TRENDING ON ONEINDIA
-
ബിജെപിയില് പൊട്ടിത്തെറി; പി കൃഷ്ണദാസിന് സസ്പെന്ഷന്; യുവമോര്ച്ച ജില്ല പ്രസിഡന്റ് രാജിവെച്ചു -
ഭാവന നവീന്റേതായിട്ട് ഒരുവര്ഷം! വിവാഹ വാര്ഷിക ദിനത്തില് താരം പറഞ്ഞത് എന്താണെന്നറിയുമോ? കാണൂ -
ഇന്ത്യയുടെ പ്രധാന തലവേദന ധോണി!! ഇനി പന്തിന്റെ ഭാവി? തുറന്നടിച്ച് ഓസീസ് ഇതിഹാസം... -
പ്രമേഹം ഭേദമാക്കും രണ്ടാഴ്ച്ച വൈറ്റില പ്രയോഗം -
സ്മാര്ട്ട്ഫോണ് ഉപയോഗിച്ച് മികച്ച രാത്രി ചിത്രങ്ങളെടുക്കാൻ -
ഡിസി ഡിസൈന് പുറത്തിറക്കിയ പത്തു ഹാച്ച്ബാക്കുകള്
അഫ്ഗാനിസ്താന്‍ വനിതകളുടെ സംരക്ഷണത്തിനും സ്വാതന്ത്ര്യത്തിനുമായി ഒരു ചുവടുകൂടി മുന്നോട്ടുവെക്കുന്നു. വനിതകള്‍ക്കായി ഇന്റര്‍നെറ്റ് കഫേ എന്ന ആശയമാണ് രാജ്യത്ത് ആദ്യമായി നടപ്പില്‍ വന്നിരിക്കുന്നത്. വനിതകള്‍ക്ക് ഇന്റര്‍നെറ്റ് ലോകവുമായി ബന്ധപ്പെടാന്‍ ഈ കഫേയിലൂടെ സാധിക്കും. മാത്രമല്ല, വാക്കുകൊണ്ടോ നോക്കുകൊണ്ടോ പീഡനങ്ങളും നടക്കില്ല!
അന്താരാഷ്ട്ര വനിതാദിനത്തില്‍ ആരംഭിച്ച ഈ കഫേയില്‍ ധാരാളം സ്ത്രീകള്‍ ഇപ്പോള്‍ എത്തുന്നുണ്ടത്രെ. സെന്‍ട്രല്‍ കാബൂളിലാണ് കഫേ. യംഗ്‌വിമണ്‍4ചേഞ്ച് എന്ന അഫ്ഗാന്‍ വനിതാസംഘടനയാണ് ഈ ആശയം നടപ്പിലാക്കിയത്. വനിതകള്‍ക്ക് നിര്‍ഭയം സഞ്ചരിക്കാനും ഇന്റര്‍നെറ്റ് ഉപയോഗിക്കാനുള്ള സൗകര്യമാണ് ഇതിലൂടെ ലഭിക്കുകയെന്ന് സംഘടന പറഞ്ഞു.
സഹര്‍ ഗുല്‍ എന്നാണ് ഈ കഫേയുടെ പേര്. കഴിഞ്ഞ വര്‍ഷം ഭര്‍തൃവീട്ടുകാരുടെ പീഡനത്തിനിരയായി മരിച്ച 15കാരിയായ സഹര്‍ ഗുലിന്റെ ഓര്‍മ്മയ്ക്കാണ് ഈ കഫേ. കഫേയ്ക്ക് വേണ്ടി ഒരു ബ്രിട്ടഷ് ചാരിറ്റി 15 യൂസ്ഡ് ലാപ്‌ടോപുകള്‍ നല്‍കി.
മറ്റ് കഫേകളില്‍ ഈടാക്കുന്ന തുകയേക്കാള്‍ കുറഞ്ഞ നിരക്കാണ് ഈ കഫേ ഉപയോക്താക്കളില്‍ നിന്ന് വാങ്ങുന്നത്. കഫേയുടെ നടത്തിപ്പിന് അത്യാവശ്യം വേണ്ട തുക രാജ്യത്തുനിന്നും വിദേശങ്ങളില്‍ നിന്നുമായി സംഘടനയ്ക്ക് ലഭിച്ചതായും ഭാരവാഹികള്‍ പറഞ്ഞു.
