2013ല്‍ ഇന്ത്യന്‍ ടെലികോമില്‍ സംഭവിയ്ക്കാന്‍ പോകുന്ന 5 വന്‍ മാറ്റങ്ങള്‍

റോമിങ്ങിന് വിട

2012 ലെ നാഷണല്‍ ടെലികോം പോളിസി പ്രകാരം 2013 മാര്‍ച്ചോടെ റോമിംഗ് സമ്പ്രദായം ഇന്ത്യയില്‍ അന്യം നില്‍ക്കുമെന്നാണ് പ്രതീക്ഷിയ്ക്കപ്പെടുന്നത്. എന്നാല്‍ പല ടെലികോം സേവനദാതാക്കളും ഈ തീരുമാനത്തെ എതിര്‍ത്തിരുന്നു. അവരുടെ ഏതാണ്ട് 10 ശതമാനത്തോളം വരുമാനം റോമിങ്ങില്‍ നിന്നാണ് ലഭിയ്ക്കുന്നത്. അപ്പോള്‍ അവരുടെ ഭാഗത്തു നിന്നും പ്രതിഷേധം ഉണ്ടായില്ലെങ്കിലല്ലേ അത്ഭുതമുള്ളൂ. ചില സാങ്കേതിക പ്രശ്‌നങ്ങള്‍ കൂടി കമ്പനികള്‍ അവതരിപ്പിച്ചിരുന്നു. റിപ്പോര്‍ട്ടുകള്‍ അനുസരിച്ച് ട്രായ് ഇപ്പോള്‍ അവ പരിഹരിയ്ക്കുന്നതിനുള്ള പ്രവര്‍ത്തനങ്ങളിലാണ്.ഏതായാലും ഒരു റോമിംഗ് ഫ്രീ ഇന്ത്യ സമീപഭാവിയില്‍ കാണാനാകും എന്ന് പ്രതീക്ഷിയ്ക്കാം.