ 4.5 ഇഞ്ച് സ്‌ക്രീന്‍, 1.3 GHz ക്വാഡ്‌കോര്‍ പ്രൊസസര്‍, ആന്‍ഡ്രോയ്ഡ് 4.2 ജെല്ലിബീന്‍ ഒ.എസ്., 1 ജി.ബി. റാം, 4 ജി.ബി. ഇന്റേണല്‍ മെമ്മറി, 32 ജി.ബി. വരെ മെമ്മറി വികസിപ്പിക്കാവുന്ന മൈക്രോ എസ്.ഡി. കാര്‍ഡ് സ്ലോട്, 8 എം.പി. പ്രൈമറി ക്യാമറ, VGA ഫ്രണ്ട് ക്യാമറ എന്നിവയും ആക്‌സലറോ മീറ്റര്‍, പ്രോക്‌സിമിറ്റി, ആംബിയന്റ് ലൈറ്റ് സെന്‍സര്‍ എന്നിവയും ഉണ്ട്. 1800 mAh ആണ് ബാറ്ററി.