ഇസഡ്ടിഇ ബ്ലേഡ് 20 പ്രോ 5 ജി ആക്സൺ 20 4 ജിയോടൊപ്പം അവതരിപ്പിച്ചു: വിശദാംശങ്ങൾ

ഇസഡ്ടിഇ ബ്ലേഡ് 20 പ്രോ 5 ജിയിൽ സ്നാപ്ഡ്രാഗൺ 765 ജി SoC പ്രോസസറാണ് വരുന്നത്. നോൺ-പ്രോ വേരിയന്റിൽ മീഡിയടെക് ഡൈമെൻസിറ്റി 720 SoC പ്രോസസറും വരുന്നു. ഇസഡ്ടിഇ ബ്ലേഡ് 20 പ്രോ 5 ജി അല്ലെങ്കിൽ ഇസഡ്ടിഇ ആക്സൺ 20 4 ജി എന്നിവയുടെ വിലയും ലഭ്യതയും കമ്പനി ഇതുവരെ വ്യക്തമാക്കിയിട്ടില്ല. രണ്ട് ഫോണുകളും എപ്പോൾ ഇന്ത്യൻ വിപണിയിൽ എത്തുമെന്നതും ഇതുവരെ വ്യക്തമല്ല.

ഇസഡ്ടിഇ ബ്ലേഡ് 20 പ്രോ 5 ജി സവിശേഷതകൾ

ഇസഡ്ടിഇ ബ്ലേഡ് 20 പ്രോ 5 ജിക്ക് അഡ്രിനോ 620 ജിപിയു ഒക്ടാ-കോർ സ്‌നാപ്ഡ്രാഗൺ 765 ജി SoC പ്രോസസറാണ് കരുത്ത് നൽകുന്നത്. 6 ജിബി റാമും 128 ജിബി സ്റ്റോറേജുമായാണ് ഈ സ്മാർട്ട്ഫോൺ വിപണിയിൽ വരുന്നത്. നോൺ-പ്രോ വേരിയന്റിന്റെ അതേ രൂപകൽപ്പനയും സെൽഫി ക്യാമറയ്‌ക്ക് ഒരു നോച്ചും നൽകുന്നു. വളഞ്ഞ ഡിസ്‌പ്ലേ നിങ്ങൾക്ക് സ്ലിം ബെസലുകൾ നൽകും. 64 മെഗാപിക്സൽ പ്രൈമറി സെൻസറിന്റെ തലക്കെട്ടിൽ ഒരു ക്വാഡ് ക്യാമറ സെറ്റപ്പ് വരുന്നു. മുൻവശത്ത്, 20 മെഗാപിക്സൽ സെൽഫി ഷൂട്ടറുമായി ഇസഡ്ടിഇ ബ്ലേഡ് 20 പ്രോ 5 ജി വരുന്നു. 4,000 എംഎഎച്ച് ബാറ്ററിയാണ് ഈ സ്മാർട്ട്ഫോണിന് കമ്പനി നൽകുന്നത്.

ഇസഡ്ടിഇ ആക്സൺ 20 4 ജി സവിശേഷതകൾ

ഇസഡ്ടിഇ ആക്സൺ 20 ന്റെ 4 ജി വേരിയന്റിന് കരുത്തേകുന്നത് ഒക്ടാ-കോർ യൂണിസോക്ക് ടൈഗർ ടി 618 SoC പ്രോസസറാണ് എന്നാണ് ജിഎസ്മറീനയുടെ റിപ്പോർട്ട്. ഇസഡ്ടിഇ ആക്സൺ 20 5 ജിയിൽ നിന്ന് അണ്ടർ ഡിസ്പ്ലേ സെൽഫി ക്യാമറയാണ് വരുന്നത്. 64 മെഗാപിക്സൽ പ്രൈമറി സെൻസർ, 8 മെഗാപിക്സൽ സെക്കൻഡറി സെൻസർ, 2 മെഗാപിക്സൽ ടെർഷ്യറി സെൻസർ, 2 മെഗാപിക്സൽ ക്വട്ടേണറി സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പും ക്യാമറ കോൺഫിഗറേഷന് സമാനമാണ്. മുൻവശത്ത്, ഡിസ്പ്ലേയ്ക്ക് കീഴിലായി മറഞ്ഞിരിക്കുന്ന 32 മെഗാപിക്സൽ സെൻസറുമായി ഇസഡ്ടിഇ ആക്സൺ 20 5 ജി ഹാൻഡ്‌സെറ്റ് വരുന്നു.