ഒരു മയത്തിലൊക്കെ ആവാം! എയർടെൽ പ്ലാനുകളിൽ വില വർധനവ്

ഭാരതി എയർടെൽ (Bharti Airtel) തങ്ങളുടെ മൊബൈൽ താരിഫുകൾ ജൂലൈ 3 മുതൽ വർധിപ്പിക്കുമെന്ന് പ്രഖ്യാപിച്ചു. സാമ്പത്തികമായി ഹെൽത്തി ആയ ബിസിനസ്സ് ഉറപ്പാക്കാൻ ഓരോ ഉപയോക്താവിനും ശരാശരി വരുമാനം (Average Revenue per User - ARPU) 300 രൂപയ്ക്ക് മുകളിൽ നിലനിർത്തേണ്ടത് ആവശ്യമാണ് എന്ന് കമ്പനി പ്രസ്താവനയിൽ പറഞ്ഞു. ഈ വർധനവ് മെച്ചപ്പെട്ട നെറ്റ്‌വർക്ക് ടെക്നൊളജിയിലും സ്പെക്‌ട്രത്തിലും നിക്ഷേപം നടത്താൻ അവരെ സഹായിക്കും. എയർടെല്ലിന്റെ ഈ വർധന ചെറുതാണെന്നും പ്രതിദിനം 70 പൈസയിൽ താഴെയാണെന്നും ഉറപ്പ് വരുത്തിയിട്ടുണ്ട്.

പ്രത്യേകിച്ചും ബജറ്റ് അവബോധമുള്ള ഉപഭോക്താക്കളെ ഭാരപ്പെടുത്തുന്നത് ഒഴിവാക്കാൻ എൻട്രി ലെവൽ പ്ലാനുകൾക്ക് ഈ വർധന വളരെ ചെറിയ രീതിയിൽ മാത്രമേ കമ്പനി കൊണ്ടുവന്നിട്ടുള്ളു. എയർടെൽ മാത്രമല്ല, റിലയൻസ് ജിയോയും (Relaince Jio) അതിൻ്റെ പ്രീപെയ്ഡ്, പോസ്റ്റ് പെയ്ഡ് പ്ലാനുകളുടെ വില വർദ്ധിപ്പിച്ചിട്ടുണ്ട്.

ജൂലൈ 3 മുതൽ വില വർധനയും നിലവിൽ വരും. എയർടെല്ലിൻ്റെ ഈ പുതിയ താരിഫ് പ്ലാനുകൾ ബജറ്റ് അവബോധമുള്ള ഉപഭോക്താക്കളിൽ ഉണ്ടാകുന്ന ആഘാതം കുറയ്ക്കുന്നതിന് മിതമായ വില വർദ്ധനവ് ആണ് കമ്പനി കൊണ്ടുവന്നത്. പുതിയ പ്രീപെയ്ഡ്, പോസ്റ്റ് പെയ്ഡ് പ്ലാനുകളുടെ വിശദമായ വിവരങ്ങൾ താഴെ നൽകിയിട്ടുണ്ട്.

199 രൂപ പ്ലാൻ: മുമ്പ് 179 രൂപയായിരുന്ന ഈ പ്ലാനിൻ്റെ വില ഇപ്പോൾ 199 രൂപ ആയി കൂട്ടി. ഇതിൽ 2ജിബി ഡാറ്റ, അൺലിമിറ്റഡ് കോളിംഗ്, 28 ദിവസത്തേക്ക് പ്രതിദിനം 100 എസ്എംഎസ് എന്നിവ ഉൾപ്പെടുന്നു. 509 രൂപ പ്ലാൻ: നേരത്തെ 455 രൂപയായിരുന്ന ഈ പ്ലാനിന് ഇപ്പോൾ 509 രൂപയാണ് വില. ഇത് 84 ദിവസത്തേക്ക് 6ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും വാഗ്ദാനം ചെയ്യുന്നു.

1999 രൂപ പ്ലാൻ: മുമ്പ് 1799 രൂപയായിരുന്ന ഈ പ്ലാനിന് ഇപ്പോൾ 1999 രൂപയാണ് വില. ഇതിൽ 24ജിബി ഡാറ്റ, അൺലിമിറ്റഡ് കോളിംഗ്, കൂടാതെ 365 ദിവസത്തേക്ക് പ്രതിദിനം 100 എസ്എംഎസ് എന്നിവ ലഭിക്കും. 299 രൂപ പ്ലാൻ: നേരത്തെ 265 രൂപയായിരുന്ന ഈ പ്ലാനിന് ഇപ്പോൾ 299 രൂപയാണ് വില. ഇത് പ്രതിദിനം 1ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും 28 ദിവസത്തേക്ക് വാഗ്ദാനം ചെയ്യുന്നു.

