അസൂസിന്റെ പുതുവര്‍ഷ സമ്മാനങ്ങള്‍

By Shabnam Aarif

Updated: Monday, January 2, 2012, 11:17 [IST]

സംഗീതത്തില്‍ മുങ്ങിയാണ് അസൂസ് 2011 അവസാനിപ്പിക്കാനൊരുങ്ങുന്നത് എന്നു പറയാം. രണ്ടു സംഗീത ഗാഡ്ജറ്റുകളാണ് പുതുവര്‍ഷ സമ്മാനമായി അസൂസ് ഉപഭോക്താക്കള്‍ക്ക് നല്‍കാനൊരുങ്ങുന്നത്. എംഎസ്-100 യുഎസ്ബി സ്റ്റീരിയോ സ്പീക്കര്‍ സെറ്റ്, എച്ച്എസ്-ഡബ്ല്യു1 വയര്‍ലെസ് ഹെഡ്‌സെറ്റ് എന്നിവയാണ് ഈ രണ്ടു ഉല്‍പന്നങ്ങള്‍.

ചെറിയ വലിപ്പം മാത്രമുള്ള ഈ രണ്ടു അസൂസ് ഉല്‍പന്നങ്ങളും കൊണ്ടു നടക്കാന്‍ വളരെ എളുപ്പമാണ്. വലിപ്പം ചെറുതാണെങ്കിലും, കാഴ്ചയില്‍ വളരെ ആകര്‍ഷണീയമായ ഇവയുടെ ഫീച്ചറുകളും മികച്ചവയാണ്.

എംഎസ്-100 യുഎസ്ബി സ്റ്റീരിയോ സ്പീക്കര്‍ സെറ്റിന്റെ ഫീച്ചറുകള്‍:

യുഎസ്ബി 2.0, യുഎസ്ബി 3.0 എന്നീ കണക്ഷനുകള്‍ ഉപയോഗിക്കാം

നീളം 152 എംഎം, വീതി 133 എംഎം, കട്ടി 104 എംഎം

93 dB ശബ്ദം പുറപ്പെടുവിക്കാന്‍ സഹായിക്കുന്ന 54 എംഎം സ്പീക്കര്‍ ഡ്രൈവറുകള്‍

തടസ്സങ്ങളില്ലാതെ ഉച്ചത്തിലുള്ള ശബ്ദം പുറപ്പെടുവിക്കുന്നു

വിന്‍ഡോസ് 7, വിന്‍ഡോസ് വിസ്റ്റ എന്നീ ഓപറേറ്റിംഗ് സിസ്റ്റങ്ങളോടൊപ്പം പ്രവര്‍ത്തിക്കുമ്പോള്‍ പുതിയ ഡ്രൈവറിന്റെ ആവശ്യമില്ല

വീട്ടിലും ഓഫീസിലും ഒരുപോലെ ഇണങ്ങുന്ന, ആകര്‍ഷണീയമായ ഡിസൈന്‍

100 ഹെര്‍ഡ്‌സ് - 20 കിലോഹെര്‍ഡ്‌സ് വരെയുള്ള ഫ്രീക്വന്ഡസിയില്‍ പ്രവര്‍ത്തിക്കുന്നു

2 x 1.5 ഡബ്ല്യു ആര്‍എംഎസ്

യുഎസ്ബി വഴി 500 mA പവര്‍

എച്ച്എസ്-ഡബ്ല്യു1 വയര്‍ലെസ് ഹെഡ്‌സെറ്റിന്റെ ഫീച്ചറുകള്‍:

നീളം 180 എംഎം, വീതി 175 എംഎം, കട്ടി 65 എംഎം

ഭാരം 65 ഗ്രാം

വൈഫൈ 2.4 ജിഗാഹെര്‍ഡ്‌സ് അഡ്വാന്‍സ്ഡ് 2-വേ ഡിജിറ്റല്‍ ട്രാന്‍സ്മിഷന്‍ വയര്‍ലെസ് ടെക്‌നോളജി

