ഇസഡ്ടിഇ ആക്സൺ 20 5 ജി എക്‌സ്ട്രീം എഡിഷൻ ഉടൻ അവതരിപ്പിക്കും: പ്രതീക്ഷിക്കുന്ന സവിശേഷതകൾ

ടീസർ നൽകുന്ന വിവരങ്ങൾ അനുസരിച്ച്, ഇസഡ്ടിഇ ആക്സൺ 20 എക്‌സ്ട്രീം എഡിഷന് ഓറഞ്ച് നിറത്തിലുള്ള ബാക്ക് പാനൽ ഉണ്ടായിരിക്കും. അതിൽ വലിയ വലിപ്പത്തിലുള്ള ആക്‌സൺ ബ്രാൻഡിംഗ് വരുന്നു. ക്വാഡ് റിയർ ക്യാമറ സെറ്റപ്പും ഈ സ്മാർട്ട്ഫോണിന്റെ എടുത്തുപറയേണ്ട ഒരു സവിശേഷതയാണ്. ഇതുകൂടാതെ, ആക്സൺ 20 എക്‌സ്ട്രീം എഡിഷനെക്കുറിച്ച് കൂടുതലൊന്നും വ്യക്തമല്ല. എന്നാൽ, കമ്പനിയിൽ നിന്ന് കൂടുതൽ വിശദാംശങ്ങൾ ഉടൻ ലഭിക്കുമെന്ന് നമുക്ക് പ്രതീക്ഷിക്കാം.

ഇപ്പോൾ, വരാനിരിക്കുന്ന ഈ സ്മാർട്ട്ഫോൺ സാധാരണ മോഡലിന് തുല്യമായ സവിശേഷതകളുമായാണോ വരുന്നതെന്ന കാര്യം കാത്തിരുന്ന് കാണാം. ബേസിക് 6 ജിബി റാം + 128 ജിബി സ്റ്റോറേജ് മോഡലിന് സിഎൻ‌വൈ 2,198 (ഏകദേശം 23,500 രൂപ) ആരംഭ വിലയുമായി ഇസഡ്ടിഇ ആക്സൺ 20 5 ജി വരുന്നു. ഈ ഹാൻഡ്‌സെറ്റ് നീല, കറുപ്പ്, ഓറഞ്ച്, പർപ്പിൾ കളർ ഓപ്ഷനുകളിൽ ലഭ്യമാണ്.

ഇസഡ്ടിഇ ആക്സൺ 20 5 ജി സവിശേഷതകൾ

ഈ ഹാൻഡ്‌സെറ്റിന് 20.5: 9 ആസ്പെക്ടറ്റ് റേഷിയോ വരുന്ന 6.92 ഇഞ്ച് ഫുൾ എച്ച്ഡി + ഒഎൽഇഡി പാനലുണ്ട്. 1,080 x 2,460 പിക്‌സൽ റെസല്യൂഷനും 90 ഹെർട്സ് പുതുക്കൽ നിരക്കും സ്‌ക്രീൻ വാഗ്ദാനം ചെയ്യുന്നു. 8 ജിബി വരെ റാമും 256 ജിബി ഇന്റേണൽ സ്റ്റോറേജും ജോടിയാക്കിയ ഒക്ട-കോർ സ്നാപ്ഡ്രാഗൺ 765 ജി SoC പ്രോസസ്സറാണ് ഈ ഹാൻഡ്‌സെറ്റിന് കരുത്ത് നൽകുന്നത്. കൂടാതെ, മൈക്രോ എസ്ഡി കാർഡ് സ്ലോട്ട് വഴി 2 ടിബി വരെ അഡിഷണൽ സ്റ്റോറേജ് എക്സ്പാൻഡ് ചെയ്യുവാൻ സാധിക്കുന്നതാണ്.

64 എംപി പ്രൈമറി സെൻസർ, 8 എംപി ലെൻസ്, രണ്ട് 2 എംപി സെൻസറുകൾ ഉൾക്കൊള്ളുന്ന 32 എംപി അണ്ടർ ഡിസ്‌പ്ലേ സെൽഫി ക്യാമറയും ക്വാഡ്-റിയർ ക്യാമറ മൊഡ്യൂളും ഈ ഹാൻഡ്‌സെറ്റിൽ വരുന്നു. 4,220 mAh ബാറ്ററി യൂണിറ്റ് 30W ഫാസ്റ്റ് ചാർജിംഗ് സപ്പോർട്ടുള്ള ഈ ഡിവൈസിന് ചാർജ് നൽകുന്നു. ചാർജ് ചെയ്യുന്നതിനുള്ള യുഎസ്ബി ടൈപ്പ്-സി പോർട്ട് വൈ-ഫൈ, ബ്ലൂടൂത്ത്, 4 ജി, 5 ജി ജിപിഎസ്, എൻ‌എഫ്‌സി എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.