349 രൂപ പ്ലാൻ: മുമ്പ് ഈ പ്ലാനിന് 299 രൂപയായിരുന്നു. ഈ പ്ലാനിൻ്റെ വില ഇപ്പോൾ 349 രൂപയായി വർധിപ്പിച്ചു. ഈ പ്ലാനിൽ പ്രതിദിനം 1.5 ജിബി ഡാറ്റ, അൺലിമിറ്റഡ് കോളിംഗ്, 28 ദിവസത്തേക്ക് പ്രതിദിനം 100 എസ്എംഎസ് എന്നിവ ലഭ്യമാകും.

409 രൂപ പ്ലാൻ: നേരത്തെ 359 രൂപയായിരുന്ന ഈ പ്ലാനിന് ഇപ്പോൾ 409 രൂപയാണ് വില. ഇത് പ്രതിദിനം 2.5ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും 28 ദിവസത്തേക്ക് വാഗ്ദാനം ചെയ്യുന്നു. 449 രൂപ പ്ലാൻ: മുമ്പ് 399 രൂപയായിരുന്നു. ഈ പ്ലാനിൻ്റെ വില ഇപ്പോൾ 449 രൂപയാണ്. ഇതിൽ പ്രതിദിനം 3ജിബി ഡാറ്റ, അൺലിമിറ്റഡ് കോളിംഗ്, 28 ദിവസത്തേക്ക് പ്രതിദിനം 100 എസ്എംഎസ് എന്നിവ ഉൾപ്പെടുന്നു.

579 രൂപ പ്ലാൻ: നേരത്തെ 479 രൂപയായിരുന്ന ഈ പ്ലാനിന് ഇപ്പോൾ 579 രൂപയാണ് വില. ഇത് പ്രതിദിനം 1.5ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും 56 ദിവസത്തേക്ക് വാഗ്ദാനം ചെയ്യുന്നു. 649 രൂപ പ്ലാൻ: മുമ്പ് 549 രൂപയായിരുന്ന ഈ പ്ലാനിൻ്റെ വില ഇപ്പോൾ 649 രൂപയാണ്. ഇതിൽ പ്രതിദിനം 2ജിബി ഡാറ്റ, അൺലിമിറ്റഡ് കോളിംഗ്, 56 ദിവസത്തേക്ക് പ്രതിദിനം 100 എസ്എംഎസ് എന്നിവ ഉൾപ്പെടുന്നു.

859 രൂപ പ്ലാൻ: നേരത്തെ 719 രൂപയായിരുന്ന ഈ പ്ലാനിന് ഇപ്പോൾ 859 രൂപയാണ് വില. ഇത് പ്രതിദിനം 1.5ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും 84 ദിവസത്തേക്ക് വാഗ്ദാനം ചെയ്യുന്നു. 979 രൂപ പ്ലാൻ: മുമ്പ് 839 രൂപയായിരുന്നു, ഈ പ്ലാനിൻ്റെ വില ഇപ്പോൾ 979 രൂപയാണ്. ഇതിൽ പ്രതിദിനം 2ജിബി ഡാറ്റ, അൺലിമിറ്റഡ് കോളിംഗ്, 84 ദിവസത്തേക്ക് പ്രതിദിനം 100 എസ്എംഎസ് എന്നിവ ഉൾപ്പെടുന്നു.

3599 രൂപ പ്ലാൻ: നേരത്തെ 2999 രൂപയായിരുന്ന ഈ പ്ലാനിന് ഇപ്പോൾ 3599 രൂപയാണ് വില. ഏകദേശം 600 രൂപയുടെ വർധനവ് ആണ് ഈ പ്ലാനിന്‌ കമ്പനി കൂട്ടിയത്. എന്നാൽ ഇത് പ്രതിദിനം 2 ജിബി ഡാറ്റയും അൺലിമിറ്റഡ് കോളിംഗും പ്രതിദിനം 100 എസ്എംഎസും 365 ദിവസത്തേക്ക് വാഗ്ദാനം ചെയ്യുന്നു.

