സമ്പാദ്യം ഭാവിതലമുറയ്ക്ക് കൈമാറാത്ത കോടീശ്വരന്‍മാര്‍

 

#1

7800 കോടി ഡോളര്‍ ആസ്തിയുള്ള ബില്‍ഗേറ്റ്‌സ് അതില്‍ 100 ലക്ഷം ഡോളര്‍ വീതം മാത്രമാണ് മൂന്ന് മക്കള്‍ക്കുമായി നല്‍കുന്നത്. ബാക്കി തുക മുഴുവന്‍ ജീവകാരുണ്യ പ്രവര്‍ത്തനങ്ങള്‍ക്കാണെന്ന് അദ്ദേഹം പരസ്യമായി പ്രഖ്യാപിച്ചുകഴിഞ്ഞു. 1994-ല്‍ അദ്ദേഹം ബില്‍ ആന്‍ഡ് മെലിന്‍ഡ ഗേറ്റ്‌സ് ഫൗണ്ടേഷന്‍ എന്നപേരില്‍ ചാരിറ്റബിള്‍ ട്രസ്റ്റും തുടങ്ങിയിരുന്നു.

#2

AOL ടെക്‌നോളജീസിന്റെ സഹ സ്ഥാപകന്‍ സ്റ്റീവ് കേസും ജീവകാരുണ്യ പ്രവര്‍ത്തനങ്ങള്‍ക്കാണ് മുന്‍ഗണന നല്‍കുന്നത്. 1997-ല്‍ അദ്ദേഹം സ്ഥാപിച്ച കേസ് ഫൗണ്ടേഷന്‍ വഴിയാണ് അദ്ദേഹം സഹായങ്ങള്‍ നല്‍കുന്നത്. സാങ്കേതിക വിദ്യ സാധാരണക്കാരുടെ നന്മയ്ക്ക് വിനിയോഗിക്കുക എന്നതാണ് കേസ് ഫൗണ്ടേഷന്റെ ലക്ഷ്യം.

#3

UCSF ലെ കുട്ടികളുടെ ആശുപത്രിക്ക് 20 കോടി ഡോളര്‍ ഇതിനോടകം സംഭാവന ചെയ്ത വ്യക്തിയാണ് മാര്‍ക് ബിനിയോഫ്. ഇതിനു പുറമെ സാന്‍ഫ്രാന്‍സിസ്‌കോയില്‍ എന്‍.ജി.ഒകളുടെ പ്രവര്‍ത്തനത്തിനായി 60 ദിവസം കൊണ്ട് 1 കോടി ഡോളര്‍ ശേഖരിക്കുന്നതിനുള്ള കാംപെയ്‌നും അദ്ദേഹം നടത്തിയിരുന്നു. 1/1/1 എന്നതാണ് അദ്ദേഹത്തിന്റെ സിദ്ധാന്തം. അതായത് കമ്പനിയുടെ മൊത്തം ഓഹരികളില്‍ ഒരു ശതമാനവും ജീവനക്കാരുടെ സമയത്തിന്റെ ഒരു ശതമാനവും കമ്പനിയുടെ റിസോഴ്‌സസിന്റെ ഒരു ഭാഗവും ജീവകാരുണ്യ പ്രവര്‍ത്തനത്തിന് നീക്കി വയ്ക്കുക എന്നര്‍ഥം.

 

#4

ക്വാള്‍കോം സ്ഥാപകന്‍ ഇര്‍വിന്‍ ജേക്കബ്‌സ് ഭാര്യ ജൊവാനുമായി ചേര്‍ന്ന് 500 മില്ല്യന്‍ ഡോളര്‍ ഇപ്പോള്‍തന്നെ വിവിധ സേവനപ്രവര്‍ത്തനങ്ങള്‍ക്കായി വിനിയോഗിച്ചു. കൂടാതെ തന്റെ സമ്പാദ്യത്തിന്റെ 50 ശതമാനത്തിലധികം ജീവകാരുണ്യ പ്രവര്‍ത്തനങ്ങള്‍ക്ക് നല്‍കുമെന്നറിയിക്കുന്ന 'ഗിവിംഗ് പ്ലെഡ്ജും' അദ്ദേഹം ഒപ്പുവച്ചു.

