ഇതൊന്നും അത്ര പെട്ടന്ന് ഫീൽഡ്ഔട്ട് ആവില്ല, തനി രാവണനാ രാവണൻ!

വയർലെസ്സ് ഇയർബഡ് ഉപയോഗിക്കുന്നവർ ഏറെയാണ്. കൊണ്ടുനടക്കാൻ ഏറ്റവും സുഖവും ഉപയോഗിക്കാൻ ഏറ്റവും എളുപ്പമുള്ളതുമായ ഇവ പലപ്പോഴും പണി തരാറുണ്ട്. ചാർജ് ചെയ്യുന്ന കാര്യമാണ് ഏറ്റവും ബുദ്ധിമുട്ട്. ഫാസ്റ്റ് ചാർജിങ് ഉൾപ്പെടെ കൂടുതൽ ബാറ്ററി ലൈഫ് വാഗ്ദാനം ചെയ്യുന്ന ഇയർബഡുകൾ പുറത്തിറങ്ങുന്നുണ്ടെങ്കിലും ചാർജ് ചെയ്യാതെ ഉപയോഗിക്കാൻ കഴിയില്ല. അതുപോലെ ചെവിയിൽ നിന്ന് വീഴാനും പെട്ടന്ന് നഷ്ടപ്പെടാനും സാധ്യതയുണ്ട്. ഈ സാഹചര്യങ്ങളിലാണ് വയർഡ് ഇയർബഡ്‌സിന്റെ സാധ്യതകൾ മനസ്സിലാക്കുക. എന്നാൽ നിലവിൽ പുതിയതായി പുറത്തിറങ്ങുനന പല ഫോണുകളിലും 3.5 mm ഓഡിയോ ജാക്കുകൾ കമ്പനി ഒഴിവാക്കിയിട്ടുണ്ട്. ഭാവിയിൽ ബ്ലൂടൂത്ത് കണക്ടിവിറ്റി മാത്രം ഉപയോഗിച്ച് ഓഡിയോ ഔട്ട്പുട്ടിന് വേണ്ടിയാവാം ഇത്.

ഇതിനെ മറികടക്കാൻ USB ടൈപ്പ്-സി ഇയർബഡുകൾ നിലവിലുണ്ട്. എന്നാൽ ബജറ്റ് ഫ്രണ്ട്‌ലി ഇയർബഡുകൾ സാധാരണയായി ഉയർന്ന വില നൽകേണ്ടി വരും. അല്ലെങ്കിൽ ടൈപ്പ്-സി മുതൽ 3.5mm ജാക്ക് ഡോംഗിളുകൾ കൈകാര്യം ചെയ്യേണ്ടി വരും. ഡോംഗിളുകൾ പെട്ടന്ന് നഷ്ടപ്പെടാൻ സാധ്യത ഏറെയാണ്. ഇതിനെല്ലാം പരിഹാരമായി നല്ലൊരു വയർഡ് ഇയർബഡ്‌സ് നോക്കിയാലോ.

പ്ലാസ്റ്റിക് ഉപയോഗിച്ചാണ് ഇതിന്റെ ബഡുകൾ നിർമ്മിച്ചിരിക്കുന്നത്. നീല, കറുപ്പ്, ചുവപ്പ് എന്നീ മൂന്ന് നിറങ്ങളിൽ ഈ വയർഡ് ഇയർബഡ്‌സ് ലഭിക്കും. ബോക്‌സന് കൂടെ മറ്റ് രണ്ട് ജോഡി ഇയർ ടിപ്പുകൾ (ചെറുതും വലുതും) ലഭിക്കും. വലത് ബഡിന് തൊട്ടുതാഴെയായി ഓഡിയോ പ്ലേ ചെയ്യുന്നതിനും താൽക്കാലികമായി നിർത്തുന്നതിനും കോളുകൾ കൈകാര്യം ചെയ്യുന്നതിനുമുള്ള ബട്ടണുകൾ ഉൾക്കൊള്ളുന്ന ഒരു ചെറിയ ഫ്‌ലാറ്റ് പാനൽ നൽകിയിട്ടുണ്ട്.

JBL Tune 310C യെ യഥാർത്ഥ ബജറ്റ് താരങ്ങളാക്കി മാറ്റുന്നത് അവയുടെ ഓഡിയോ നിലവാരവും ഉപയോഗ എളുപ്പവുമാണ്. 9mm ഡൈനാമിക് ഡ്രൈവറുകൾ വളരെ ശ്രദ്ധേയമായ വോളിയം ലെവലുകൾ നൽകുന്നുണ്ട്. കോളുകൾ കൈകാര്യം ചെയ്യുന്നതിലും ഈ പ്രൊഡക്ട് മികച്ച ഗുണനിലവാരം നൽകുന്നുണ്ട്. എന്നാലും ചെവയിലേക്ക് തള്ളിവെച്ചാലാണ് സൗണ്ട് എഫക്ട് നന്നായി അറിയുക. അത് ചില ബുദ്ധിമുട്ടുകൾക്ക് ഇടയാക്കും.

എറ്റവും പ്രധാനപ്പെട്ട മറ്റൊരു കാര്യമാണ് ഈ ബഡുകൾ ടൈപ്പ്-സി പോർട്ടിൽ വെച്ചാണ് ഉപയോഗിക്കുക. അതിനാൽ തന്നെ ബഡുകൾ പ്ലഗ് ചെയ്താൽ ഫോണോ ടാബ്ലെറ്റോ ചാർജ് ചെയ്യാൻ കഴിയുകയില്ല എന്ന കാര്യം. എന്നിരുന്നാലും 1000 രൂപക്ക് ഇത് മികച്ച ഒപ്ഷൻ തന്നെയാക്കി മാറ്റുന്നുണ്ട്. ബജറ്റ് ഫ്രണ്ട്‌ലി പ്രൊഡക്ട് എന്നാണ് ഇതിന്റെ മുഖമുദ്ര.

വയർലെസ്സ് ഇയർബഡ്‌സുകൾ വിപണിയിൽ താരമാണെങ്കിലും വയർഡ് ഇയർബഡ്‌സുകൾക്കും ഇപ്പോൾ ആവശ്യക്കാർ ഏറെയാണ്. പ്രധാനമായും സൈക്കിൾ, ബൈക്ക് എന്നിവയിലുടെ സ്ഥിരം യാത്ര ചെയ്യുന്നവർക്ക്. ഇവർക്ക് വയർലെസ്സിനെക്കാളും എളുപ്പവും കംഫർട്ടും വയർഡ് ബഡ്‌സുകൾ ഉപയോഗിക്കാനാവും.