ഡാറ്റ ആഡ്-ഓൺ പ്ലാനുകൾ: 22 രൂപ പ്ലാൻ: മുമ്പ് 19 രൂപയായിരുന്ന ഈ പ്ലാനിന് ഇപ്പോൾ 22 രൂപയാണ് വില. ഇതിൽ ഒരു ദിവസത്തേക്ക് 1 ജിബി അധിക ഡാറ്റ ഉൾപ്പെടുന്നു. 33 രൂപ പ്ലാൻ: നേരത്തെ 29 രൂപയായിരുന്ന ഈ പ്ലാനിന് ഇപ്പോൾ 33 രൂപയാണ് വില.

ഇത് ഒരു ദിവസത്തേക്ക് 2 ജിബി അധിക ഡാറ്റ വാഗ്ദാനം ചെയ്യുന്നു. 77 രൂപ പ്ലാൻ: മുമ്പ് 65 രൂപയായിരുന്ന ഈ പ്ലാനിന് ഇപ്പോൾ 77 രൂപയാണ് വില. അടിസ്ഥാന പ്ലാനിൻ്റെ സാധുതയ്ക്കായി 4 ജിബി അധിക ഡാറ്റ ഇതിൽ ഉൾപ്പെടുന്നു.

പോസ്റ്റ്പെയ്ഡ് പ്ലാനുകൾ: 449 രൂപ പ്ലാൻ: ഈ പ്ലാൻ റോൾഓവർ, അൺലിമിറ്റഡ് കോളിംഗ്, പ്രതിദിനം 100 എസ്എംഎസ്, എക്‌സ്ട്രീം പ്രീമിയം സബ്‌സ്‌ക്രിപ്‌ഷൻ എന്നിവയ്‌ക്കൊപ്പം 40ജിബി ഡാറ്റ വാഗ്ദാനം ചെയ്യുന്നു. 549 രൂപ പ്ലാൻ: റോൾഓവർ, അൺലിമിറ്റഡ് കോളിംഗ്, പ്രതിദിനം 100 എസ്എംഎസ്, എക്‌സ്‌ട്രീം പ്രീമിയം, ഡിസ്‌നി+ഹോട്ട്‌സ്റ്റാർ എന്നിവയ്‌ക്കൊപ്പം 75 ജിബി ഡാറ്റയും 6 മാസത്തേക്ക് ആമസോൺ പ്രൈമും ഇതിൽ ഉൾപ്പെടുന്നു.

699 രൂപ പ്ലാൻ: കുടുംബങ്ങൾക്ക്, ഈ പ്ലാനിൽ റോൾഓവർ, അൺലിമിറ്റഡ് കോളിംഗ്, പ്രതിദിനം 100 എസ്എംഎസ്, 12 മാസത്തേക്ക് Xstream പ്രീമിയം, Disney+Hotstar, 6 മാസത്തേക്ക് ആമസോൺ പ്രൈം, 2 കണക്ഷനുകൾക്ക് Wynk പ്രീമിയം എന്നിവയോടുകൂടിയ 105 ജിബി ഡാറ്റ ഈ പ്ലാനിൽ ഉൾപ്പെടുന്നു.

999 ​​രൂപ പ്ലാൻ: വലിയ കുടുംബങ്ങൾക്ക്, ഈ പ്ലാൻ 190 ജിബി ഡാറ്റ റോൾഓവർ, അൺലിമിറ്റഡ് കോളിംഗ്, പ്രതിദിനം 100 എസ്എംഎസ്, Xstream പ്രീമിയം, 12 മാസത്തേക്ക് Disney+Hotstar, 4 കണക്ഷനുകൾക്ക് ആമസോൺ പ്രൈം (Amazon Prime) എന്നിവ വാഗ്ദാനം ചെയ്യുന്നു. ഈ പുതിയ താരിഫുകൾ ഭാരതി ഹെക്‌സാകോം ലിമിറ്റഡ് ഉൾപ്പെടെ എല്ലാ സർക്കിളുകൾക്കും ബാധകമാണ്. പുതുക്കിയ വിലകൾ 2024 ജൂലൈ 3 മുതൽ എയർടെല്ലിൻ്റെ ഔദ്യോഗിക വെബ്‌സൈറ്റിൽ ലഭ്യമാകും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.