എന്‍ട്യൂണുകളുമായി മോണ്‍സ്റ്റര്‍ എന്‍ക്രെഡിബിള്‍ ഹെഡ്‌ഫോണ്‍

ഓഡിയോ ഗാഡ്ജറ്റ് ലോകത്ത് ഏറെ സുപരിചിതമായ ഒരു പേരാണ് മോണ്‍സ്റ്റര്‍.  ഇപ്പോള്‍ നിക്ക് കാനണുമായി ചേര്‍ന്ന് മോണ്‍സ്റ്റര്‍ നിര്‍മ്മിക്കുന്നതാണ് എന്‍ക്രെഡിബിള്‍ നിരയിലെ ഹെഡ്‌ഫോണുകള്‍.  എന്‍ട്യൂണുകളാണ് ഈ ഹെഡ്‌ഫോണുകളുടെ ഏറ്റവും മികച്ച ഫീച്ചര്‍.

ഡോ.ഡ്രീയുടെ സോളോ ബീറ്റ്‌സിന് എതിരായി മോണ്‍സ്റ്റര്‍ ഇറക്കിയതാണ് എന്‍ട്യൂണുകള്‍.  കണ്‍ട്രോള്‍ടോക്ക്, മികച്ച ഓഡിയോ നിലവാരം എന്നിവയാണ് ഈ എന്ഡട്യൂണുകളുടെ പ്രത്യേകതകള്‍.  ഏറെ കാലം നിലനില്‍ക്കുന്ന പ്ലാസ്റ്റിക്കിലാണ് ഇവ നിര്‍മ്മിച്ചിരിക്കുന്നത്.  ഇവ ഭാരം വളരെ കുറഞ്ഞവയുമാണ്.

ഭാരം കുറവായതിനാല്‍ ഇവ ഉപയോഗിക്കാന്‍ വളരെ എളുപ്പമാണ്.  മടക്കാന്‍ സാധിക്കുന്നവയല്ല ഈ ഹെഡ്‌ഫോണുകള്‍.  ചെവിയില്‍ നല്ലവണ്ണം ചേര്‍ന്നു നില്‍ക്കും വിധമാണ് ഈ ഹെഡ്‌ഫോണുകള്‍ ഡിസൈന്‍ ചെയ്തിരിക്കുന്നത്.

ഗ്രേ, ചുവപ്പ്, കറുപ്പ് നിറങ്ങളില്‍ ഇറങ്ങുന്നുണ്ട് എന്‍ക്രെഡിബിള്‍ ഹെഡ്‌ഫോണുകള്‍.  ഹെഡ്‌ഫോണുകളുടെ ഇയര്‍ കപ്പുകളുടെ മുകളിലായി മോണ്‍സ്റ്ററിന്റെ ലോഗോ കാണാം.

ഫീച്ചറുകള്‍:

• ഏറെ കാലം നിലനില്‍ക്കുന്ന ഹെഡ്ബാന്റുകള്‍


• പെട്ടെന്നു പൊട്ടുകയോ കേടു വരികയോ ഇല്ല


• അനാവശ്യ ശബ്ദങ്ങളെ തടഞ്ഞു നിര്‍ത്തുന്നു


• മൂന്നു തരത്തില്‍ മടക്കാവുന്ന ഡിസൈന്‍


• മോണ്‍സ്റ്ററിന്റെ ക്ലീനിംഗ് ക്ലോത്ത്


• ക്രോം സ്പീക്കര്‍ റിം


• സുതാര്യമായ ഹൗസിംഗ് പാനല്‍


• ഭാരം കുറവ്


• അടര്‍ത്തി മാറ്റാവുന്ന കണ്‍ട്രോള്‍-ടോക്ക് യൂണിവേഴ്‌സല്‍ കേബിള്‍

എന്‍ക്രെഡിബിള്‍ ഹെഡ്‌സെറ്റിന്റെ കേബിള്‍ വേര്‍പ്പെടുത്താവുന്നതാണ്.  ഈ കേബിള്‍ വളരെ കട്ടിയുള്ളതും കെട്ടു പിണയാത്തതും ആണ്.  ഇയര്‍ കപ്പിനു കുറച്ചു താഴേയായി കണ്‍ട്രോള്‍ടോക്ക്, യൂണിവേഴ്‌സല്‍ ബട്ടണ്‍, മൈക്രോബട്ടണ്‍ എന്നിവ സജ്ജീകരിച്ചിരിക്കുന്നു.

വോയ്‌സ് ആക്റ്റിവേഷന്‍, മ്യൂസിക്, ഫോണ്‍ കോളുകള്‍ എന്നിവ നിയന്ത്രിക്കാം യൂണിവേഴ്‌സല്‍ ബട്ടണ്‍ ഉപയോഗിച്ച്.