ഓണ്‍ലൈന്‍ ഉപഭോക്താക്കളില്‍ 11 ശതമാനവും 'നഗ്നര്‍'

ഓണ്‍ലൈന്‍ ഷോപ്പിംഗ് അതിവേഗം വികസിച്ചുകൊണ്ടിരിക്കുകയാണ്. ഇന്ത്യയിലും ഏകദേശം 20 കോടി പേര്‍ വിവിധ ഉത്പന്നങ്ങള്‍ വാങ്ങുന്നതിനായി ഓണ്‍ലൈന്‍ ഷോപ്പിംഗ് സൈറ്റുകളെ ആശ്രയിക്കുന്നുണ്ടെന്നാണ് കണക്കുകള്‍ സൂചിപ്പിക്കുന്നത്.

പ്രമുഖ ഇ-കൊമേഴ്‌സ് സൈറ്റായ പേപല്‍ ഇതിനിടെ ഓണ്‍ലൈന്‍ ഷോപ്പിംഗുമായി ബന്ധപ്പെട്ട് രസകരമായ കണ്ടെത്തല്‍ നടത്തിയിരിക്കുന്നു. ഇ-കൊമേഴ്‌സിനെ ആശ്രയിക്കുന്ന ഉപഭോക്താക്കളില്‍ 11 ശതമാനം പേരും പര്‍ച്ചേസ് ഓര്‍ഡര്‍ നല്‍കുന്ന സമയത്ത് പൂര്‍ണ നഗ്നരാണെന്നാണ് പേപല്‍ പറയുന്നത്.

16-64 വയസിനടയില്‍ പ്രായമുള്ള 4524 പേരില്‍ നടത്തിയ സര്‍വേയിലാണ് ഇക്കാര്യം തെളിഞ്ഞിരിക്കുന്നത്. നഗ്നര്‍ക്കു പുറമെ 33 ശതമാനം പേര്‍ പൈജാമയാണ് ഷോപ്പിംഗ് നടത്തുമ്പോള്‍ ധരിക്കുന്നത്. 15 ശതമാനം പേര്‍ ചായയോ മറ്റു പാനീയങ്ങളോ കഴിച്ചുകൊണ്ടാണ് ഷോപ്പിംഗ് നടത്തുന്നതെന്നും പേപല്‍ പറയുന്നു.