1ജിബി 3ജി ഡാറ്റ വെറും മൂന്നു രൂപയ്ക്ക്: വേഗമാകട്ടേ!

ഇപ്പോള്‍ വിശ്വസിക്കാന്‍ കഴിയാത്ത ഓഫറുമായാണ് പല ടെലികോം കമ്പനികളും എത്തിയിരിക്കുന്നത്. ഇതിനെല്ലാം തുടക്കം ജിയോ തന്നെയാണ് എന്നുളളതിന് ആര്‍ക്കും ഒരു സംശയവും ഇല്ല.

ഇപ്പോള്‍ ഏറ്റവും പുതിയ ഓഫറുമായി എത്തിയിരിക്കുന്നത് എയര്‍സെല്‍ ആണ്. ' ഗുഡ് മോര്‍ണിങ്ങ് പാക്ക്' എന്ന പേരിലാണ് ഈ ഓഫര്‍ എയര്‍സെല്‍ കൊണ്ടു വന്നിരിക്കുന്നത്.

ഈ ഓഫറില്‍ 1ജിബി ഡാറ്റ വെറും മൂന്നു രൂപയ്ക്ക് എയര്‍സെല്‍ നല്‍കുന്നു. ഈ ഓഫര്‍ ലഭ്യമാകണമെങ്കില്‍ ഉപയോക്താക്കള്‍ *121*100# എന്ന നമ്പറിലേക്ക് നിങ്ങളുടെ എയര്‍സെല്‍ നമ്പറില്‍ നിന്നും ഡയല്‍ ചെയ്യുക.

പ്രതി ദിനം 1ജിബി ഡാറ്റ ഉപയോഗിക്കുന്ന ഉപഭോക്താക്കളെ കണക്കിലെടുത്താണ് ഈ ഓഫര്‍ എയര്‍സെല്‍ കൊണ്ടു വന്നിരിക്കുന്നത്. എയര്‍സെല്‍ ഉപഭോക്താക്കള്‍ക്ക് അവരുടെ സൗകര്യത്തിനനുസരിച്ച് ഡാറ്റ ഉപയോഗം മാത്രമല്ല, അവരുടെ ഡാറ്റ ഉപയോഗത്തിന് ഉപയോക്താക്കള്‍ക്ക് കാര്യമായ നിയന്ത്രണം നല്‍കുകയും ചെയ്യുന്നു.

രാവിലെ 7 മണി മുതല്‍ 9 മണി വരെയാണ് 1ജിബി ഡാറ്റ ഉപയോഗിക്കാന്‍ സാധിക്കുന്നത്. ജമ്മൂ-കാശ്മീരിലാണ് ഈ ഓഫര്‍ ലഭ്യമാകുക. വീഡിയോ സ്ട്രീമിംഗ്, ഡൗണ്‍ലോഡിങ്ങ് ചെയ്യാന്‍, മ്യൂസിക്, ഗെയിംസ്, ചാറ്റിങ്ങ്, സോഷ്യല്‍ നെറ്റ്‌വര്‍ക്കിങ്ങ് തുടങ്ങിയവയുമായി കൂടുതല്‍ സമയം രാവിലെ ചെലവഴിക്കുന്നവരേയും കണക്കിലെടുത്താണ് എയര്‍സെല്ലിന്റെ ഈ പുതിയ ഓഫര്‍.