ബജറ്റ് വിലയ്ക്ക് യാഹൂ സ്മാർട്ട്ഫോൺ അവതരിപ്പിച്ചു: വില, സവിശേഷതകൾ

യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ വില

യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ 50 ഡോളർ (ഏകദേശം 3,700 രൂപ) വില വരുന്നു. കൂടാതെ, അൺലിമിറ്റഡ് ടോക്ക്ടൈം, ടെക്സ്റ്റ്, 4 ജി എൽടിഇ ഡാറ്റ എന്നിവ വാഗ്ദാനം ചെയ്യുന്നു. യുഎസിൽ പ്രതിമാസം 40 ഡോളറിന് (ഏകദേശം 2,900 രൂപ) അൺലിമിറ്റഡ് ടോക്ക്ടൈം, ടെക്സ്റ്റ്, 4 ജി എൽടിഇ ഡാറ്റ വാഗ്ദാനം ചെയ്യുന്ന യാഹൂ മൊബൈൽ സേവനമുള്ള യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ വെരിസോൺ നെറ്റ്‌വർക്കിൽ ലഭ്യമാണ്. ഈ സ്മാർട്ട്ഫോൺ വാങ്ങുന്നവർക്ക് പരസ്യങ്ങളൊന്നുമില്ലാതെ യാഹൂ മെയിൽ പ്രോയും ലഭിക്കും. മൊബൈൽ ഹോട്ട്‌സ്പോട്ട് ഉപയോഗത്തിനും ഈ സ്മാർട്ട്ഫോൺ അനുവദിക്കുന്നു. എന്നാൽ, ഇത് ഒരു സമയം ഒരു ഉപയോക്താവിന് 5 എംബിബിഎസ്‌ വേഗതയിൽ മാത്രമായി പരിമിതപ്പെടുത്തിയിരിക്കുന്നു.

മാർച്ചിൽ വെരിസോൺ പുതിയ യാഹൂ ഉപബ്രാൻഡ് പ്രഖ്യാപിച്ചു. "കാലക്രമേണ കമ്പനി ഉപയോക്താക്കൾക്ക് ആവശ്യമുള്ള യാഹൂ സേവനങ്ങളെ അടിസ്ഥാനമാക്കി വാഗ്ദാനം ചെയ്യുന്ന ആനുകൂല്യങ്ങൾ വിപുലീകരിക്കാം," വെരിസോൺ മീഡിയ സിഇഒ ഗുരു ഗൗരപ്പൻ പറഞ്ഞു. യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ കൂടാതെ ഐഫോൺ 12, ഐഫോൺ 12 പ്രോ എന്നിവയ്ക്കൊപ്പം യാഹൂ മൊബൈൽ ലഭ്യമാണ്. ഐഫോൺ 12 പ്രോ മാക്സ്, ഐഫോൺ 12 മിനി എന്നിവയിൽ നവംബറിൽ സേവനം ലഭ്യമാകും.

യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ സവിശേഷതകൾ

ഔദ്യോഗിക വെബ്‌സൈറ്റ് അനുസരിച്ച്, യാഹൂ മൊബൈൽ ഇസഡ്ടിഇ ബ്ലേഡ് എ 3 വൈയിൽ 5.45 ഇഞ്ച് എച്ച്ഡി (720x1440) ഫുൾവിഷൻ ഡിസ്‌പ്ലേ 18: 9 ആസ്പെക്ടറ്റ് റേഷിയോയിൽ വരുന്നു. സ്മാർട്ട്‌ഫോണിൽ ക്വാഡ് കോർ മീഡിയടെക് ഹെലിയോ എ 22 SoC, 2 ജിബി റാം, 32 ജിബി സ്റ്റോറേജ് (128 ജിബി വരെ വികസിപ്പിക്കാവുന്നവ) എന്നിവ ഉൾക്കൊള്ളുന്നു. ആൻഡ്രോയിഡ് 10 ൽ പ്രവർത്തിക്കുന്ന ഈ ഫോൺ 2,660 എംഎഎച്ച് ബാറ്ററിയാണ് അവതരിപ്പിക്കുന്നത്. യാഹൂ മൊബൈൽ ഇസഡ്ടിഇ ബ്ലേഡ് എ 3 വൈയിൽ രണ്ട് ഡ്യുവൽ എൽഇഡി ഫ്ലാഷുള്ള 8 മെഗാപിക്സൽ പിൻ ക്യാമറയുണ്ട്. മുൻവശത്ത് 5 മെഗാപിക്സൽ സെൻസറും വരുന്നു. പിന്നിലായി ഫിംഗർപ്രിന്റ് സെൻസർ വരുന്ന ഈ ഫോണിന് 5.77x2.79x0.38 അളവും 161.8 ഗ്രാം ഭാരവും വരുന്നു.