ലളിതമായി ഇന്റർനെറ്റ് വഴി പണം സമ്പാദിക്കാനുള്ള 5 വെബ്സൈറ്റുകൾ!

1. Amazon Mechanical Turk

ആമസോൺ MTurk എന്ന പേരിലും കൂടെ അറിയപ്പെടുന്ന ഈ സേവനം ചെറിയ തോതിലുള്ള ടാസ്കുകളും മറ്റുമൊക്കെയായി മനുഷ്യരെ കൊണ്ട് ചെയ്യേണ്ട ചില ജോലികൾ നൽകുകയാണ് ചെയ്യുന്നത്. സർവേ എടുക്കുക, വെബ്സൈറ്റ് സന്ദർശിക്കുക, ആർട്ടിക്കിൾ എഴുതുക, വീഡിയോ ടെക്സ്റ്റിലേക്ക് മാറ്റുക തുടങ്ങി ഒരുപിടി ജോലികൾ ഈ സർവീസ് നൽകുന്നുണ്ട്. എളുപ്പത്തിൽ തന്നെ ഈ ജോലികൾ തീർക്കാവുന്നതുമാണ്. അപേക്ഷിക്കും മുമ്പ് ഏതെല്ലാം രാജ്യങ്ങളിൽ ഈ സർവീസ് ലഭ്യമാണെന്ന് ഉറപ്പുവരുത്തുക.

2. PickyDomains

കുറച്ചു ക്രിയാത്മകത ഉള്ള ആൾ ആണ് നിങ്ങൾ എങ്കിൽ എളുപ്പം കുറച്ചു പണം സമ്പാദിക്കാനുള്ള ഏറ്റവും മികച്ച ഒരു മാർഗ്ഗമാണിത്. ഒരു ഡൊമൈനിന് ആവശ്യമായ ഒരു പേര് എളുപ്പത്തിൽ നിങ്ങൾക്ക് നിർദേശിക്കാൻ സാധിക്കുമെങ്കിൽ ഈ സേവനം നിങ്ങൾക്കുള്ളതാണ്. നിങ്ങൾ നൽകിയ ഡൊമൈൻ പേര് അവർ സ്വീകരിക്കുകയാണെങ്കിൽ എളുപ്പത്തിൽ നിങ്ങൾക്ക് 20 ഡോളർ മുതൽ 50 ഡോളർ വരെ എളുപ്പം നേടാം.

 

3. Microworkers

മുകളിൽ പറഞ്ഞ Amazon Mechanical Turk പോലെ തന്നെയുള്ള മറ്റൊരു സേവനമാണ് Microworkers. ഫോം ഫില്ലിംഗ്, സർവേ എടുക്കൽ, വെബ്സൈറ്റുകളിൽ സൈൻ ചെയ്യൽ തുടങ്ങി പല മാർഗ്ഗങ്ങളിലൂടെയും എളുപ്പം പണം നേടാം.

4. Freelancer വെബ്സൈറ്റുകൾ

Freelancer ആയി നിങ്ങൾക്ക് ജോലി നോക്കാവുന്ന ഒരുപാട് വെബ്സൈറ്റുകൾ ഇന്ന് അന്താരാഷ്‌ട്ര തലത്തിൽ മുതൽ നമ്മുടെ കൊച്ചുകേരളത്തിൽ വരെ ലഭ്യമാണ്. freelancer.com, lekhaka പോലുള്ള എത്രയോ വെബ്സൈറ്റുകൾ ഇതിന് ഉദാഹരണമാണ്. നിങ്ങൾക്ക് ഫലവത്തായ രീതിയിൽ ലേഖനങ്ങൾ എഴുതാൻ കഴിവുണ്ടെങ്കിൽ ഈ സേവനങ്ങൾ ഉപയോഗിക്കാം.

5. Fiverr

നിങ്ങൾക്ക് അറിയാവുന്ന പണി എന്തുമാവട്ടെ, ആ അഭിരുചികൾക്ക് അനുസരിച്ചുള്ള ജോലികൾ ഓൺലൈൻ ആയി ചെയ്യാൻ സഹായിക്കുന്ന ഒരു വെബ്സൈറ്റ് ആണിത്. പാട്ടു പാടൽ ആവാം, ഡിസൈൻ ചെയ്യാൻ ആവാം, എഴുത്ത് ആവാം.. അങ്ങനെ ഏതു തരത്തിലുള്ള ഓൺലൈൻ ജോലികളും ഇവിടെ ലഭ്യമാണ്.

ഇനി അടഞ്ഞ കണ്ണുകളെ തുറപ്പിക്കാം; കിടിലൻ സംവിധാനവുമായി ഫേസ്ബുക്ക്!