എയർടെൽ ഉണ്ടോ ചേട്ടാ ഒരു റീചാർജ്ജ് എടുക്കാൻ; 30, 60,90 ദിവസത്തെ പ്ലാനുമായി എയർടെൽ

ഇന്ത്യയിലെ ഏറ്റവും വലിയ രണ്ടാമത്തെ ടെലിക്കോം ഓപ്പറേറ്ററായ ഭാരതി എയർടെൽ 30, 60, 90 ദിവസത്തെ വാലിഡിറ്റിയുള്ള ഒന്നിലധികം പ്ലാനുകളുമായി വരുന്നു. പൂർണ്ണ അക്കങ്ങളിൽ ഉള്ള പ്ലാനുകൾ തങ്ങൾക്ക് ഇല്ലെന്ന് ഉപഭോക്താക്കൾ പരാതിപ്പെടാൻ തുടങ്ങിയതിന് ശേഷമാണ് 30, 60, 90 ദിവസത്തെ പ്ലാനുകൾ ചേർത്തത്.

നേരത്തെ, നിങ്ങൾക്ക് 28, 56, അല്ലെങ്കിൽ 84 ദിവസത്തെ വാലിഡിറ്റി പ്ലാനുകളിൽ നിന്ന് മാത്രമേ തിരഞ്ഞെടുക്കാനാകുമായിരുന്നു ഉള്ളു. അങ്ങനെ, ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ (ട്രായ്) നിർദ്ദേശത്തെ തുടർന്ന് എയർടെൽ കുറഞ്ഞത് 30 ദിവസത്തെ സേവന സാധുതയുള്ള ഒരു പ്ലാൻ കൂട്ടി ചേർക്കുക ആയിരുന്നു.

എയർടെൽ 30 ദിവസത്തെ വാലിഡിറ്റിയുള്ള മുൻനിര പ്രീപെയ്ഡ് പ്ലാനുകൾ: എയർടെല്ലിന് ആകെ മൂന്ന് 30 ദിവസത്തെ പ്ലാനുകളാണുള്ളത്. പ്ലാനുകൾ യഥാക്രമം 199 രൂപ, 296 രൂപ, 489 രൂപ നിരക്കിലാണ് വരുന്നത്. ഈ പ്ലാനുകളിൽ എല്ലാം ഉപഭോക്താക്കൾക്ക് അൺലിമിറ്റഡ് വോയ്‌സ് കോളിംഗ്, പ്രതിദിനം 100 എസ്എംഎസ്, എയർടെൽ താങ്ക്സ് ആനുകൂല്യങ്ങൾ എന്നിവ ലഭിക്കും.

199 രൂപയുടെ പ്ലാനിൽ 3 ജിബി ഡാറ്റയും 296 രൂപ പ്ലാനിൽ 25 ജിബി ഡാറ്റയും 489 രൂപയുടെ പ്ലാനിൽ 50 ജിബി ഡാറ്റയും ലഭിക്കും. 296 രൂപയുടെയും 489 രൂപയുടെയും പ്ലാനുകളിൽ കമ്പനിയുടെ അൺലിമിറ്റഡ് 5 ജി ഡാറ്റ ഓഫറും ലഭിക്കും.

60 ദിവസത്തെ വാലിഡിറ്റിയുള്ള എയർടെൽ മുൻനിര പ്രീപെയ്ഡ് പ്ലാൻ: എയർടെല്ലിൻ്റെ 519 രൂപയുടെ പ്ലാൻ ഉപഭോക്താക്കൾക്ക് 60 ദിവസത്തെ വാലിഡിറ്റി നൽകും. കൂടാതെ, അൺലിമിറ്റഡ് വോയ്‌സ് കോളിംഗ്, പ്രതിദിനം 100 എസ്എംഎസ്, 1.5 ജിബി പ്രതിദിന ഡാറ്റ എന്നിവയും ലഭിക്കും. അൺലിമിറ്റഡ് 5ജി ഡാറ്റ, അപ്പോളോ 24|7 സർക്കിൾ, സൗജന്യ ഹെലോ ട്യൂൺസ്, വിങ്ക് മ്യൂസിക് തുടങ്ങിയ എയർടെൽ താങ്ക്സ് ആനുകൂല്യങ്ങളും അധിക ചെലവില്ലാതെ ഈ പ്ലാനിൽ തന്നെ ഉൾപ്പെടുന്നു.

90 ദിവസത്തെ വാലിഡിറ്റിയുള്ള എയർടെൽ മുൻനിര പ്രീപെയ്ഡ് പ്ലാൻ: 90 ദിവസത്തെ പ്ലാൻ 779 രൂപയ്ക്കാണ് വരുന്നത്. ഇതിന് നിങ്ങൾക്ക് 1.5 ജിബി പ്രതിദിന ഡാറ്റ, അൺലിമിറ്റഡ് വോയ്‌സ് കോളിംഗ്, 100 എസ്എംഎസ്/ദിവസം എന്നിവ വാഗ്ദാനം ചെയ്യുന്നു. ഇത് കൂടാതെ നിങ്ങൾക്ക് അൺലിമിറ്റഡ് 5ജി ഡാറ്റ, അപ്പോളോ 24|7 സർക്കിൾ, സൗജന്യ ഹെലോട്യൂൺസ്, വിങ്ക് മ്യൂസിക് എന്നിവയും ലഭിക്കും.

മറ്റ് എയർടെൽ മുൻനിര പ്രീപെയ്ഡ് പ്ലാനുകളുടെ വിശദാംശങ്ങൾ: ഭാരതി എയർടെൽ പ്ലാനുകളുടെ ഏറ്റവും നല്ല കാര്യം, അവയിൽ ഭൂരിഭാഗവും അൺലിമിറ്റഡ് 5ജി ഡാറ്റയുമായി വരുന്നു എന്നതാണ്. 199 രൂപ പ്ലാനിന് പുറമെ, ഈ പ്ലാനുകളെല്ലാം എയർടെൽ താങ്ക്സ് ആപ്പ് വഴി നിങ്ങൾക്ക് ക്ലെയിം ചെയ്യാൻ കഴിയുന്ന അൺലിമിറ്റഡ് 5ജി ഡാറ്റയും ഓഫർ വാഗ്ദാനം ചെയ്യുന്നു.

ഇന്ത്യയിലെ ടെലിക്കോം കമ്പനികൾ കുറച്ച് വർഷങ്ങൾ മുൻപ് വരെ ഒരു മാസം മുഴുവൻ വാലിഡിറ്റി ലഭ്യമാക്കുന്ന റീച്ചാർജ് പ്ലാനുകൾ ലഭ്യമാക്കിയിരുന്നില്ല. അ‌തായത് 28 ദിവസം, 56 ദിവസം, 84 ദിവസം എന്നിങ്ങനെയൊക്കെയായിരുന്നു ഈ റീച്ചാർജ് പ്ലാനുകളുടെ വാലിഡിറ്റി എത്തിയിരുന്നത്. അ‌വ ഒരിക്കലും റൗണ്ട് വാലിഡിറ്റി നൽകിയിരുന്നില്ല.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ അറിയാനും ടെക്ക് ടിപ്‌സുകൾ അറിയാനും gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.