#5

1998-ല്‍ ഇബെ ആദ്യമായി ഓഹരിവിപണിയിലേക്ക് കാലെടുത്തുവച്ചപ്പോള്‍ തന്നെ 100 കോടി ഡോളര്‍ വിവിധ സേവന പ്രവര്‍ത്തനങ്ങള്‍ക്ക് പിയറെയും ഭാര്യയും സംഭാവന ചെയ്തിരുന്നു. കൂടാതെ 2010-ല്‍ സ്വത്തിന്റെ 50 ശതമാനവും ജീവകാരുണ്യ പ്രവര്‍ത്തനങ്ങള്‍ക്ക് നല്‍കുമെന്ന് പ്രഖ്യാപിക്കുന്ന 'ഗിവിംഗ് പ്ലെഡ്ജിലും' ഒപ്പുവച്ചിരുന്നു. തങ്ങളുടെ കുടുംബത്തിന് ജീവിക്കാന്‍ ആവശ്യമുള്ളതിലും അധികം സ്വത്ത് കൈവശം ഉണ്ടെന്നും ഇത് മറ്റുള്ളവരുടെ നന്മയ്ക്ക് വിനിയോഗിക്കാനാണ് താല്‍പര്യമെന്നും പിയറെ പറഞ്ഞിട്ടുമുണ്ട്.

#6

പരിസ്ഥിതി, ആരോഗ്യ രംഗത്ത് സഹായങ്ങള്‍ ചെയ്യുന്നതിനായി സ്വയം രൂപീകരിച്ച മൂര്‍ ഫൗണ്ടേഷനുവേണ്ടി ഗോര്‍ഡണ്‍ മൂര്‍ 2001-ല്‍ 100 കോടി ഡോളര്‍ നീക്കിവച്ചിരുന്നു. നിലവില്‍ 500 കോടി ഡോളറാണ് ഫൗണ്ടോഷന്റെ ആസ്തി. കൂടാതെ 'ഗിവിംഗ് പ്ലെഡ്ജ്' അദ്ദേഹവും ഒപ്പുവച്ചിട്ടുണ്ട്.

#7

തന്റെ സമ്പാദ്യത്തിന്റെ ഭൂരിഭാഗവും റിന്യൂവബിള്‍ എന്‍ര്‍ജി, സയന്‍സ്, എഞ്ചിനീയറിംഗ് വിദ്യാഭ്യാസം, കുട്ടികളുടെ ആരോഗ്യം തുടങ്ങിയവയ്ക്കായി നീക്കിവച്ചിരിക്കുകയാണ് ടെസ്ല സ്ഥാപകന്‍ എലന്‍ മസ്‌ക്. കൂടാതെ ഗിവിംഗ് പ്ലെഡ്ജ് സൈന്‍ ചെയ്തിട്ടുമുണ്ട്. ടെസ്ലയില്‍ നിന്ന് 1 ഡോളര്‍ മാത്രമാണ് അദ്ദേഹം വര്‍ഷത്തില്‍ ശമ്പളമായി കൈപ്പറ്റുന്നത്.

#8

ലാറി പേജ് വേറിട്ട ആശയം പങ്കുവയ്ക്കുന്നയാളാണ്. സമൂഹത്തിന് ഉതകുന്ന പുതിയ ഐഡിയകള്‍ പങ്കുവയ്ക്കുന്ന എലന്‍ മസ്‌കിനെ പോലുള്ളവര്‍ക്ക് അവരുടെ സ്വപ്‌നം സഫലമാക്കാന്‍ തന്റെ സമ്പാദ്യം നല്‍കുമെന്നാണ് ഗൂഗിള്‍ സി.ഇ.ഒ ലാറിപേജ് പറഞ്ഞിരിക്കുന്നത്.