ഡൈമെൻസിറ്റി 720 SoC പ്രോസസറുമായി ഇസഡ്ടിഇ ബ്ലേഡ് 20 5 ജി അവതരിപ്പിച്ചു: വില, സവിശേഷതകൾ

| Published: Thursday, November 5, 2020, 8:16 [IST]

പുതിയ സ്മാർട്ഫോണായ ഇസഡ്ടിഇ ബ്ലേഡ് 20 5 ജി ചൈനയിൽ അവതരിപ്പിച്ചു. 6.52 ഇഞ്ച് ഐപിഎസ് എൽസിഡി ഡിസ്‌പ്ലേയുള്ള ഇസഡ്ടിഇ ബ്ലേഡ് 20 5 ജിയിൽ ട്രിപ്പിൾ റിയർ ക്യാമറ സെറ്റപ്പും 4,000 എംഎഎച്ച് ബാറ്ററിയും വരുന്നു. ഫിംഗർപ്രിന്റ് സ്കാനർ സവിശേഷതയുള്ള ഈ ഡിവൈസിൽ എഫ്എം സപ്പോർട്ടും ഉണ്ട്. ഒരൊറ്റ സ്റ്റോറേജ് കോൺഫിഗറേഷനിലും രണ്ട് കളർ ഓപ്ഷനുകളിലും ഇസഡ്ടിഇ ബ്ലേഡ് 20 5 ജി വിപണിയിൽ ലഭ്യമാണ്. വെരിസോണിൽ നിന്നുള്ള ആദ്യത്തെ യാഹൂ ബ്രാൻഡഡ് സ്മാർട്ട്‌ഫോണായ യാഹൂ മൊബൈൽ ഇസഡ്ടിഇ ബ്ലേഡ് എ 3 വൈ ചൈനീസ് കമ്പനി അവതരിപ്പിച്ചതിന് ശേഷമാണ് പുതിയ ഇസഡ്ടിഇ സ്മാർട്ട്ഫോൺ പുറത്തിറക്കിയത്.

ഇസഡ്ടിഇ ബ്ലേഡ് 20 5 ജി: വില

ഇസഡ്ടിഇ ബ്ലേഡ് 20 5 ജിയുടെ 6 ജിബി + 128 ജിബി സ്റ്റോറേജ് മോഡലിന് ചൈനയിൽ സി‌എൻ‌വൈ 1,499 (ഏകദേശം 16,700 രൂപ) ആണ് വില വരുന്നത്. ജാസ്സി ഗ്രേ, ലൈറ്റ് ബ്ലൂ മിന്റ് എന്നിങ്ങനെ രണ്ട് കളർ ഓപ്ഷനുകളിൽ ഈ സ്മാർട്ട്ഫോൺ വിപണിയിൽ ലഭ്യമാണ്. എന്നാൽ, സ്മാർട്ട്‌ഫോൺ ഇന്ത്യൻ വിപണിയിൽ എപ്പോൾ എത്തുമെന്ന കാര്യം വ്യക്തമല്ല.

സ്മാർട്ട് വാച്ചിന് സമാനമായ ഫുൾ സ്‌ക്രീൻ ഡിസ്‌പ്ലേയുമായി ഹോണർ ബാൻഡ് 6 പുറത്തിറങ്ങി സ്മാർട്ട് വാച്ചിന് സമാനമായ ഫുൾ സ്‌ക്രീൻ ഡിസ്‌പ്ലേയുമായി ഹോണർ ബാൻഡ് 6 പുറത്തിറങ്ങി

ഇസഡ്ടിഇ ബ്ലേഡ് 20 5 ജി: സവിശേഷതകൾ

ഇസഡ്ടിഇ ബ്ലേഡ് 20 5G ആൻഡ്രോയിഡ് 10 (MiFavor 10.5) ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 720x1,600 പിക്‌സൽ റെസല്യൂഷനും 20: 9 ആസ്പെക്ടറ്റ് റേഷിയോ വരുന്ന 6.52 ഇഞ്ച് ഡിസ്‌പ്ലേയാണ് ഇതിലുള്ളത്. 6 ജിബി റാമും 128 ജിബി ഓൺ‌ബോർഡ് സ്റ്റോറേജും വരുന്ന ഈ ഹാൻഡ്സെറ്റിന് കരുത്തേകുന്നത് ഒക്ടാകോർ മീഡിയടെക് ഡൈമെൻസിറ്റി 720 SoC പ്രോസസറാണ്.

ഇസഡ്ടിഇ ബ്ലേഡ് 20 5 ജി: ക്യാമറ സവിശേഷതകൾ

16 മെഗാപിക്സൽ പ്രൈമറി സ്നാപ്പർ, 8 മെഗാപിക്സൽ സെക്കൻഡറി സെൻസർ, കൂടാതെ 2 മെഗാപിക്സൽ സെൻസർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സെറ്റപ്പാണ് ഇസഡ്ടിഇ ബ്ലേഡ് 20 5 ജിയിൽ വരുന്നത്. ഹാൻഡ്സെറ്റിൻറെ മുൻവശത്ത് വാട്ടർഡ്രോപ്പ് രൂപകല്പനയിൽ 8 മെഗാപിക്സൽ ഷൂട്ടറും വരുന്നു.

ബി‌എസ്‌എൻ‌എല്ലിന്റെ 395 രൂപ പ്രീപെയ്ഡ് പ്ലാൻ പുതുക്കി, അഞ്ച് എസ്ടിവികൾ പിൻവലിച്ചു ബി‌എസ്‌എൻ‌എല്ലിന്റെ 395 രൂപ പ്രീപെയ്ഡ് പ്ലാൻ പുതുക്കി, അഞ്ച് എസ്ടിവികൾ പിൻവലിച്ചു

ഒക്ടാകോർ മീഡിയടെക് ഡൈമെൻസിറ്റി 720 SoC പ്രോസസർ

4,000 എംഎഎച്ച് ബാറ്ററിയാണ് ഇസഡ്ടിഇ ബ്ലേഡ് 20 5 ജിയിൽ വരുന്നത്, പക്ഷെ ഫാസ്റ്റ് ചാർജിംഗിനെ സപ്പോർട്ട് ചെയ്യുന്നില്ല. വൈ-ഫൈ, ബ്ലൂടൂത്ത് 5.1, ജിപിഎസ്, യുഎസ്ബി ടൈപ്പ്-സി പോർട്ട് എന്നിവ ഈ ഡിവൈസിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ആക്‌സിലറോമീറ്റർ, ഗൈറോ, പ്രോക്‌സിമിറ്റി സെൻസർ, ആംബിയന്റ് ലൈറ്റ് സെൻസർ, ഒരു കോമ്പസ് എന്നിവയാണ് സെൻസറുകൾ. ഫിംഗർപ്രിന്റ് സ്‌കാനർ ഇസഡ്ടിഇ ബ്ലേഡ് 20 5 ജി ഹാൻഡ്സെറ്റിൻറെ പുറകുഭാഗത്തായി നൽകിയിരിക്കുന്നു.