അശ്ലീലവെബ്‌സൈറ്റില്‍ സന്ദര്‍ശകര്‍ 35 കോടി

Posted By: Staff

അശ്ലീലവെബ്‌സൈറ്റില്‍ സന്ദര്‍ശകര്‍ 35 കോടി

ആഗോള വെബ് ട്രാഫിക്കില്‍ 30 ശതമാനവും അശ്ലീലവെബ്‌സൈറ്റുകളിലാണെന്ന് പഠനം. പ്രതിമാസം 400 കോടി പേജ് വ്യൂവും 35 കോടി സന്ദര്‍ശകരേയും കിട്ടുന്ന അശ്ലീലവെബ്‌സൈറ്റുകള്‍ ഉണ്ടെന്നും എക്‌സ്ട്രീം ടെക് എന്ന വെബ്‌സൈറ്റ് നടത്തിയ പഠനം വെളിപ്പെടുത്തുന്നു. ഈ കണക്കിനെ മറികടക്കുന്ന സൈറ്റുകള്‍ ഗൂഗിളും ഫെയ്‌സ്ബുക്കും മാത്രമാണെന്നും ഇതില്‍ പറയുന്നു.

എക്‌സ്‌വീഡിയോസ്, യുപോണ്‍ എന്നിവയാണ് അശ്ലീല സൈറ്റുകളുടെ കൂട്ടത്തില്‍ കൂടുതല്‍ സന്ദര്‍ശകരുമായി മുന്നിട്ടുനില്‍ക്കുന്നത്. എക്‌സ് വീഡിയോസില്‍ സന്ദര്‍ശകര്‍ ചെലവഴിക്കുന്ന ശരാശരി സമയം 15 മിനുട്ടാണ്. സെക്കന്റില്‍ 50 ജിഗാബൈറ്റോളം ഡാറ്റകള്‍ ഇതിലൂടെ ട്രാന്‍സ്ഫര്‍ ചെയ്യപ്പെടുന്നുണ്ടെന്നും ഈ പഠനം വിശദമാക്കുന്നു.

ഒരു ദിവസം 10 കോടി പേജ് വ്യൂ ആണ് യുപോണിലുള്ളത്. ഇത്തരം വെബ്‌സൈറ്റുകളിലെ കുക്കീസുകള്‍ ഉപയോക്താവിന്റെ കമ്പ്യൂട്ടര്‍ ഡാറ്റകള്‍ ആക്‌സസ്  ചെയ്യാന്‍ ശേഷിയുള്ളതാണെന്നും പഠനം കണ്ടെത്തുന്നു. ഈ വര്‍ഷാദ്യത്തില്‍ ഇപോണ്‍ ഉപയോക്താക്കളുടെ 6,400 പാസ്‌വേര്‍ഡുകളും ഇമെയിലുകളും ഹാക്ക്  ചെയ്യപ്പെട്ടിരുന്നു. അവയെല്ലാം പിന്നീട് ഓണ്‍ലൈനില്‍ പ്രസിദ്ധപ്പെടുത്തുകയും ഉണ്ടായി.

Please Wait while comments are loading...

Social Counting