100 ദീർഘകാല ചാനൽ പായ്ക്കുകൾ അവതരിപ്പിച്ച് എയർടെൽ ഡിജിറ്റൽ ഡിടിഎച്ച് ടി.വി

എയർടെൽ ഡിജിറ്റൽ ടി.വി

റിപ്പോർട്ട് അനുസരിച്ച്, എയർടെൽ ഡിജിറ്റൽ ടി.വിയുടെ ദീർഘകാല പദ്ധതികൾ ആരംഭിക്കുന്നത് 799 രൂപയുടെ പായ്ക്ക് യുഡിപി -6 ആണ്, ഇത് ആറുമാസത്തെ സാധുത ഉറപ്പാക്കുന്നു. എയർടെലിൻറെ മറ്റുള്ള പാക്കുകൾ എന്നത് 1,049 രൂപ വില വരുന്ന ഒറീസ സൂപ്പർസ്റ്റാർ റീജിയണൽ 6 എം, 1,149 രൂപയ്ക്ക് ഡബ്ല്യുബി സൂപ്പർസ്റ്റാർ റീജിയണൽ 6 എം, 1,349 രൂപ വിലയുള്ള യുഡിപി 12 എം പായ്ക്ക്, 1,397 രൂപയ്ക്ക് തെലുങ്ക് സൂപ്പർ സ്റ്റാർ ഹിന്ദി 6 എം പ്ലാൻ, 1,398 രൂപയ്ക്ക് കേരള സൂപ്പർ സ്റ്റാർ അൾട്ടിമേറ്റ് 6 എം ചാനൽ, ഹിന്ദി 1,681 രൂപ വില വരുന്ന എസ്ഡി പായ്ക്ക്.

മറ്റുള്ള പ്ലാനുകൾ

ആറുമാസം മാത്രമല്ല, മറ്റുള്ള പ്ലാനുകൾ എന്നത് എയർടെൽ ഡിജിറ്റൽ ടി.വിയിൽ 3,081 രൂപ വില വരുന്ന ഹിന്ദി വാല്യു എസ്ഡി 12 എം, 3,652 രൂപയ്ക്ക് ഡെൽ എംപി സിജി രാജ് വാല്യു സ്പോർട്സ് ലൈറ്റ് 12 എം പായ്ക്ക്, 3,663 രൂപയ്ക്ക് ഒറീസ വാല്യു സ്പോർട്സ് എസ്ഡി 12 എം, 4,158 രൂപയ്ക്ക് കർണാടക വാല്യു സ്‌പോർട്‌സ് എസ്ഡി 12 എം തുടങ്ങിയവയാണ്. എയർടെൽ ഡിജിറ്റൽ ടി.വി സബ്‌സ്‌ക്രൈബർമാർക്ക് ദീർഘകാല പ്ലാനുകൾക്കായി ധാരാളം ഓപ്ഷനുകൾ ഇപ്പോൾ ലഭ്യമാണ്, കാരണം ഇപ്പോൾ ഈ ഡിടിഎച്ച് ദാതാവ് നൂറിലധികം പ്ലാനുകൾ അവതരിപ്പിക്കുന്നുണ്ട്, അതും 7,811 രൂപ വരെയുള്ള പ്ലാനുകളാണ്.

ദീർഘകാല പ്ലാനുകൾ

കമ്പനിയിൽ നിന്നുള്ള ഈ ദീർഘകാല പ്ലാനുകൾ പരിശോധിക്കുന്നതിന് ഉപയോക്താക്കൾക്ക് അവരുടെ അക്കൗണ്ടിലേക്ക് ലോഗിൻ ചെയ്യേണ്ടതുണ്ട്, കൂടാതെ ഒരു ഓഫറും ഇതോടപ്പം ലഭ്യമാക്കുന്നുണ്ട്. എയർടെൽ ഡിജിറ്റൽ ടി.വിയുടെ എച്ച്ഡി സെറ്റ് ടോപ്പ് ബോക്‌സിൻറെ വിലയും കുറച്ചിട്ടുണ്ട്. സെറ്റ്-ടോപ്പ് ബോക്സുള്ള എയർടെൽ ഡിജിറ്റൽ ടി.വി കണക്ഷൻ നേരത്തെ 1,953 രൂപയ്ക്ക് ലഭ്യമായിരുന്നു, എന്നാൽ ഇപ്പോൾ 500 രൂപ വെട്ടിക്കുറച്ചിട്ടുണ്ട്, ഇപ്പോൾ 1,453 രൂപയ്ക്ക് ഇത് വാങ്ങാം. കമ്പനി ഉപഭോക്താക്കൾക്ക് 1,000 രൂപ വരെ ആനുകൂല്യവും 150 ബണ്ടിൽഡ് ചാനലുകളും ഇതോടപ്പം വാഗ്ദാനം ചെയ്യുന്നുണ്ട്.