ആപ്പിള്‍ സി.ഇ.ഒ ടിം കുക്കിനെ കുറിച്ച് അറിയാത്ത 10 വസ്തുതകള്‍

#1

കൗമാരകാലത്ത് അലബാമയിലെ പ്രസ്-രജിസ്റ്റര്‍ എന്ന പ്രസിദ്ധീകരണത്തിന്റെ വിതരണക്കാരനായിരുന്നു ടിംകുക്. അമ്മയോടൊപ്പം പാര്‍ട്- ടൈം ആയി ഒരു ഫാര്‍മസിയിലും മജാലിചെയ്തു.

#2

Auburn സര്‍വകലാശാലയില്‍ പഠിക്കുമ്പോള്‍, പാഠ്യപദ്ധതിയുടെ ഭാഗമായി റെയ്‌നോള്‍ഡ്‌സ് അലുമിനിയം എന്ന കമ്പനിയില്‍ അദ്ദേഹം ജോലിചെയ്തിരുന്നു. എന്നാല്‍ ഇടക്കാലത്ത് കമ്പനി ലേ ഓഫ് പ്രഖ്യാപിക്കുകയും ഭൂരിഭാഗം ജീവനക്കാരെ പിരിച്ചുവിടുകയും ചെയ്തു. ഈ അവസരത്തില്‍ കമ്പനിയുടെ പ്രസിഡന്റിനെ ഭരണപരമായ കാര്യങ്ങളില്‍ സഹായിക്കുക എന്ന ഉത്തരവാദിത്വം ടിം കുക്കില്‍ എത്തിച്ചേര്‍ന്നു.

#3

ഇന്റസ്ട്രിയല്‍ എഞ്ചിനീയറിംഗ് ആണ് കുക് പഠനവിഷയമായി തെരഞ്ഞെടുത്തത്. അന്ന് ശരാശരി നിലവാരമുള്ള വിദ്യാര്‍ഥിയായിരുന്നു അദ്ദേഹം. പിന്നീട് എം.ബി.എയും നേടി അദ്ദേഹം.

#4

പഠനത്തിനു ശേഷം 12 വര്‍ഷം പി.സി. നിര്‍മാതാക്കളായ ഐ.ബി.എമ്മില്‍ ജോലിചെയ്തു. ഐ.ബി.എമ്മില്‍ നോര്‍ത് അമേരിക്കന്‍ മേഘലയുടെ ചുമതല ടിം കുക്കിനായിരുന്നു. പിന്നീട് ഇന്റലിജന്റ് ഇലക്‌ട്രോണിക്‌സില്‍ സി.ഒ.ഒ ആയും കോംപാക്കില്‍ വൈസ് പ്രസിഡന്‍ായും പ്രവര്‍ത്തിച്ചു.

#5

1998-ലാണ് ടിംകുക് ആപ്പിളില്‍ ചേര്‍ന്നത്. അവിടെ പരമ്പരാഗത രീതികളെ ആദ്യം മുതലെ അദ്ദേഹം പൊളിച്ചെഴുതി.

#6

തീര്‍ത്തും ലളിതമായ ജീവിതമാണ് ടിംകുക് നയിച്ചിരുന്നത്. വര്‍ഷങ്ങളോളം വാടകക്കെട്ടിടത്തിലായിരുന്നു അദ്ദേഹത്തിന്റെ താമസം. എയര്‍ കണ്ടീഷണര്‍ ഉള്‍പ്പെടെയുള്ള സൗകര്യങ്ങളും ഉണ്ടായിരുന്നില്ല.

#7

സി.ഇ.ഒ ആവുന്നതിനു മുമ്പ് ജീവനക്കാരുമായി അത്ര ഇടപഴകുമായിരുന്നില്ല ടിം കുക്. എന്നാല്‍ സി.ഇ.ഒ ആയ ശേഷം ഇടയ്ക്കിടടെ അവര്‍ക്കൊപ്പമിരുന്ന് ഭക്ഷണം കഴിക്കാറുണ്ട്.

#8

തനിക്ക് ഒരിക്കലും പരാജയഭീതി ഉണ്ടായിരുന്നില്ലെന്ന് ടിം കുക് പറയുന്നു. ഭീതി കീഴടക്കിയാല്‍ പരീക്ഷണങ്ങള്‍ നടത്താന്‍ കഴിയില്ല എന്നാണ് അദ്ദേഹം പറഞ്ഞത്. ഒരു ശ്രമം പരാജയപ്പെട്ടാല്‍ അവിടം കൊണ്ട് തന്റെ ലോകം അവസാനിക്കില്ല. യാത്ര തുടര്‍ന്നുകൊണ്ടിരിക്കുമെന്നും ഒരഭിമുഖത്തില്‍ അദ്ദേഹം പറഞ്ഞു.

#9

ബിസിനസുമായി ബന്ധപ്പെട്ട് ലോകം മുഴുവന്‍ ചുറ്റുമ്പോഴും എല്ലാ ആഴ്ചയും മുടങ്ങാതെ അദ്ദേഹം അമ്മയെ ഫോണില്‍ വിളിക്കുമായിരുന്നു. ടിം കുക്കിന്റെ രക്ഷിതാക്കള്‍ കമ്പ്യൂട്ടര്‍ ഉപയോഗിച്ചിരുന്നില്ല എന്നതാണ് മറ്റൊരു രസകരമായ കാര്യം.