വാച്ച് വേണോ സുഹൃത്തേ, ഭാവി തിരുത്താന്‍

By Vivek Kr

Updated: Tuesday, January 29, 2013, 17:13 [IST]

'ഐ ഓള്‍വേയ്‌സ് ലൈക്ക് മി'... പിന്നൊരു ചിരി. തലയ്ക്കു പിന്നിലായി ചേര്‍ത്ത്‌
പിടിച്ചിരിയ്ക്കുന്ന കൈകളിലൊന്ന് മറ്റേ കൈയ്യിലെ വാച്ചിലെ ബട്ടണമര്‍ത്തുന്നു. ബ്ഭും...

ഷാരൂഖ് ഖാന്റെ ഡോണ്‍ തുടങ്ങുന്നത് ഇങ്ങനെ ഒരു വാച്ച് പണിയിലൂടെയാണ്. ജെയിംസ് ബോണ്ട് പോലെയുള്ള ചിത്രങ്ങളിലെല്ലാം വാച്ച് സമയം കാട്ടിത്തരുന്ന ഒരുപാധിയ്ക്കപ്പുറം മറ്റനേകം സാധ്യതകളുള്ള ഒരുപകരണമാണ്. പലപ്പോഴും ബോംബുകളെ നിയന്ത്രിയ്ക്കാന്‍ സഹായിയ്ക്കുന്ന റിമോട്ടുകളാണവ. ചിലപ്പോഴൊക്കെ ക്യാമറയും, വോയ്‌സ് റെക്കോര്‍ഡറുമുള്ള ഒരു ചാര ഉപകരണം.അങ്ങനെ പല അവതാരങ്ങളിലും വാച്ചുകള്‍ പ്രത്യക്ഷപ്പെടാറുണ്ട്.

സിനിമയില്‍ മാത്രമല്ല യഥാര്‍ത്ഥത്തിലും വാച്ചുകള്‍ക്ക് ഇങ്ങനെ ഒട്ടേറെ ഉപയോഗങ്ങളുണ്ട്. ഇപ്പോള്‍ എന്തൊക്കെ വാച്ചിലില്ല എന്ന് നോക്കുന്നതാവും നല്ലത്. സ്മാര്‍ട്ട്‌ഫോണ്‍ ലോകം വളര്‍ച്ച പ്രാപിയ്ക്കുന്നതിനൊപ്പം സ്മാര്‍ട്ട് വാച്ചുകളും വികസിയ്ക്കുകയും, പുതിയ രൂപങ്ങള്‍ നേടുകയുമാണ്. മൊബൈല്‍ഫോണും, കമ്പ്യൂട്ടറും വരെയായി ഉപയോഗിയ്ക്കാന്‍ സാധിയ്ക്കുന്ന വാച്ചുകള്‍ ലഭ്യമാണ്. വാച്ചുകളുടെ ലോകത്തെ പരീക്ഷണങ്ങളും കണ്ടെത്തലുകളും തുടരുകയാണ്. ഇപ്പോള്‍ നമുക്ക് ചില വരും തലമുറ വാച്ചുകള്‍ കാണാം.