15 മീറ്റര്‍ ഗൂരം വരെ ഉപയോഗിക്കാം

മികച്ച പ്രവര്‍ത്തനക്ഷമതയുള്ള 40 എംഎം ഹെഡ്‌സെറ്റ് സ്പീക്കറുകള്‍

നോയിസ് കാന്‍സലേഷന്‍ സംവിധാനം ഉള്ള ഹെഡ്‌സെറ്റ് മൈക്രോഫോണ്‍

20ഹെര്‍ഡ്‌സ് മുതല്‍ 20 കിലോ ഹെര്‍ഡ്‌സ് ഫ്രീക്വന്‍സിയില്‍ പ്രവര്‍ത്തിക്കും

8 മണിക്കൂര്‍ തുടര്‍ച്ചയായി ഉപയോഗിക്കാം

ലിഥിയം പോളിമര്‍ ബാറ്ററി

ഈ രണ്ടു അസൂസ് ഉല്‍പന്നങ്ങളുടെയും സ്‌പെസിഫിക്കേഷനുകള്‍ ആകര്‍ഷണീയം തന്നെ. പ്രവര്‍ത്തനക്ഷമതയും, ശബ്ദസംവിധാനവുമെല്ലാം മികച്ചവ തന്നെ. 93 ഡെസിബല്‍ വരെ ഉച്ചത്തില്‍, വലിയ തടസ്സങ്ങളില്ലാതെ ശബ്ദം പുറപ്പെടുവിക്കാന്‍ എംഎസ്-100 സ്പീക്കറുകള്‍ക്ക് കഴിയും.

ചെറിയ ഫ്രീക്വന്‍സികളില്‍ നല്ല ശബ്ദം പുറപ്പെടുവിക്കാന്‍ കഴിയുന്ന ഈ അസൂസ് സ്പീക്കര്‍ ഉയര്‍ന്ന ഫ്രീക്വന്‍സികളില്‍ വളരെ മികച്ച ശബ്ദം പുറപ്പെടുവിക്കുന്നു. യുഎസ്ബി വഴി ഇവയുമായി ബന്ധിപ്പിക്കാം. യുഎസ്ബി 2.0, 3.0 എന്നിവ ഈ സ്പീക്കറിനൊപ്പം ഉപയോഗിക്കാവുന്നതാണ്.

വിന്‍ഡോസ് വിസ്റ്റ, വിന്‍ഡോസ് 7 ഓപറേറ്റിംഗ് സിസ്റ്റങ്ങളുടെ കൂടെ പ്രവര്‍ത്തിക്കാന്‍ പ്രത്യേകം ഡ്രൈവറിന്റെ ആവശ്യമില്ലാത്തതിനാല്‍ ഈ അസൂസ് സ്പീക്കര്‍ ഏതു സിസ്റ്റവുമായും എവിടെ വെച്ചും എളുപ്പത്തില്‍ ബന്ധിപ്പിക്കാവുന്നതാണ്.

വളരെ സുഗമമായി ഉപയോഗിക്കാവുന്ന അസൂസ് വയര്‍ലെസ് യുഎസ്ബി ഹെഡ്‌സെറ്റില്‍ വളരെ മികച്ച ശബ്ദസംവിധാനമാണ് ഒരുക്കിയിരിക്കുന്നത്. മികച്ച ശ്രവ്യാനുങവം ഉറപ്പു നല്‍കുന്നു ഈ ഹെഡ്‌സെറ്റിലൂടെ അസൂസ്. ഇത്‌ന്റെ 70 എംഎം ഇയര്‍ പാഡുകള്‍ വളരെ മൃദുലമാണ്.

സിഡി ഗുണനിലവാരത്തില്‍ തന്നെ ശബ്ദം യുഎസ്ബി ഡോങ്കിളില്‍ നിന്നും വയര്‍ലെസ് ആയി ഹെഡ്‌സെറ്റിലെത്തിക്കുന്നതിന് ഇതില്‍ ഉപയോഗപ്പെടുത്തിയിരിക്കുന്ന 2.4 ജിഗാഹെര്‍ഡ്‌സ് വയര്‍ലെസ് 2-വേ ഡിജിറ്റല്‍ ട്രാന്‍സ്മിഷന്‍ ടെക്‌നോളജി സഹായകമാകും.

സാധാരണ ബ്ലൂടൂത്ത് ഡിവൈസുകളില്‍ റിമോട്ട് ഉപയോഗിക്കുന്നതിലും ഇരട്ടി ദൂരത്തു നിന്നും ഈ ഹെഡ്‌സെറ്റ് ഉപയോഗിക്കാന്‍ കഴിയും. അസൂസിന്റെ പുതുവര്‍ഷ സമ്മാനങ്ങളായ ഈ സ്പീക്കറിന്റെയും ഹെഡ്‌സെറ്റിന്റെയും വില വിവരം, ലോഞ്ചിംഗ് തീയതി എന്നിവ പ്രഖ്യാപിക്കപ്പെട്ടിട്ടില്ല.